ଯୋବ୍ରା ବ୍ରିଜରେ ସିରିଜ୍ ଦୁର୍ଘଟଣା , ପିକ୍ଅପ୍ ଓ ଅଟୋକୁ ଧକ୍କା ଦେଲା ସନ୍ଦିଗ୍ଧ ସ୍କର୍ପିଓ

କଟକ ; କଟକ ଯୋବ୍ରା ଆନିକଟ ବ୍ରିଜ ଉପରେ ସିରିଜ ଦୁର୍ଘଟଣା।ଏକ ସ୍କର୍ପିଓ ଗାଡ଼ି ଧକ୍କା ରେ ଜଣେ ଗୁରୁତର ଆହତ ଓ ଚାରି ଜଣ ଆହତ ହୋଇଥିବା ସୂଚନା ମିଳିଛି । ବ୍ରିଜ୍ ମଝିରେ ପିକ୍ଅପ୍ ଭ୍ୟାନ୍କୁ ପିଟିଛି ସ୍କର୍ପିଓ। ତା’ପରେ ଅଟୋକୁ ଧକ୍କା ଦେଇଛି। ଦୁର୍ଘଟଣା ପରେ ବ୍ରିଜ ବାଡ଼ ଭାଙ୍ଗି ଅଧାରେ ଅଟକି ରହିଥିଲା ସ୍କର୍ପିଓ। ଯାହାଫଳରେ ଟ୍ରାଫିକ୍ ଜାମ ହୋଇଛି।

ପୋଲିସ ଘଟଣା ସ୍ଥଳରେ ପହଞ୍ଚି ଆହତ ମାନଙ୍କୁ ହସ୍ପିଟାଲ ପଠାଇବା ସହ ରାସ୍ତା ଗାଡ଼ି ଗୁଡ଼ିକୁ ରାସ୍ତାରୁ ହଟାଇଛି।
ଅନ୍ୟପଟେ ଦୁର୍ଘଟଣା ଘଟାଇ ଥିବା ସ୍କର୍ପିଓ ଗାଡ଼ିରୁ ଦୁଇ ଜଣ ଝିଅ ଓ ତିନି ଜଣ ପୁଅ ଙ୍କୁ ଉଦ୍ଧାର କରିଛି ପୋଲିସ। ସ୍କର୍ପିଓ ଗାଡ଼ି ର ଆଗ ନମ୍ବର ଅଲଗା ଓ ପଛ ନମ୍ବର ଅଲଗା ରହିଛି । ଗାଡି ଭିତରେ ପଡି ରହିଛି ଅନେକ ବିୟର ବୋତଲ।

Advertisement

ତେଣୁ ଏହି ଗାଡ଼ିଟି ଚୋରା ଗାଡ଼ି ବୋଲି ସନ୍ଦେହ କରାଯାଉଛି। ତେଣୁ ସେମାନେ ମଦ ନିଶାରେ ଦୁର୍ଘଟଣା ଘଟାଇଥିବା ଅନୁମାନ କରି ତଦନ୍ତ ଚଳାଇଛି ପୋଲିସ ।