ବିପଦରେ ବଲିଉଡ୍ : ଦୀପିକାଙ୍କ ପରେ ବିବାଦରେ ଫସିଲେ ନେହା ଶର୍ମା
1 min read
ନୂଆଦିଲ୍ଲୀ : ବଲିଉଡ୍କୁ ଡରାଉଛି ବୟକଟ୍ ଟ୍ରେଣ୍ଡ । ନିକଟରେ ବଲିଉଡ୍ର ରକ୍ଷାବନ୍ଧନ,ଲାଲସିଂଚଡ୍ଡା,ଦୃଶ୍ୟମ-୨,ଲିଗର ଏବଂ ଦୋବାରା ଭଳି ଫିଲ୍ମ ବୟକଟ୍ ଟ୍ରେଣ୍ଡ ଧରିଥିବା ବେଳେ ଏବେ କିଙ୍ଗ୍ ଖାନଙ୍କ ପଠାନ୍ ଉପରେ ପଡିଛି ବୟକଟ୍ ନଜର । ପଠାନ୍ର ପ୍ରଥମ ଗୀତ ବେଶରମ ରଙ୍ଗକୁ ନେଇ ତେଜିଥିଲା ବୟକଟ୍ ଟ୍ରେଣ୍ଡ । ଗୀତରେ ଦୀପିକାଙ୍କ ଗେରୁଆ ରଙ୍ଗର ବିକିନିକୁ ନେଇ ତାତିଥିଲା ରାଜନୀତି ।
ଏହାଭିତରେ ପୁଣି ବଲିଉଡ୍ରେ ଦୀପିକାଙ୍କ ଭଳି ବିକିନି ପିନ୍ଧିଲେ ନେହା ଶର୍ମା । ଗୋଆ ବେଳାଭୂମିରେ ଗେରୁଆ ରଙ୍ଗର ବିକିନି ପିନ୍ଧି କଲେ ଫଟୋ ସେୟାର । ଫିଲ୍ମ ପଠାନରେ ଗେରୁଆ ରଙ୍ଗର ବିକିନି ପିନ୍ଧିଥିବା ଅଭିନେତ୍ରୀ ଦୀପିକା ପାଦୁକୋନଙ୍କ ଗୀତକୁ ନେଇ ସବୁଆଡେ ଚର୍ଚ୍ଚାର ବିଷୟ ପାଲଟିଛି । ଏହାକୁ କିଛି ବିରୋଧ କରୁଥିବା ବେଳେ ଆଉ କିଛି ସମର୍ଥନ କରୁଛନ୍ତି । ଏହି ରଙ୍ଗୀନ ବିକିନି ପିନ୍ଧି ହିନ୍ଦୁ ଧର୍ମକୁ ଅପମାନିତ କରାଯାଇଥିବା ଅଭିଯୋଗ ହୋଇଛି ।
ଏହି ବିବାଦ ମଧ୍ୟରେ ବର୍ତମାନ ଅଭିନେତ୍ରୀ ନେହା ଶର୍ମା ଦୀପିକା ପାଦୁକୋନ ପିନ୍ଧିଥିବା ସମାନ ରଙ୍ଗର ବିକିନିରେ ତାଙ୍କର କିଛି ଫଟୋ ସେୟାର କରିଛନ୍ତି । ନେହା ଶର୍ମାଙ୍କ ଏହି ଫଟୋ ଗୋଆର । ସେ ଗୋଆ ବେଳାଭୂମିରେ ଏକ ଫଟୋସୁଟ କରିଛନ୍ତି । ଫଟୋ ଗୁଡ଼ିକରେ ନେହା ଶର୍ମା ଗେରୁଆ ରଙ୍ଗର ବିକିନିରେ ବିଭିନ୍ନ ପୋଜରେ ନଜର ଆସିଛନ୍ତି ।
