ଆୱାର୍ଡ ସୋ ରେ ପାଦ ଛୁଇଁ ଝିଅ ଆରାଧ୍ୟା ଦେଖାଇଲେ ଐଶର୍ଯ୍ୟାଙ୍କ ସଂସ୍କାର ।
1 min read
କୁହନ୍ତି ବାପା ମା ଛୁଆଙ୍କୁ ଦେଇଥିବା ସଂସ୍କାର ସେମାନେ ବଡ ହେବା ପରେ ହିଁ ଛୁଆଙ୍କ ବ୍ୟବାହରରେ ଜଣାପଡିଥାଏ । ଆଉ ବଚ୍ଚନ ପରିବାରର ଲାଡଲି ଆରାଧ୍ୟା ବଚ୍ଚନକୁ ନେଇ ଉଠୁଥିବା ଚର୍ଚ୍ଚା ରେ ଝଲକୁଛି ତାଙ୍କ ସଂସ୍କାରରେ । କିଛିଦିନ ପୂର୍ବରୁ ଟ୍ରୋଲ ହେଉଥିବା ଆରାଧ୍ୟାଙ୍କୁ ପ୍ରଶଂସାରେ ପୋତିଦେଇଛନ୍ତି ଦର୍ଶକ ।
ନିକଟରେ ଐଶର୍ଯ୍ୟା ରାୟ ୨୦୨୪ ଝଓଓଗଇ ପୁରସ୍କାର ପାଇଁ ଝିଅ ଆରାଧ୍ୟାଙ୍କ ସହ ଦୁବାଇ ଯାଇଥିଲେ । ସେଠାରୁ ତାଙ୍କର ଅନେକ ଭିଡିଓ ଭାଇରାଲ ହୋଇଛି । ଏକ ଭିଡିଓରେ ଯେତେବେଳେ ଐଶର୍ଯ୍ୟା ପୁରସ୍କାର ସହିତ ମଞ୍ଚରୁ ଓହ୍ଲାଇଛନ୍ତି ସେତେବେଳେ ଆରାଧ୍ୟା ତାଙ୍କୁ ଆଲିଙ୍ଗନ କରିଛନ୍ତି । ଏହାପରେ ଐଶର୍ଯ୍ୟା ଜଣ ଜଣ କରି ଅନେକ କଳାକାରଙ୍କୁ ଭେଟିଥିଲେ ।
ଏହି ସମୟରେ ସେ ଦକ୍ଷିଣ କଳାକାର ଶିବ ରାଜକୁମାରଙ୍କ ସହିତ ଦେଖାକରି ଐଶର୍ଯ୍ୟ ଝିଅ ଆରାଧ୍ୟାଙ୍କୁ ପରିଚିତ କରାଇଥିଲେ। ଆଉ ରାଜକୁମାର ଝିଅ ଆରାଧ୍ୟା ସହ ହାତ ମିଳାଇବାକୁ ହାତ ବଢାଇଥିବା ବେଳେ ଝିଅ ଆରାଧ୍ୟା କିନ୍ତୁ ତାଙ୍କ ପାଦ ଛୁଇଁ ନମସ୍କାର କରିଥିଲେ । ଆଉ ରାଜକୁମାର ମଧ୍ୟ ତାଙ୍କୁ ଆର୍ଶିବାଦ ଦେଇ ଖୁସି ହୋଇଥିଲେ । ତେବେ ଏହି ଭିଡିଓ ବର୍ତ୍ତମାନ ଜୋରର ଭାଇରାଲ ହେବାରେ ଲାଗିଛି । ଯାହାକୁ ନେଇ ପ୍ରଶଂସକମାନଙ୍କ ମଧ୍ୟରେ ଚର୍ଚ୍ଚା ବଢିଛି । ଆଉ ସମସ୍ତେ ଐଶର୍ଯ୍ୟାଙ୍କ ସଂସ୍କାରକୁ ପ୍ରଶଂସା କରିବାରେ ଲାଗିଛନ୍ତି ।
