ସଂସଦରେ ମୁଷାଙ୍କ ଉପଦ୍ରଵ , କିଣାଯିବ ୧୨ ଲକ୍ଷ ଟଙ୍କାର ବିଲେଇ ..
1 min read
ସଂସଦ ପାଇଁ କିଣାଯିବ ବିଲେଇ । ଯେଉଁଥିପାଇଁ ଖର୍ଚ୍ଚ ହେବ ୧୨ ଲକ୍ଷ ଟଙ୍କା। ଏକଥା ଶୁଣିଲେ ଆଶ୍ଚର୍ଯ୍ୟ ଲାଗିବ । ମନକୁ ପ୍ରଶ୍ନ ଆସିବ ସଂସଦରେ ବିଲେଇ ର କାମ କଣ ? ଆଉ ବିଲେଇ କିଣିବା ପାଇଁ କାହିଁକି ଖର୍ଚ୍ଚ କରାଯାଉଛି ଲକ୍ଷ ଲକ୍ଷ ଟଙ୍କା । ତେବେ ପ୍ରକୃତ ଘଟଣା ଜାଣିଲେ ଆପଣ ହୋଇଯିବେ ଆଶ୍ଚର୍ଯ୍ୟ ଚକିତ । ସୂଚନାନୁଯାୟୀ ସଂସଦରେ ମୂଷା କରୁଛନ୍ତି ତାଣ୍ଡବ । ଅନେକ ଗୁରୁତ୍ୱପୂର୍ଣ୍ଣ ଫାଇଲକୁ ସେମାନେ ନଷ୍ଟ କରି ସାରିଛନ୍ତି । ଶେଷରେ ଅତିଷ୍ଠ ହୋଇ ମୂଷାଙ୍କ ଦମନ ପାଇଁ କ୍ୟାପିଟାଲ ଡେଭଲେପମେଂଟ ଅଥରିଟି ୧୨ ଲକ୍ଷ ଟଙ୍କାର ବଜେଟ ପାସ କରିଛନ୍ତି । ମୂଷାଙ୍କୁ ରୋକିବା ପାଇଁ ଅଭିଜ୍ଞ ଧରାଳୀଙ୍କୁ ନିଯୁକ୍ତ କରାଯାଇଛି । ସେହିପରି ବିଭିନ୍ନ ସ୍ଥାନରେ ମୂଷା ଧରିବା ଯନ୍ତ୍ର ଏବଂ ବିଲେଇକୁ ମଧ୍ୟ ଛଡାଯାଇଛି ।
ପାକିସ୍ତାନର ଆର୍ଥୀବ ଅବସ୍ଥା ଭଲ ନ ଥିବା ବେଳେ ୧୨ ଲକ୍ଷ ଟଙ୍କା ବଜେଟ ପାସ କରିବାକୁ ବିରୋଧୀ ସମାଲୋଚନା କରିଛନ୍ତି । ଏ ଘଟଣା ହେଉଛି ପାକିସ୍ତାନରେ ସଂସଦରେ ।ଖବର ଶୁଣିବା ପରେ ଆପଣଙ୍କୁ ଅଜବ ଲାଗୁଥାଇପାରେ, କିନ୍ତୁ ଏଠାରେ ଥିବା ସାଂସଦ ଏବଂ କର୍ମଚାରୀମାନେ ଏହି ସମସ୍ୟାରେ ଏତେ ଅସୁବିଧାରେ ପଡିଛନ୍ତି ଯେ ସେମାନେ କିଛି ଭାବିବାକୁ ବି ଅସମର୍ଥ। ସଂସଦ ଗୃହରେ ମୂଷାଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ମୂଷାଙ୍କ ଏହି ସମସ୍ୟା ନୂଆ ନୁହେଁ, କିନ୍ତୁ ସାମ୍ପ୍ରତିକ ସମୟରେ ଏହା ଅଧିକ ଗୁରୁତର ହୋଇଛି। ମୂଷାମାନେ କେବଳ ଡକ୍ୟୁମେଣ୍ଟ୍ ନଷ୍ଟ କରୁନାହାଁନ୍ତି ବରଂ କମ୍ପ୍ୟୁଟର ତାରକୁ ମଧ୍ୟ କାଟି ଦେଉଛନ୍ତି । ଏହା ବ୍ୟତୀତ ସଂସଦରେ ମଇଳା ଏବଂ ରୋଗ ହେବାର ଆଶଙ୍କା ମଧ୍ୟ ବୃଦ୍ଧି ପାଇଛି। ଶେଷରେ ସଂସଦରେ ମୂଷା ଧରିବା ପାଇଁ ବିଲେଇମାନଙ୍କୁ କିଣାଯିବ ବୋଲି ନିଷ୍ପତ୍ତି ନିଆଯାଇଛି। ବିଶ୍ୱାସ କରାଯାଏ ଯେ ବିଲେଇମାନେ ମୂଷାମାନଙ୍କୁ ମାରିବା ଏବଂ ତଡ଼ି ଦେବାରେ ସହାୟକ ହେବ। ତଥାପି, କିଛି ଲୋକ ଏହି ନିଷ୍ପତ୍ତି ଉପରେ ପ୍ରଶ୍ନ ଉଠାଉଛନ୍ତି, କିନ୍ତୁ ଅଧିକାଂଶ ଲୋକ ଏହାକୁ ଏକ ପ୍ରଭାବଶାଳୀ ଏବଂ ବ୍ୟବହାରିକ ସମାଧାନ ଭାବରେ ବିଚାର କରୁଛନ୍ତି ।
