ହାର୍ଦ୍ଦିକ ପାଣ୍ଡ୍ୟାଙ୍କ ନୂଆ ପ୍ରେମିକା : ଖୋଲା ଖୋଲି କହିଦେଲେ ନିଜ ମନର କଥା ..
1 min read
ଭାରତୀୟ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ସର୍ବଦା ନିଜ ବ୍ୟକ୍ତିଗତ ଜୀବନକୁ ନେଇ ଲାଇମଲାଇଟରେ ରୁହନ୍ତି । କିଛି ଦିନ ପୂର୍ବରୁ ହାର୍ଦ୍ଦିକ ଏବଂ ନତାଶା ପରସ୍ପର ଠାରୁ ଅଲଗା ହୋଇ ଛାଡପତ୍ର ଘୋଷଣା କରିଥିଲେ। ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ନତାଶାଙ୍କଠାରୁ ଛାଡପତ୍ର ପରେ ହାର୍ଦ୍ଦିକଙ୍କ ନାମ ଅନେକ ସେଲିବ୍ରେଟଙ୍କ ସହ ଯୋଡା ଯାଇଥିଲା । ଯେଉଁଥିରେ ରହିଥିଲେ ଅନନ୍ୟା ପାଣ୍ଡେ, ଗାୟକ ଜସ୍ମିନ ୱାଲିଆ । ବର୍ତ୍ତମାନ ସେହି ଲିଷ୍ଟରେ ଆଉ ଏକ ନାମ ସାମିଲ ହୋଇଯାଇଛି । ବଲିଉଡ ଅଭିନେତ୍ରୀ ନିଜେ ହାର୍ଦ୍ଦିକଙ୍କ ପ୍ରତି ନିଜର ପ୍ରେମ ବ୍ୟକ୍ତ କରିଛନ୍ତି। ଯାହା ପରେ ସେ ବର୍ତ୍ତମାନ ଚର୍ଚ୍ଚାର ଶିରୋନାମା ପାଲଟିଛନ୍ତି । ଏହି ଅଭିନେତ୍ରୀ ଜଣକ ହେଉଛନ୍ତି ପ୍ୟାର୍ କା ପଞ୍ଚନାମା ଫେମ୍ ଇଶିତା ରାଜ । ଇଶିତା ରାଜ ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରତି ନିଜର ପ୍ରେମ ବ୍ୟକ୍ତ କରିବା ପରେ ଚର୍ଚ୍ଚାରେ ରହିଛନ୍ତି । ନିକଟରେ ଏକ ସାକ୍ଷାତକାରରେ ଇଶିତା ରାଜ ହାର୍ଦ୍ଦିକଙ୍କ ପ୍ରତି ନିଜର ପ୍ରେମ ବିଷୟରେ ପ୍ରଥମ ଥର କହିଛନ୍ତି ।
ଅଭିନେତ୍ରୀ କହିଛନ୍ତି ଯେ ସେ ତାଙ୍କର ପ୍ରିୟ କ୍ରିକେଟର। ଇଶିତାଙ୍କୁ ହାର୍ଦ୍ଦିକଙ୍କ ବିଷୟରେ ଏକ ପ୍ରଶ୍ନ ପଚରାଗଲା, ସେ କହିଥିଲେ- ‘ସେ ଜଣେ ମହାନ କ୍ରିକେଟର ଏବଂ ଅଲରାଉଣ୍ଡର। ତାଙ୍କୁ ବ୍ୟାଟିଂ ଦେଖିବା ପାଇଁ ଭଲ ଲାଗେ । ମୁଁ ତାଙ୍କୁ ଭଲ ପାଏ, ସେ ମୋର ପ୍ରିୟ କ୍ରିକେଟରମାନଙ୍କ ମଧ୍ୟରୁ ଜଣେ । ଇଶିତା ଏହା ମଧ୍ୟ କହିଛନ୍ତି ଯେ ହାର୍ଦ୍ଦିକଙ୍କ ପ୍ରତି ତାଙ୍କର ଭଲପାଇବା ଅଛି ଏବଂ ସେ ତାଙ୍କୁ ବହୁତ ପସନ୍ଦ କରନ୍ତି। ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ଇଶିତା ବଲିଉଡରେ ଅନେକ ଫିଲ୍ମର ନଜର ଆସିଛନ୍ତି । ନିକଟରେ ତାଙ୍କର ୱାଇଲ୍ଡ ୱାଇଲ୍ଡ ପଞ୍ଜାବ OTT ପ୍ଲାଟଫର୍ମରେ ମୁକ୍ତିଲାଭ କରିଥିଲା । ଏହା ବ୍ୟତୀତ ପ୍ୟାର କା ପଞ୍ଚନାମା ଫିଲ୍ମ ପାଇଁ ବେଶ ଜଣାଶୁଣା ଚେହେରା ହୋଇପାରିଛନ୍ତି । କିଛି ଦିନ ପୂର୍ବରୁ ହାର୍ଦ୍ଦିକ ପାଣ୍ଡ୍ୟାଙ୍କ ନାମ ଗାୟକ ଜସ୍ମିନ ୱାଲିଆଙ୍କ ସହ ଯୋଡା ଯାଇଥିଲା । ଉଭୟଙ୍କୁ ଛୁଟିଦିନ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା। କେବଳ ଏତିକି ନୁହେଁ ଉଭୟେ ପରସ୍ପରର ଫଟୋକୁ ମଧ୍ୟ ଲାଇକ୍ କରିଥିଲେ । ହେଲେ ନିଜ ସମ୍ପର୍କକୁ ନେଇ ଏଯାଏଁ ମୁଁହ ଖୋଲି ନାଁହାନ୍ତି କ୍ରିକେଟର ।
