ଟୁଟୁ ନାୟକଙ୍କ ଉପରେ ବର୍ଷିଲେ ମନୋଜ ମିଶ୍ର , କହିଲେ ‘ତୁମ କର୍ମର ଫଳ ପାଉଛ’ ..
1 min read
ଗଣେଶ ପୂଜା ଅବସରରେ ଓଡ଼ିଶାର ଜଣାଶୁଣା ଫିଲ୍ମ ନିର୍ମାତା ଟୁଟୁ ନାୟକ ‘ଆଇ ଲଭ ୟୁ-ଟୁ’ ରିଲିଜ କରିବାକୁ ଯାଉଛନ୍ତି । ହେଲେ ଫିଲ୍ମ ରିଲିଜ ପୂର୍ବରୁ ଅଭିନେତା ମନୋଜ ମିଶ୍ର ଫିଲ୍ମକୁ ନେଇ ଟୁଟୁ ନାୟକଙ୍କ ଉପରେ ଖୁବ ବର୍ଷିଛନ୍ତି । ଏବଂ ଟୁଟୁ ନାୟକଙ୍କୁ ନେଇ କଟାକ୍ଷ କରି କହିଛନ୍ତି । ମନୋଜ ମିଶ୍ର ସୋସିଆଲ ମିଡିଆ ଫେସବୁକରେ ଲାଇଭରେ ଆସି ‘ଆଇ ଲଭ ୟୁ-ଟୁ’ ନେଇ ଟୁଟୁ ନାୟକଙ୍କ ଉପରେ ଖୁବ ବର୍ଷିଛନ୍ତି । ମନୋଜ ମିଶ୍ର କହିଛନ୍ତି, ”ଟୁଟୁ ନାୟକ ଆପଣଙ୍କୁ ସମ୍ମାନ ଦେବାକୁ ଆଉ ଇଚ୍ଛା ହେଉନି । ଟୁଟୁ ନାୟକ ମନେ ଅଛି ତ ଆପଣ ମୋତେ ଚିହ୍ନିପାରୁଛନ୍ତି ତ ମୁଁ ମନୋଜ ମିଶ୍ର । ଗତ ବର୍ଷ ତୁମେ ମୋତେ ଏହି ସମୟରେ ବ୍ୟାନ କରିଥିଲେ ଆଉ ଆଜି ଠିକ ଏହି ସମୟରେ ତୁମ ସିନେମା ରିଲିଜ ହେବାକୁ ଯାଉଛି । ଯାହା ଓଡ଼ିଆ ସିନେମା ପାଇଁ ଏକ ଐତିହାସିକ ଦିନ । କାରଣ ରିଲିଜ ହେବାକୁ ଯାଉଛି, ଯେଉଁ ସିନେମା ତାହା ୨୦ ବର୍ଷ ତଳେ ରିଲିଜ ହୋଇଥିବା ଫିଲ୍ମ ଆଇ ଲଭ ୟୁ’ର ସିକ୍ୱେଲ । ଆଉ ଏହି ଫିଲ୍ମ ଅନୁଭବଙ୍କ ପରି ସୁପରଷ୍ଟାରକୁ ଓଡ଼ିଆ ଇଣ୍ଡଷ୍ଟ୍ରିକୁ ଭେଟି ଦେଇଥିଲା । ସତରେ ସେ ସିନେମା ଆମ ଓଡ଼ିଆ ସିନେମା ପାଇଁ ଇତିହାସ ସୃଷ୍ଟି କରିଥିଲା ଭଲ ବିଜିନେସ ଦେଇଥିଲା । କେବଳ ଏତିକି ନୁହେଁ କଟାକ୍ଷ କରି ମନୋଜ ମିଶ୍ର କହିଛନ୍ତି, ”ତୁମେ ସବୁବେଳେ କାହିଁକି ଏଭଳି କହୁଛ ଯେ ମୁ ଇଣ୍ଡଷ୍ଟ୍ରିକୁ ଷ୍ଟାର, ସୁପରଷ୍ଟାର ଦେଇଦେଲି, ବହୁ ହିରୋଙ୍କର ପୁନଃ ଜନ୍ମ କରିଦେଲି ।
ତୁମେ କଣ ବ୍ରହ୍ମାଙ୍କ ପରି କହୁଛ ମୁଁ ମନୁଷ୍ୟଙ୍କ ସୃଷ୍ଟି କର୍ତ୍ତା । ଯେଉଁଠି ବଲିଉଡର ବେଶ ଜଣାଶୁଣା ପ୍ରଯୋଜକ ୟଶ ଚୋପ୍ରା ତାଙ୍କ ପୁଅ ଉଦିତ ଚୋପ୍ରାଙ୍କୁ ହିରୋ ବା ଷ୍ଟାର କରାଇପାରିଲେନି ସେଇଠି ତୁମେ ଆସି ସମସ୍ତଙ୍କୁ ଷ୍ଟାର କରିଦେଲ । ଯଦି ଅନୁଭବ ବାବୁସାନ ସିଦ୍ଧାନ୍ତ ମହାପାତ୍ର ଓ ଅରିନ୍ଦମ ଙ୍କ ଭିତରେ ନିଜର ପ୍ରତିଭା ନଥାନ୍ତା ତୁମେ ଷ୍ଟାର କରେଇଦେଇଥାନ୍ତ । କିଛି ବି କହିଦେଉଛ ନା ମତେ ଖାଲି ମୋତେ ବ୍ୟାନ କରିଛ ଆଉ କାହାକୁ କରିବନି । “ସତରେ ତୁମ ସିନେମା ଇତିହାସ ସୃଷ୍ଟି କରିବ, କାରଣ ଟ୍ରେଲର ବହୁତ ଖରାପ ହେଇଛି, ସେ ଯାହା ବି ହେଉ ଶୁକ୍ରବାର ତୁମ ସିନେମା ରିଲିଜ ହେବ ମୁ ନିଶ୍ଚୟ ଦେଖିବାକୁ ଯିବି ନ ଦେଖି କିଛି କହିବିନି । ଦେଖିସାରିବା ପରେ ମତ ରଖିବି, ହେଇପାରେ ସିନେମା ଭଲ ହେଇଥିବ । ଆଉ ଯଦି ଭଲ ହୋଇନଥିବ, ତାହାଲେ ବି ଆସି କହିବି । ଦେଖିବା ଫିଲ୍ମ ରିଲିଜ ପରେ କେତେ ବଡ ଷ୍ଟାର ଓଡ଼ିଆ ଫିଲ୍ମକୁ ଙ୍କୁ ତୁମେ ଦେବ, ନୂଆ ହିରୋ ଜନ୍ମ ଦେବ । ଏହାସହ କଟାକ୍ଷ କରି କହିଛନ୍ତି ତୁମକୁ କଣ ହଲ ମିଳୁନି ତୁମ ବାପାଙ୍କ ଲିଗାସୀ ଅଟେ ବଡ ତା ପରେ ବି ମିଳୁନି ଦୁଃଖ , ଆଶ୍ଚର୍ଯ୍ୟ କଥା । ବାସ୍ତବିକ କର୍ମା ରିଟର୍ଣ୍ଣ୍ସ ଯାହା ସମସ୍ତେ କୁହନ୍ତି । ମନେ ଅଛି ତ ତୁମ ପାଇଁ ମାଇଣ୍ଡ ଗେମକୁ ନେଇ ଆଜି ବି ମୋ ହୃଦୟ କାନ୍ଦୁଛି । ମୋ ସିନେମା ବକବସ ଥିଲା ବୋଲି କହିଥିଲ । ତେଣୁ ମୁ ନିଶ୍ଚୟ ସିନେମା ଦେଖିବି ଏବଂ ପରେ ହିଁ କଥା ହେବା ।”
2004ରେ ମୁକ୍ତିଲାଭ କରିଥିବା ଫିଲ୍ମ ‘ଆଇ ଲଭ ୟୁ’ ର ସିକ୍ୱେଲ ହେଉଛି ‘ଆଇ ଲଭ ୟୁ-ଟୁ’ । ‘ଆଇ ଲଭ ୟୁ’ ଫିଲ୍ମରୁ ଅଭିନେତା ଅନୁଭବ ମହାନ୍ତି ଓଲିଉଡରେ ପାଦ ଦେଇଥିଲେ । ଏହା ପରେ ଫିଲ୍ମ ହିଟ୍ ହେବା ସାଙ୍ଗକୁ ସେ ବି ଆଜି ଓଲିଉଡର ସୁପରଷ୍ଟାର ଅଟନ୍ତି । ତେବେ ଦୀର୍ଘ 20 ବର୍ଷ ପରେ ଫିଲ୍ମର ପାର୍ଟ 2 ଆସୁଛି । ଯାହାକୁ ଦେଖିବାକୁ ଫ୍ୟାନ୍ସ ଉତ୍ସାହିତ ରହିଛନ୍ତି । ହେଲେ ଏହି ଫିଲ୍ମରେ ଅନୁଭବ ନୁହଁ ବରଂ ନୂଆ କଳାକାରଙ୍କୁ ଦେଖିବାକୁ ମିଳିବ । ଏହି ଫିଲ୍ମ ନବାଗତ ନାୟକ ଆଦିତ୍ୟ ଓ ନାୟିକା ଅପ୍ସରା ରାଣୀ ନଜର ଆସିବେ । ନିର୍ଦ୍ଦେଶକ ସୁଧାଂଶୁ ସାହୁ ଏହାର ନିର୍ଦ୍ଦେଶନା ଦେଇଥିବା ବେଳେ ଟୁଟୁ ନାୟକଙ୍କ ନିବେଦିତ ତଥା ବସନ୍ତ ନାୟକ ଏଣ୍ଟର୍ଟେନମେଣ୍ଟ ବ୍ୟାନରରେ ଫିଲ୍ମ ନିର୍ମିତ ହୋଇଛି ।
