ଆଜି ଦେଶ ପାଳୁଛି ସ୍ୱାଧୀନତା ଦିବସ, ଲାଲକିଲ୍ଲାରେ ପତକା ଉତ୍ତୋଳନ କଲେ ପ୍ରଧାନମନ୍ତ୍ରୀ ମୋଦି
1 min read
ଆଜି ଦେଶ ପାଳୁଛି ୭୮ତମ ସ୍ବାଧୀନତା ଦିବସ। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରେଡ ଦୁର୍ଗର ରାମ୍ପର୍ଟରୁ ପତାକା ଉତ୍ତୋଳନ କରିଛନ୍ତି। ଏହା ପରେ ଏକାଦଶ ଥର ପାଇଁ ଦେଶକୁ ସମ୍ବୋଧିତ କରୁଛନ୍ତି। ପତାକା ଉତ୍ତୋଳନ ପରେ ଜନ-ଗଣ-ମନ ଧ୍ୱନିରେ ପ୍ରକମ୍ପିତ ହୋଇଥିଲା ଚର୍ତୁପାଶ୍ୱ । ବାୟୁସେନା ପକ୍ଷରୁ ଆକାଶ ମାର୍ଗରୁ ପୁଷ୍ପବର୍ଷା ମଧ୍ୟ କରାଯାଇଛି । ଚଳିତ ବର୍ଷ ସ୍ୱାଧୀନତା ଦିବସର ବିଷୟବସ୍ତୁ ହେଉଛି ‘ବିକଶିତ@୨୦୪୭’।
ଲାଲକିଲ୍ଲାରେ ଏହି ଉତ୍ସବ ଦେଖିବା ପାଇଁ ପାଖାପାଖି ୬ ହଜାର ସ୍ୱତନ୍ତ୍ର ଅତିଥିଙ୍କୁ ନିମନ୍ତ୍ରଣ କରାଯାଇଛି। ଯୁବକ, ଆଦିବାସୀ ସମ୍ପ୍ରଦାୟ, କୃଷକ, ମହିଳା ଓ ଅନ୍ୟାନ୍ୟ ସ୍ୱତନ୍ତ୍ର ଅତିଥିଙ୍କ ସମେତ ବିଭିନ୍ନ ବର୍ଗର ଏହି ବ୍ୟକ୍ତିମାନେ ଯୋଗ ଦେବେ। ସେମାନେ ସରକାରୀ ଯୋଜନା ଓ ପଦକ୍ଷେପ ସାହାଯ୍ୟରେ ବିଭିନ୍ନ କ୍ଷେତ୍ରରେ ଉତ୍କୃଷ୍ଟ ପ୍ରଦର୍ଶନ କରିଛନ୍ତି। ପ୍ରଧାନମନ୍ତ୍ରୀ କିଷାନ ସମ୍ମାନ ନିଧିରୁ ଉପକୃତ ହୋଇଥିବା ୨୫୦ ଜଣ କୃଷକଙ୍କୁ ସ୍ୱତନ୍ତ୍ର ଅତିଥି ଭାବେ ନିମନ୍ତ୍ରଣ କରାଯାଇଛି। ଏହାବ୍ୟତୀତ ଗ୍ରାମ ପଞ୍ଚାୟତରୁ ୩ଶହ ନିର୍ବାଚିତ ମହିଳା ପ୍ରତିନିଧିଙ୍କୁ ନିମନ୍ତ୍ରଣ କରାଯାଇଛି। ୧୫୦ ଲକ୍ଷପତି ଦିଦି ଓ ୧୫୦ ଡ୍ରୋନ୍ ଦିଦିଙ୍କୁ ମଧ୍ୟ ନିମନ୍ତ୍ରଣ କରାଯାଇଛି। ନିକଟରେ ଶେଷ ହୋଇଥିବା ପ୍ୟାରିସ୍ ଅଲିମ୍ପିକ୍ସରେ ଅଂଶଗ୍ରହଣ କରିଥିବା ଭାରତୀୟ ଦଳକୁ ମଧ୍ୟ ଏହି ଉତ୍ସବରେ ଅଂଶଗ୍ରହଣ କରିବାକୁ ନିମନ୍ତ୍ରଣ କରାଯାଇଛି। ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ପାଖାପାଖି ଦୁଇ ହଜାର ଲୋକଙ୍କୁ ଏହି ଭବ୍ୟ ସମାରୋହ ଦେଖିବା ପାଇଁ ନିମନ୍ତ୍ରଣ କରାଯାଇଛି। ପ୍ରତିରକ୍ଷା ମନ୍ତ୍ରଣାଳୟ ଦ୍ୱାରା ଆୟୋଜିତ ବିଭିନ୍ନ ଅନଲାଇନ ପ୍ରତିଯୋଗିତାର ୩ ହଜାର ବିଜେତା ମଧ୍ୟ ଏହି ଉତ୍ସବରେ ଅଂଶଗ୍ରହଣ କରିବେ। ଏହି ଉତ୍ସବରେ ଦେଶର ବିଭିନ୍ନ ବିଦ୍ୟାଳୟର ମୋଟ ୨ ହଜାର ବାଳକ ଓ ବାଳିକା କ୍ୟାଡେଟ୍ ଅଂଶଗ୍ରହଣ କରିଛନ୍ତି ।
