କୋଲକାତା ପ୍ରୋଟେଷ୍ଟ ; ଯଦି ମରିବାକୁ ପଡେ ମରିବି କିନ୍ତୁ ହଟିବି ନାହିଁ ,ତ୍ରିରଙ୍ଗା ଧରି ପାଣିଧାରାରେ ଠିଆ ହେଲେ ବଳରାମ ବୋଷ୍ ।
1 min read
ମୌମିତାଙ୍କୁ ନ୍ୟାୟ ଦେବାକୁ ଏକାଠି ହୋଇଛି ପୁରା ପଶ୍ଚିମବଙ୍ଗ । ମଙ୍ଗଳବାର ଦିନ କୋଲକାତା ଡାକ୍ତରଖାନାରେ ଘଟିଥିବା ବଳାତ୍କାର-ହତ୍ୟା ଘଟଣାକୁ ବିରୋଧ କରି ଛାତ୍ରଛାତ୍ରୀମାନେ ‘ନବାନ୍ନା ଅଭିଜାନ’ ରାଲି କରିଥିଲେ। ପୋଲିସ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କଲାବେଳେ ସେମାନେ ସିଏମ ହାଉସ ଆଡକୁ ଯାଉଥିଲେ। ଏହାକୁ ବିରୋଧ କରି ବିଜେପି ବୁଧବାର କୋଲକାତାରେ ୧୨ ଘଣ୍ଟିଆ ବନ୍ଦ ଡାକରା ଡାକିଥିଲା କିନ୍ତୁ ପରିସ୍ଥିତି ସ୍ୱାଭାବିକ ରହିଥିଲା।
ନାବାନ୍ନା ଅଭିଜାନରେ ଅଂଶଗ୍ରହଣ କରିଥିବା ତ୍ରିକୋଣ ଧରିଥିବା ବଳରାମ ବୋଷଙ୍କ ଫଟୋ ସୋସିଆଲ ମିଡିଆରେ ଅନେକ ହେଡଲାଇନ ସୃଷ୍ଟି କରିଥିଲା। କାହିଁକି ନା ଏହି ବନ୍ଦ ଡାକରା ସମୟରେ ପୋଲିସ ବିରୋଧିମାନଙ୍କ ଉପରକୁ ପାଣି ସ୍ପ୍ରେ କରିବା ସହ କନ୍ଦାଇବା ଗ୍ୟାସ୍ ଛାଡିଥିଲା ଆଉ ଲାଠି ଚାର୍ଜ ମଧ୍ୟ କରିଥିଲେ । ଯାହା ଫଳରେ ବିରୋଧିମାନଙ୍କୁ ସେଠୁ ଜୋର ଜବରଦସ୍ତ ହଟାଯାଇଥିଲା । କିନ୍ତୁ ପ୍ରୋଟେଷ୍ଟ ଭିତରେ ଏମିତି କିଛି ଲୋକ ଥିଲେ ଯିଏ ସେଠାରୁ ହଟିବାକୁ ନା ନେଇନଥିଲେ । ସେମାନଙ୍କ ଭିତରୁ ଚର୍ଚ୍ଚାକୁ ଆସିଛନ୍ତି ବଳରାମ ବୋଷ୍ । ସେ ନିଡର ଭାବରେ ପାଣି ସ୍ପ୍ରେ ଆଗରେ ଛିଡା ହୋଇ ଜାତୀୟ ପତକା ଧରି ନ୍ୟାୟ ମାଗିଥିଲେ ।
ବଳରାମ ବୋଷ କୁହନ୍ତି, “ଏହି ଆନ୍ଦୋଳନ ଛାତ୍ରମାନଙ୍କ ଦ୍ୱାରା ଆୟୋଜିତ ହୋଇଥିଲା କିନ୍ତୁ କୁହାଯାଇଥିଲା ଯେ ପ୍ରତ୍ୟେକ ଘରୁ ଜଣେ ଏଥିରେ ଭାଗ ନେବା ଉଚିତ୍। ମୋ ଘରେ ମଧ୍ୟ ମହିଳା ଅଛନ୍ତି। ତେଣୁ ଆମେ ସେମାନଙ୍କ ସୁରକ୍ଷା ପାଇଁ ଚିନ୍ତା କରିବା ଉଚିତ୍। ଯଦି ସମାଜରେ ମହିଳାମାନେ ସୁସ୍ଥ ଅଛନ୍ତି ଏବଂ ନିରାପଦ, ତେବେ ମହିଳାମାନଙ୍କୁ ସମ୍ମାନ ଦିଆଯିବ ଯେଉଁଠାରେ ମହିଳାମାନଙ୍କୁ ସମ୍ମାନ ଦିଆଯାଇନଥାଏ, ସେଠାରେ କୌଣସି ଦେବତା ଏବଂ ଦେବୀ ନାହାଁନ୍ତି … ଯେତେବେଳେ ମୁଁ ଏହି ଆନ୍ଦୋଳନରେ ଭାଗ ନେଇଥିଲି, ମୁଁ ବିଶ୍ୱାସ କରିଥିଲି ଯେ ଆମେ ଆମର ସ୍ୱର ଛାଡିବା ଉଚିତ୍ ନୁହେଁ ।
‘ଆମେ କେବଳ ନ୍ୟାୟ ଚାହୁଁ, ଅନ୍ୟ କିଛି ନୁହେଁ’-
ବଳରାମ ବୋଷ ଆହୁରି ମଧ୍ୟ କହିଛନ୍ତି, “ଯଦିଓ ମୋତେ ମରିବାକୁ ପଡିବ, ତେବେ ମୁଁ ମରିଯିବି … ମୁଁ ସେମାନଙ୍କୁ କହିଥିଲି ଯେ ଦାସତ୍ୱରୁ ମୁକ୍ତି ପାଇବାକୁ ପୋଲିସ୍ ଏକଛତ୍ରବାଦୀ ଶାସନ ବ୍ୟବସ୍ଥାରେ ଅନୁସରଣ କରୁଛି। ମୁଁ ପୋଲିସ ବାବୁମାନଙ୍କୁ କହିଥିଲି ଯେ ସେମାନେ ସରକାରଙ୍କ ଗୁଲାମି ଛାଡି ଆମ ସହ ଆନ୍ଦୋଳନରେ ସାମିଲ ହୁଅନ୍ତୁ । ଆଉ ପୀଡିତାଙ୍କୁ ନ୍ୟାୟ ଦେବାରେ ଭୂମିକା ନିଭାନ୍ତୁ । ମୁଁ ଜଣେ ସନାତନ, ଭଗବାନ ଶିବଙ୍କର ଭକ୍ତ . ମୁଁ ଚାହୁଁ ନାହିଁ ଯେ କୌଣସି ରାଜନୈତିକ ଦଳ ଏହି ଆନ୍ଦୋଳନ ଭାଙ୍ଗନ୍ତୁ । ଯଦି ଆମେ ସବୁ ଏକ ହୋଇ ନ୍ୟାୟ ମାଗିବା ତେବେ ଆମ ଝିଅ,ସ୍ତ୍ରୀ , ଭଉଣୀ ସମମସ୍ତଙ୍କୁ ନ୍ୟାୟ ମିଳିବ ଏହି ଡାକ୍ତରଙ୍କ ସହ । ଆମେ କେବଳ ନ୍ୟାୟ ଚାହୁଁ ଏବଂ ଅନ୍ୟ କିଛି ନୁହେଁ। “
