ପ୍ରଧାନମନ୍ତ୍ରୀ ଟ୍ରୁଡୋଙ୍କୁ ଟ୍ୟୁସନ୍ କଲେ ଇସ୍ପାତ୍ କର୍ମଚାରୀ , କହିଲେ ଆମେ ୪୦ % ଟିକସ୍ ଦେଉଛି ହେଲେ ପାଉଛୁ କଣ ?
1 min read
କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ସର୍ବଦା ନିଜ୍ ଲୁକ୍କୁ ନେଇ ଚର୍ଚ୍ଚାରେ ଥାନ୍ତି । କିନ୍ତୁ ନିକଟରେ ତାଙ୍କୁ ଏମିତି କିଛି ପରିସ୍ଥିତିର ସାମ୍ନା କରିବାକୁ ପଡିଛି ଯାହା ପରେ ସେ ନିଜେ ଲଜ୍ଜିତ ଅନୁଭବ କରିଛନ୍ତି । କାରଣ ଯେଉଁ ଦେଶର ସେ ପ୍ରଧାନ ସେହି ଦେଶର ନାଗରିକ ହିଁ ତାଙ୍କୁ ସିଧା ମୁହଁମୁହିଁ ଭସ୍ôନା କରିଛନ୍ତି । ଆଜ୍ଞା ହଁ ଯାହାର ଭିଡିଓ ଓ ଫଟୋ ବର୍ତ୍ତମାନ ଭାଇରାଲ ହେବାରେ ଲାଗିଛି । ଆଉ ଏଥର ପ୍ରଧାନମନ୍ତ୍ରୀ ନୁହଁ ବରଂ ସେଇ ଯୁବକଙ୍କୁ ନେଇ ଚର୍ଚ୍ଚା ଚାଲିଛି ଯିଏ ଟ୍ରୁଡୋଙ୍କୁ ମୁହାଁମୁହିଁ ପ୍ରଶ୍ନ କରିଛନ୍ତି ।
ନିକଟରେ ଟ୍ରୁଡୋ ଏକ ଇସ୍ପାତ ପ୍ଲାଣ୍ଟ ପରିଦର୍ଶନ କରିବା ସମୟରେ ସବୁ କର୍ମଚାରୀଙ୍କ ଭଲମନ୍ଦ ପଚାରୁଥିଲେ । ସେହି ସମୟରେ ଜଣେ ଯୁବକ ଟ୍ରୁଡୋଙ୍କ ସାମ୍ନାକୁ ଆସି ସିଧା ସଳଖ ଦରଦାମବୃଦ୍ଧି ବିଷୟରେ ପ୍ରଶ୍ନ କରିଥିଲେ । ଯୁବକ ଜଣଙ୍କ ଟ୍ରୁଡୋଙ୍କୁ ପଚାରିଥିଲେ ଯେ ମୁଁ ୪୦ ପ୍ରତିଶତ ଟିକସ୍ ଦେଇ କଣ ସୁବିଧା ପାଉଛି ? ନାଁ ମୋ ପାଖରେ ଡାକ୍ତର ସୁବିଧା ଅଛି ନାହିଁ ଇନ୍ସୁରାନ୍ସ ।
ମୁଁ ଯେତିକି ରୋଜଗାର କରୁଛି ସେଥିରେ ମୋ ଛୁଆ ଆଉ ପତ୍ନୀଙ୍କୁ ଚଳାଇପାରୁନାହିଁ କାହିଁକି ନା ମୋ ଦରମାର ଅଧାତ ସରକାର ନେଇଯାଉଛନ୍ତି । ଆମେ ଆପଣଙ୍କୁ ଆଉ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁନୁ ।
ଆଉ ଏହାର ପ୍ରତିକ୍ରିୟାରେ ଟ୍ରୁଡୋ କହିଛନ୍ତି ଯେ ଚୀନ୍ ଉପରେ ଯେଊଁ ୨୫ ପ୍ରତିଶତ ଟିକସ ଲାଗୁ ହୋଇଛି । ତାହାଦ୍ୱାରା ଆପଣମାନଙ୍କୁ ଫାଇଦା ମିଳିବ । ଆପଣଙ୍କ ଚାକିରି ଉପରେ କୌଣସି ସମସ୍ୟା ଉପୁଜିବ ନାହିଁ । ମୁଁ ଆପଣମାନଙ୍କ ପାଇଁ ହିଁ ନିବେଶ କରୁଛି । ଏହା ଶୁଣି ଇସ୍ପାତ୍ କର୍ମଚାରୀ ନିରାଶ ହୋଇପଡିଥିଲେ ।
