ବଡ ଆଶ୍ଚର୍ଯ୍ୟ କଥା , ହାତୀ ଖାଇଗଲା ୧୦ ହଜାର ଟଙ୍କା ।
1 min read
ହାତୀ ଖାଇଗଲା ଟଙ୍କା । ସେ ପୁଣି ୧୦୦ କି ୫୦୦ ଟଙ୍କା ନୁହଁ ବରଂ ୧୦ ହଜାର ଟଙ୍କା । ଏଭଳି ଏକ ଆଶ୍ଚର୍ଯ୍ୟକର ଘଟଣା କେରନ୍ଦୁଝରରୁ ସାମ୍ନାକୁ ଆସିଛି । କେନ୍ଦୁଝର ଜିଲ୍ଲା ତେଲକୋଇ ରେଞ୍ଜ ବେଣା ଗାଁରେ ହାତୀପଲଙ୍କ ଉପଦ୍ରବ ଦେଖିବାକୁ ମିଳିଛି । ଘର ଭାଙ୍ଗି ଧାନ ଚାଉଳ ଓ ୧୦ ହଜାର ଟଙ୍କା ଖାଇଦେଇଛି ହାତୀ ।
ସୂଚନା ଅନୁଯାୟୀ ତେଲକୋଇ ରେଞ୍ଜ ତେଲକୋଇ ଫରେଷ୍ଟ ବିଟ୍ ର ବେଣା ଗାଁରେ ୫ ଟିକିଆ ହାତୀପଲଙ୍କ ଉପଦ୍ରବ ଦେଖିବାକୁ ମିଳିଛି । ୨ଟି ଘର ଭାଙ୍ଗି ଧାନ ଚାଉଳ ଖାଇଥିବା ବେଳେ, ୧୦ ହଜାର ଟଙ୍କା ମଧ୍ୟ ଖାଇଲେ ହାତୀପଲ । ଘର ଭିତରେ ଶୋଇଥିବା ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି ।
ଘଟଣାଟି ଏମିତି କି ଗତକାଲି ବିଳମ୍ବିତ ରାତିରେ ୫ ଟିକିଆ ହାତୀପଲ ବେଣା ଗାଁ ମୁଣ୍ଡାସାହିରେ ଧଶେଇ ପଶିଥିଲେ । ପ୍ରଥମେ ରବିନ୍ଦ୍ର ପାତ୍ରଙ୍କ ବାଇଗଣ ବାଡିକୁ ଦଳି ମକଚି ନଷ୍ଟ କରିବା ପରେ ଘର ଭାଙ୍ଗି ଧାନ ଚାଉଳ ଟେକି ନେଇଯାଇଥିଲେ ହାତୀପଲ । ଧାନ ଡୋଲି ଭିତରେ ରବିନ୍ଦ୍ର ରଖିଥିବା ୧୦ ହଜାର ଟଙ୍କାକୁ ମଧ୍ୟ ଧାନ ସହ ଖାଇଯାଇଥିଲେ ହାତୀପଲ । ସେପଟେ ବାବୁରାମ ମୁଣ୍ଡାଙ୍କ ଘର ଭାଙ୍ଗି ଦେବା ସହ ହାଣ୍ଡି ଡେକଚିକୁ ମଧ୍ୟ ହାତୀପଲ ଭାଙ୍ଗି ଦେଇଛନ୍ତି।
