ସୁଭଦ୍ରା ଶୋଭାଯାତ୍ରାରେ ଅଘଟଣ , ୨ ମହିଳା ଆହତ..

କେନ୍ଦ୍ରାପଡା ; ସୁଭଦ୍ରା ସଚେତନତା ଶୋଭାଯାତ୍ରାକୁ ଆସିଥିବା ବେଳେ ୨ ମହିଳା ଆହତ। କେନ୍ଦ୍ରାପଡା ଜିଲ୍ଲା ଆଳି ବ୍ଲକ ପ୍ରଶାସନ ପକ୍ଷରୁ ଅନୁଷ୍ଠିତ ହେଉଥିବା ସୁଭଦ୍ରା ସଚେତନତା ରାଲିକୁ ଆସିଥିବା ବେଳେ ଠେଲାପେଲା ବେଳେ ପଡିଯିବାରୁ ଜଣେ ମହିଳା ଗୋଡ଼ରେ ଗଭୀର ଆଘାତ ଲାଗି ଆହତ ହୋଇଛନ୍ତି।

ସେହିପରି ଅନ୍ୟଜଣେ ମହିଳାଙ୍କ ପାଦ ଉପରେ ଅଟୋ ଚଢିଯିବାରୁ ସେ ମଧ୍ୟ ଆହତ ହୋଇଛନ୍ତି। ଦୁଇ ଆହତ ମହିଳା ହେଉଛନ୍ତି ଆଳି ICDSର ସୁପର ଭାଇଜର ଉର୍ମିଳା ବେହରା। ଅନ୍ୟ ଜଣେ ମହିଳା ହେଉଛନ୍ତି ବାଳକାଟି ଗାଁର ପ୍ରମିଳା ମଳିକ।ଉଭୟଙ୍କୁ ଚିକିତ୍ସା ପାଇଁ ଆଳି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା। ବ୍ଲକ ପ୍ରଶାସନର ଘୋର ଅବ୍ୟବସ୍ଥା ଯୋଗୁ ଏଭଳି ଅଘଟଣ ଘଟିଥିବା ଅଭିଯୋଗ ହୋଇଛି।

Advertisement