ଭାଇ ହାତରେ ରାକ୍ଷୀ ବାନ୍ଧି ୧ ଟଙ୍କା ପାଉଣା ପାଇଲେ ମନୁ ଭାକର..
1 min read
ଆସନ୍ତା କାଲି ପାଳନ ହୋଇଥିଲା ପବିତ୍ର ରାକ୍ଷୀ ପୂର୍ଣ୍ଣିମା l ପ୍ରତ୍ୟକ ଭଉଣୀ ତା ଭାଇର ଦୀର୍ଘାୟୁ ଏବଂ ସଫଳତା କାମନା କରି ତା’ ହାତରେ ରାକ୍ଷୀ ବାନ୍ଧିଛି l କାରଣ ଭାଇ ଭଉଣୀର ସମ୍ପର୍କକୁ ଦୁନିଆର ସବୁଠୁ ପବିତ୍ର ସଂପର୍କ ବୋଲି କୁହାଯାଏ । ଏହି ରାକ୍ଷୀ ପ୍ରତ୍ୟେକ ଭାଇ-ଭଉଣୀ ପାଇଁ ସ୍ନେହ ଓ ଭଲ ପାଇବାର ସାକ୍ଷୀ ହୋଇ ରହିଥାଏ । ତେବେ ଏହି ପର୍ବରେ ପ୍ୟାରିସ୍ ଅଲିମ୍ପିକ୍ସରେ ଭାରତକୁ ଦୁଇ ଦୁଇଟି ମଡେଲ ଭେଟିଦେଇଥିବା ମନୁ ଭାକର ତାଙ୍କ ଭାଇଙ୍କ ହାତରେ ରାକ୍ଷୀ ବାନ୍ଧିଥିଲେ l ହେଲେ ପାଉଣା ବାବଦକୁ ତାଙ୍କ ଭାଇ ତାଙ୍କୁ ମାତ୍ର ଗୋଟିଏ ଟଙ୍କା ଦେଇଥିଲେ । ଯାହାର ଫଟୋ ସେ ନିଜେ ସୋସିଆଲ ମିଡିଆରେ ସେୟାର କରିଛନ୍ତି ।
ଯାହାକୁ ପାଇ ମନୁ ବେଶ ଖୁସି ହୋଇଯାଇଥିଲେ। ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି l ଏତେ ବଡ଼ ଖେଳାଳି ରାକ୍ଷୀର ପାଉଣା ମାତ୍ର ଏକ ଟଙ୍କା ନେଲେ । ତେବେ ଏହି ଏକ ଟଙ୍କିଆ ନୋଟର ସ୍ବତନ୍ତ୍ରତା ହେଉଛି ଏହା ଖୁବ ପୁରୁଣା ନୋଟ । ଯାହା ଏବେ ଦେଖିବାକୁ ମିଳୁନାହିଁ କି ବଜାରରେ ତାର ଆଉ ମୂଲ୍ୟ ନାହିଁ। କିନ୍ତୁ ଭାଇ ଠାରୁ ଏହି ବିରଳ ଟଙ୍କିକିଆ ନୋଟ ରାଖୀରେ ପାଇବା ପରେ ମନୁ ଖୁବ ଖୁସି ହୋଇଯାଇଥିଲେ। ପ୍ୟାରିସ ଅଲିମ୍ପିକ୍ସରେ ଡବଲ ବ୍ରୋଞ୍ଜ ପଦକ ଜିତି ଭାରତ ପାଇଁ ଇତିହାସ ସୃଷ୍ଟି କରିଥିଲେ ସୁଟର ମନୁ ଭାକର । ମନୁ ଗୋଟିଏ ଅଲିମ୍ପିକ୍ସରେ ଦୁଇଟି ପଦକ ଜିତିଥିବା ସ୍ବାଧୀନ ଭାରତର ପ୍ରଥମ ଆଥଲେଟ ଅଟନ୍ତି ।
