ଦୋଷୀଙ୍କୁ ମିଳିବ ମୃତ୍ୟୁଦଣ୍ଡ , ପଶ୍ଚିମବଙ୍ଗ ବିଧାନସଭାରେ ପାରିତ ହେଲା ‘ଅପରାଜିତା’ ବିଲ୍…

ମମତା ସରକାର ନେଲେ ବଡ଼ ନିଷ୍ପତ୍ତି । ପଶ୍ଚିମବଙ୍ଗ ବିଧାନସଭାରେ ପାରିତ ହେଲା ଆଣ୍ଟି-ରେପ୍ ବିଲ । କୋଲକାତା କୋଲକାତା ଆରଜି କର ହସ୍ପିଟାଲରେ ଘଟିଥିବା ସାରା ଦେଶକୁ ଦୋହଲାଇ ଦେଇଥିବାବେଳେ ମହିଳାଙ୍କ ସୁରକ୍ଷାକୁ ନେଇ ଉଠିଛି ପ୍ରଶ୍ନ । ତେବେ ଏହାପରେ ମମତା ସରକାର ନେଇଛନ୍ତି ଗୁରୁତ୍ବପୂର୍ଣ୍ଣ ନିଷ୍ପତ୍ତି । ଆଜି ଟିଏମସି ସରକାର ବିଧାନସଭାରେ ‘ଅପରାଜିତା ମହିଳା ଏବଂ ଶିଶୁ ବିଲ’ ପ୍ରଣୟନ କରିଛନ୍ତି। ଏହି ବିଲ ଅନୁଯାୟୀ, ପୀଡିତାଙ୍କ ମୃତ୍ୟୁ ମାମଲାରେ ଦୋଷୀଙ୍କୁ ମୃତ୍ୟୁଦଣ୍ଡର ବ୍ୟବସ୍ଥା ରହିଛି।ଏହା ସହ ପଶ୍ଚିମବଙ୍ଗ ଦେଶର ପ୍ରଥମ ରାଜ୍ୟ ଭାବରେ ଦୁଷ୍କର୍ମ, ଗଣଦୁଷ୍କର୍ମ ଏବଂ ଯୌନ ନିର୍ଯାତନା ଅପରାଧ ସହ ଜଡିତ କେନ୍ଦ୍ରୀୟ ଆଇନରେ ସଂଶୋଧନ ଆଣିଛି। ଏହି ବିଲ ପାରିତ ହେବାପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏହାକୁ ଐତିହାସିକ ଏବଂ ମଡେଲ ବୋଲି କହିଛନ୍ତି। ସେ କହିଛନ୍ତି, ଏହି ବିଲ୍ ସରକାରୀ ଚାଳିତ ଆରଜି କର ମେଡିକାଲ କଲେଜ ଓ ହସ୍ପିଟାଲରେ ଟ୍ରେନି ଡାକ୍ତରଙ୍କ ପାଇଁ ଶ୍ରଦ୍ଧାଞ୍ଜଳି ସ୍ୱରୂପ।

ତେବେ ଏହି Anti-Rape Bill(ଅପରାଜିତା ମହିଳା) କ’ଣ ଆସନ୍ତୁ ଜାଣିବା ।

–ଏହି ବିଲ୍ ମାଧ୍ୟମରେ ବଳାତ୍କାର ଓ ହତ୍ୟା କରୁଥିବା ଅପରାଧୀଙ୍କ ପାଇଁ ମୃତ୍ୟୁଦଣ୍ଡର ବ୍ୟବସ୍ଥା ରହିଛି।
-ଚାର୍ଜସିଟ୍ ଦାଖଲ କରିବାର 36 ଦିନ ମଧ୍ୟରେ ମୃତ୍ୟୁଦଣ୍ଡର ବ୍ୟବସ୍ଥା |
-21 ଦିନ ମଧ୍ୟରେ ତଦନ୍ତ ଶେଷ କରିବାକୁ ପଡିବ |
-ଜଣେ ଅପରାଧୀଙ୍କୁ ସାହାଯ୍ୟ କରୁଥିବା ବ୍ୟକ୍ତି ଦୋଷୀ ସାବ୍ୟସ୍ତ ହୋଇ 5 ବର୍ଷ କାରାଦଣ୍ଡର ବ୍ୟବସ୍ଥା ରହିଛି |

-ପ୍ରତ୍ୟେକ ଜିଲ୍ଲାରେ ସ୍ୱତନ୍ତ୍ର ଆପରାଜିତା ଟାସ୍କ ଫୋର୍ସ ଗଠନ ପାଇଁ ବ୍ୟବସ୍ଥା |
-ବଳାତ୍କାର, ଏସିଡ୍, ଆକ୍ରମଣ ଏବଂ ନିର୍ଯାତନା ଭଳି ମାମଲାରେ ଏହି ଟାସ୍କଫୋର୍ସ କାର୍ଯ୍ୟାନୁଷ୍ଠାନ ଗ୍ରହଣ କରିବ |
-ବଳାତ୍କାର ଭଳି ଏସିଡ୍ ଆକ୍ରମଣ ମଧ୍ୟ ଗୁରୁତର, ଏଥିପାଇଁ ଆଜୀବନ କାରାଦଣ୍ଡର ବ୍ୟବସ୍ଥା ରହିଛି।
-ଯେଉଁମାନେ ପୀଡିତାଙ୍କ ପରିଚୟ ପ୍ରକାଶ କରିବେ ସେମାନଙ୍କ ବିରୋଧରେ 3-5 ବର୍ଷର ଦଣ୍ଡର ବ୍ୟବସ୍ଥା |
-ବଳାତ୍କାରର ତଦନ୍ତ ଏବଂ ବିଚାରକୁ ତ୍ୱରାନ୍ୱିତ କରିବା ପାଇଁ ବିଲରେ ବିଏନଏସଏସ ବ୍ୟବସ୍ଥାରେ ସଂଶୋଧନ ଅନ୍ତର୍ଭୁକ୍ତ।
-30 ଦିନ ମଧ୍ୟରେ ସମସ୍ତ ଅପରାଧ ଏବଂ ଆକ୍ରମଣର ପରୀକ୍ଷା ଶେଷ କରିବାକୁ ବ୍ୟବସ୍ଥା ରହିଛି |

ଆପାରାଜିତା ବିଲ୍ ପାସ୍ କରିବାକୁ ରାଜ୍ୟପାଳ ଏବଂ ରାଷ୍ଟ୍ରପତିଙ୍କ ଅନୁମୋଦନ ଆବଶ୍ୟକ ହେବ। ବିଧାନସଭାରେ ଆପାରାଜିତା ବିଲ୍ ପାରିତ ହୋଇସାରିଛି , ବର୍ତ୍ତମାନ ଏହାକୁ ରାଜ୍ୟପାଳଙ୍କ ଦସ୍ତଖତ ପାଇଁ ପଠାଯିବ। ଏହା ପରେ ରାଷ୍ଟ୍ରପତିଙ୍କ ଅନୁମୋଦନ ପାଇଁ ପଠାଯିବ । 294 ସଦସ୍ୟ ବିଶିଷ୍ଟ ରାଜ୍ୟ ସଭାରେ ତୃଣମୂଳ କଂଗ୍ରେସର 223 ଜଣ ବିଧାୟକଙ୍କ ସମର୍ଥନ ରହିଛି, ତେଣୁ ଏହି ବିଲ୍ ପାରିତ କରିବା କଷ୍ଟସାଧ୍ୟ ହେବନାହିଁ । ତେବେ ଏହି ବିଲ୍ ଉଭୟ ରାଜ୍ୟପାଳ ଏବଂ ରାଷ୍ଟ୍ରପତିଙ୍କ ଅନୁମୋଦନ ପରେ ଏହି ବିଲ ଜରିଆରେ ଅପରାଧୀନଙ୍କ ବିରୋଧରେ କଠୋର ଆଇନ ପ୍ରଣୟନ କରାଯିବ । ଏହି ବିଲ ପାରିତ ହେବା ପରେ ଦୁଷ୍କର୍ମକାରୀଙ୍କୁ ମୃତ୍ୟୁଦଣ୍ଡ ଦିଆଯିବ ବୋଲି କହିଥିଲେ ମମତା । ଫଳରେ ରାଜ୍ୟରେ ଦୁଷ୍କର୍ମ ଭଳି ଅପରାଧ ହ୍ରାସ ପାଇବ ବୋଲି ଆଶା କରାଯାଉଛି ।