ନତାଶାଙ୍କୁ ଛାଡ଼ପତ୍ର ଦେଉ ଦେଉ ହାର୍ଦ୍ଦିକ ମିଳିଗଲା ନୂଆ ପ୍ରେମିକା ! ଏହି ସୁନ୍ଦରୀଙ୍କୁ କରୁଛନ୍ତି ଡେଟ୍..
1 min read
ଅଲ୍ରାଉଣ୍ଡର୍ କ୍ରିକେଟର୍ ହାର୍ଦିକ ପାଣ୍ଡ୍ୟାଙ୍କ ନତାଶା ଷ୍ଟେନ୍କୋଭିକ୍ଙ୍କ ସହ ଛାଡପତ୍ର ଖବର ଦୀର୍ଘ ଦିନ ଚର୍ଚ୍ଚାରେ ଥିଲା। ଏହା ଏବେ ନିଶ୍ଚିତ ଘୋଷଣା ହୋଇଛି। ତେବେ ଏହି ଆଲୋଚନା ଥମି ନଥିବା ବେଳେ ହାର୍ଦ୍ଦିକ ପାଣ୍ଡ୍ୟାଙ୍କ ଜୀବନରେ ଏଣ୍ଟ୍ରି ମାରିଛନ୍ତି ଆଉ ଜଣେ ମିଷ୍ଟ୍ରି ଗାର୍ଲ । ଯାହାଙ୍କ ସହ ଏବେ ପାଣ୍ଡ୍ୟା ଗ୍ରିସରେ ଛୁଟି କାଟୁଥିବା ଚର୍ଚ୍ଚା ହେଉଛି ।
ନିକଟରେ ପତ୍ନୀ ନତାସା ଷ୍ଟାନକୋଭିକଙ୍କଠାରୁ ଅଲଗା ହେବା ପରେ ଏବେ ହାର୍ଦ୍ଦିକ ପାଣ୍ଡ୍ୟା ଗ୍ରିସରେ ଛୁଟି କାଟୁଛନ୍ତି। ତେବେ ସେ ଛୁଟି କାଟିବାକୁ ଯାଇଥିବା ବେଳେ କିଛି ଫଟୋକୁ ନେଇ ଏବେ ସବୁଠି ଚର୍ଚ୍ଚା । ତାଙ୍କ ଫଟୋ ଦେଖିଲେ ଲାଗୁଛି ସେ ବ୍ରିଟିଶ ଗାୟିକା ଜସ୍ମିନ୍ ୱାଲିଆଙ୍କୁ ଡେଟ କରୁଛନ୍ତି । କ୍ରିକେଟରଙ୍କ ପ୍ରଶଂସକମାନେ ତାଙ୍କୁ ଏବଂ ଜସ୍ମିନଙ୍କୁ ସମାନ ବ୍ୟାକ୍ଗ୍ରାଉଣ୍ଡ୍ରେ ଫଟୋ ଉଠାଇଥିବା ଦେଖି ସେମାନେ ସାଥୀ ହୋଇ ଛୁଟି କାଟିବାକୁ ଯାଇଛନ୍ତି ସନ୍ଦେହ କରୁଛନ୍ତି। କିଛି ଦିନ ପୂର୍ବରୁ ଜସ୍ମିନ୍ ଏକ ସୁଇମିଂ ପୁଲ୍ ପାଖରେ ଠିଆ ହୋଇଥିବା ବେଳେ ନୀଳ ବିକିନିରେ ନିଜର ଚିତ୍ର ସେୟାର କରିଥିଲେ। ସୂର୍ଯ୍ୟ କିରଣରୁ ନିଜକୁ ରକ୍ଷା କରିବା ପାଇଁ ସେ ଏକ ଟୋପି ବି ପିନ୍ଧିଥିଲେ। ପରେ, ହାର୍ଦ୍ଦିକ ସେହି ସୁଇମିଂ ପୁଲରେ ଏକ ପୋଜ୍ ମାରିବାର ଏକ ଭିଡିଓ ସେୟାର କରିଥିଲେ। ସେ ଏକ ପ୍ରିଣ୍ଟେଡ୍ ସାର୍ଟ ଏବଂ ବିଜ୍ ପ୍ୟାଣ୍ଟରେ ଫଟୋ ଉଠାଇ ପୋଷ୍ଟ୍ କରିଥିଲେ। ତେବେ ତାଙ୍କର ସେହି ପୋଷ୍ଟ୍କୁ ଜସ୍ମିନ୍ ଲାଇକ୍ କରିବାରୁ ଚର୍ଚ୍ଚା ଆହୁରି ଜୋର୍ ଧରିଛି।
