ବିଜେପି କୁ ଲାଗିଲା ଶକ୍ତ ଝଟକା , ଦଳ ଛାଡିଲେ ସାବିତ୍ରୀ ଜିନ୍ଦଲ ..
1 min read
ଆଉ ମାତ୍ର କିଛି ଦିନ ପରେ ଆରମ୍ଭ ହେବ ହରିୟାଣା ବିଧାନସଭା ନିର୍ବାଚନ । ତେବେ ଏହା ପୂର୍ବରୁ ବିଜେପିକୁ ଲାଗିଛି ବଡ଼ ଝଟ୍କା। ଦଳ ନିର୍ବାଚନ ପାଇଁ ଅଣ୍ଟା ଭିଡିଥିବାବେଳେ ଦେଶର ଚତୁର୍ଥ ଧନୀ ମହିଳା ସାବିତ୍ରୀ ଜିନ୍ଦଲ ବିଜେପି ଛାଡିଛନ୍ତି। ଦଳ ବିରୋଧରେ ବିଦ୍ରୋହ କରି ସେ ସ୍ବାଧୀନ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ବୋଲି ଘୋଷଣା କରିଛନ୍ତି। ହରିୟାଣା ବିଧାନସଭା ନିର୍ବାଚନ ପାଇଁ ବୁଧବାର ବିଜେପି ୬୭ଜଣ ପ୍ରାର୍ଥୀଙ୍କ ତାଲିକା ପ୍ରକାଶ କରିଛି। କିନ୍ତୁ ଦଳର ତାଲିକା ପ୍ରକାଶ ପାଇବା ମାତ୍ରେ ଭାଜପାରେ କମ୍ପନ ସୃଷ୍ଟି ହୋଇଛି। ଟିକେଟ ନ ପାଇବା ପରେ ଅନେକ ନେତା ରାଗି ଯାଇଥିଲେ।
ଏହି କାରଣରୁ ଅନେକ ରାଗିଯାଇ ସୋସିଆଲ ମିଡିଆରେ ଦଳରୁ ଇସ୍ତଫା ପତ୍ର ଦାଖଲ କରିଥିଲେ। ହେଲେ ଏହାପରେ ଦେଶର ଚତୁର୍ଥ ଧନୀ ମହିଳା ତଥା ପୂର୍ବତନ ମନ୍ତ୍ରୀ ସାବିତ୍ରୀ ଜିନ୍ଦଲ ମଧ୍ୟ ଭାଜପା ବିରୋଧରେ ବିଦ୍ରୋହ ଆରମ୍ଭ କରିଛନ୍ତି। ଭାଜପାରୁ ଟିକେଟ ନ ପାଇବା ପରେ ସେ ହିସାରର ଜଣେ ସ୍ବାଧୀନ ପ୍ରାର୍ଥୀ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଘୋଷଣା କରିଛନ୍ତି। ସ୍ବାଧୀନ ଭାବରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଘୋଷଣା କରିବା ପରେ ସାବିତ୍ରୀ ଜିନ୍ଦଲ କହିଛନ୍ତି, ମୁଁ ବିଜେପି ର ସଦସ୍ୟ ନୁହେଁ। ହିସାରର ଲୋକମାନେ ଯାହା କହିବେ ମୁଁ ତାହା କରିବି। ସେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ବୋଲି ସ୍ପଷ୍ଟ ସୂଚନା ଦେଇଛନ୍ତି ଏବଂ କହିଛନ୍ତି, ମୁଁ ହିସାର ସେବା କରିବା ପାଇଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି। ସେ କହିଛନ୍ତି, ମୁଁ କେବଳ ଲୋକ ସଭା ନିର୍ବାଚନରେ ମୋ ପୁଅ ପାଇଁ ପ୍ରଚାର କରିବାକୁ ଯାଇଥିଲି, ମୁଁ କେବେ ବି ଭାଜପାରେ ଯୋଗ ଦେଇ ନାହିଁ।୩୯.୫ ଶହ କୋଟି ଡଲାର ସମ୍ପତ୍ତିର ମାଲିକ ସାବିତ୍ରୀ ପୂର୍ବରୁ କେନ୍ଦ୍ରମନ୍ତ୍ରୀ ରହିଆସିଛନ୍ତି।
