ଛୋଟ ବୟସରେ ବଡ କାମ, କୁନି ପାଦରେ ୪୮ଘଣ୍ଟାରେ ଚଢିଗଲେ ୧୩ ହଜାର ଫୁଟ

ବୟସ ମାତ୍ର ୬ ବର୍ଷ | ଉଚ୍ଚ ପର୍ବତ ଚଢି କଲେ ରେକର୍ଡ | ୪୮ ଘଣ୍ଟାରେ ଚଢିଲେ ୧୩ ହଜାର ଫୁଟ | ଏହି ରେକର୍ଡ ପଚାର ରହିଛି ଝିଅର ମହତ ଉଦ୍ଦେଶ୍ୟ | ତେବେ ସେ କୁନି ଝିଅର ନାମ ସେରେନ ପ୍ରାଇସ |

ତେବେ ପଢିବା ଖେଳିବା ବୟସରେ କୁନି ଝିଅ କରିଛନ୍ତି ଏକ ବଡ ରେକର୍ଡ | ଯାହାକୁ କରିବାକୁ ଲାଗିଯାଏ ଲୋକଙ୍କୁ ଦୀର୍ଘ ବର୍ଷ | ଏତେ କମ ବୟସରେ ପର୍ବତ ଚଢି ସେ କରିଛନ୍ତି ନୂଆ ରେକର୍ଡ | ତେବେ ସେରେନ ପ୍ରାଇସ ଉତ୍ତର ଆଫ୍ରିକାର ସବୁଠୁ ଉଚ୍ଚ ମର୍କୋର ଟ୍ୟୁବୁକୁଲ ପର୍ବତ ଚଢିବାରେ ସେ ହେଉଛନ୍ତି ସବୁଠୁ କମ ବୟସର ଝିଅ | ୧୩ ହଜାର ଫୁଟର ଏହି ଉଚ୍ଚ ପର୍ବତର ଶୀର୍ଷରେ ପହଞ୍ଚିବାକୁ ତାଙ୍କୁ ମାତ୍ର ଲାଗିଥିଲା ୪୮ ଘଣ୍ଟା | ତେବେ ବ୍ରିଟିଶର ଏହି କୁନି ଝିଅ ପର୍ବତ ଚଢାଳି ସେରେନଙ୍କୁ ନେଇ ଏବେ ଜୋରସୋରରେ ଚର୍ଚ୍ଚା | ତେବେ ତାଙ୍କର ଏପରି ପର୍ବତ ଚଢିବା ପଛରେ ରହିଛି ମହତ ଉଦ୍ଦେଶ୍ୟ | ଯେଉଁ ହସ୍ପିଟାଲ ତାଙ୍କ ଜୀବନ ବଞ୍ଚାଇ ଥିଲା ସେହି ହସ୍ପିଟାଲ ପାଇଁ ଅର୍ଥ ଯୋଗାଡ଼ କରିବାକୁ ଏହି ପରିଶ୍ରମ କରି ରେକର୍ଡ କରୁଛନ୍ତି | ଯାହା ସେରେନଙ୍କ ବାପା ସମସ୍ତଙ୍କୁ ଜଣାଇଛନ୍ତି | ସେ କହିଥିଲେ ସେରେନ ସମୟ ପୂର୍ବରୁ ଜନ୍ମ ହୋଇଥିଲା | ତାଙ୍କ ବେକରେ ସମସ୍ୟା ଥିବାରୁ ଝିଅର ସର୍ଜରୀ କରିବାକୁ ପଡିଥିଲା | ଏହାପରେ ସେ ଭଲ ହୋଇଥିଲେ |ଆଉ ଏବେ ସେ ହସ୍ପିଟାଲ ପାଇଁ ଅର୍ଥ ଯୋଗାଡ଼ କରିବା ନେଇ ଲାଗିପଡିଛନ୍ତି ସେରେନ ପ୍ରାଇସ |