କଳା ପଲସରକୁ ଧକ୍କା ଦେଲା ଅଜଣା ଗାଡି , ଘଟଣା ସ୍ଥଳରେ ୨ ଯୁବକ ମୃତ

ବଲାଙ୍ଗୀର ; ସଡ଼କ ଦୁର୍ଘଟଣାରେ ଦୁଇଜଣ ଯୁବକ ମୃତ । ବଲାଙ୍ଗୀର ସମ୍ବଲପୁର ଜାତୀୟ ରାଜପଥ ସ୍ଥିତ ମାଧିଆପାଲି ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଏଭଳି ଏକ ଦୁର୍ଘଟଣା ଘଟିଛି । ମିଳିଥିବା ସୂଚନା ଅନୁସାରେ ଆଜି ଭୋର୍ ସକାଳ ପ୍ରାୟ ୫ ଟା ସମୟରେ ଏକ ପଲସର ଗାଡ଼ି(CG 04 MF 8082)ରେ ୨ ଯୁବକ ଯାଉଥିଲେ ।

ଏହି ସମୟରେ କୌଣସି ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇ ଫେରାର ମାରିଛି । ଦୁର୍ଘଟଣାରେ ଦୁଇଜଣ ଯୁବକଙ୍କ ମୁଣ୍ଡ ସମ୍ପୂର୍ଣ୍ଣ ଭାବରେ ନଷ୍ଟ ହୋଇଥିବା ଦେଖିବାକୁ ମିଳିଛି ଖବର ପାଇ ଘଟଣା ସ୍ଥଳରେ ପୁଲିସ ପହଞ୍ଚି ତନାଘନା ଆରମ୍ଭ କରିଛି । ଅପରପକ୍ଷେ ମୃତ ଯୁବକ ଦ୍ବୟଙ୍କ ପରିଚୟ ମିଳିପାରିନଥିବାବେଳେ ଜଣେ ଯୁବକଙ୍କ ପାଖରୁ ଏକ ମାରଣାସ୍ତ୍ର ମିଳିଛି ।

Advertisement

ମୃତଦେହକୁ ଉଦ୍ଧାର କରି ପୁଲିସ ର ୧୧୨ ଭ୍ୟାନ ରେ ଭୀମଭୋଇ ମେଡିକାଲ କୁ ଅଣାଯାଇଥିଲା । ଶବ ବ୍ୟବଚ୍ଛେଦ ଗୃହରେ ସେମାନଙ୍କ ମୃତଦେହକୁ ରଖାଯାଇଛି ।