ଥାନାକୁ ଯିବା ପୂର୍ବରୁ ମେଜର ଓ ତାଙ୍କ ବାନ୍ଧବୀଙ୍କୁ କିଏ କରିଥିଲେ ହଇରାଣ ? ସାମ୍ନାକୁ ଆସିଲା ଭିଡିଓ ..
1 min read
ସେନା ଅଧିକାରୀ ଓ ତାଙ୍କ ବାନ୍ଧବୀଙ୍କୁ ଭରତପୁର ଥାନାରେ ନିର୍ଯାତନା ଓ ଦୁର୍ବ୍ୟବହାର ପ୍ରଦର୍ଶନ ଘଟଣା ସମଗ୍ର ରାଜ୍ୟରେ ହଇଚଇ ସୃଷ୍ଟି କରିଥିଲା। ଏହି ଘଟଣା ଦିନକୁ ଦିନ ନୂଆ ମୋଡ଼ ନେଇଛି । ତେବେ ଏହାରି ମଧ୍ୟରେ ଏବେ ସୋସିଆଲ ମିଡିଆରେ ମିଡିଆରେ ଘୂରି ବୁଲୁଛି ମେଜର ଏବଂ ତାଙ୍କ ବାନ୍ଧବୀ ଥାନାକୁ ଆସିବା ପୂର୍ବରୁ କିଛି ରୋଡ୍ ରୋମିଓଙ୍କ ସହ ହୋଇଥିବା ଝଗଡ଼ା ର ଭିଡିଓ । ମୋବାଇଲରୁ ମୋବାଇଲକୁ ଘୂରି ବୁଲିଥିବା ଏହି ଭାଇରାଲ ଭିଡିଓ। କୁହାଯାଉଛି, ଇଏ ସେହି ସମୟର ଭିଡ଼ିଓ, ଯାହା ପୂରା ଘଟଣାରେ ବିବାଦକୁ ଜନ୍ମ ଦେଇଥିଲା ।
ଯୁବକ ଚନ୍ଦକା ଥାନା ଅନ୍ତର୍ଗତ ପଥରଗାଡ଼ିଆ ନିକଟରେ ମେଜର ଓ ତାଙ୍କ ବାନ୍ଧବୀଙ୍କ ଗାଡ଼ିକୁ ଅଟକାଇ ସେମାନଙ୍କ ସହ ଯାହା କରିଥିଲେ, ସେ ଦୃଶ୍ୟ ରହିଛି। ଏହି ଭିଡ଼ିଓରେ ମେଜରଙ୍କ ବାନ୍ଧବୀ ଓ କିଛି ଯୁବକଙ୍କ ମଧ୍ୟରେ ତୁ ତୁ ମେଁ ମେଁ ଦେଖିବାକୁ ମିଳିଛି । କେଉଁ କାରଣରୁ ଉଭୟଙ୍କ ମଧ୍ୟରେ ଝଗଡା ଲାଗିଥିଲା ତାହା ଏ ଭିଡ଼ିଓରୁ ସ୍ପଷ୍ଟ ହୋଇପାରୁନି । ଥାନାରେ ଅଭିଯୋଗ କରିବା ପୂର୍ବରୁ ରାସ୍ତା ଉପରେ କିଛି ଏଭଳି ଢଙ୍ଗରେ ଉଭୟଙ୍କ ମଧ୍ୟରେ ହୋଇଥିଲା ପାଟିତୁଣ୍ଡ । ମେଜର ଗୁରୁବଂଶ ସିଂଙ୍କୁ କିଛି ଯୁବକ ଘେରି ରହିଥିବା ବେଳେ ବାନ୍ଧବୀଙ୍କ ସହ ଏକାଧିକ ଯୁବକଙ୍କ ବାକଯୁଦ୍ଧ ଦେଖିବାକୁ ମିଳିଛି। ଏପରିକି ଉଭୟଙ୍କ ମଧ୍ୟରେ ଧସ୍ତା ଧସ୍ତି ଦେଖିବାକୁ ମିଳିଛି ।
ରାଜଧାନୀ ଉପକଣ୍ଠରେ ଯୁବକମାନେ ନିର୍ଭୟରେ ସଂଘବଦ୍ଧ ହୋଇ ଘୂରି ବୁଲିବା ଏବଂ ଲୋକଙ୍କୁ ଆକ୍ରମଣ କରିବା ଏହି ଅଞ୍ଚଳର ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନଚିହ୍ନ ଲଗାଇଛି। ଅନ୍ୟପକ୍ଷରେ ପୁଲିସ ୭ଜଣ ରୋଡ୍ ରୋମିଓଙ୍କୁ ଅଟକ ରଖିଥିବା ଜଣାପଡିଛି।
