ଭରତପୁର ଥାନା ଘଟଣା , ପୋଲିସ ହାତରେ ଭିଡିଓ -ଅଡିଓ କ୍ଲିପ୍ , ଛାତ୍ରଙ୍କ ନାଁରେ ସଙ୍ଗୀନ ଦଫା ।
1 min read
ରାଜଧାନୀ ର ଆଦର୍ଶ ଥାନା ଭରତପୁର ଘଟଣା ଏବେ କେବଳ ରାଜ୍ୟ ଯାଏ ସୀମନିତ ହୋଇ ନାହିଁ ଏହା ପୁରା ଦେଶରେ ଚହଳ ସୃଷ୍ଟି କରିଦେଇଛି । ପୀଡିତା ଅଙ୍କିତାଙ୍କ ବୟାନ ପରଠୁ ସୋସିଆଲ୍ ମିଡିଆରେ ପୀଡିତାଙ୍କର ସିରିଜ ଭିଡିଓ ଭାଇରାଲ୍ ହେବାରେ ଲାଗିଛି। ମହିଳା କମିଶନ ଠାରୁ ଆରମ୍ଭ କରି ବିରୋଧୀ ଦଳ ସବୁ ତତ୍ପରତା ଦେଖାଇଛନ୍ତି । ଅନ୍ୟପଟେ ଆଜି ସମୃକ୍ତ ଘଟଣାର ମୂଳ କାରଣ ଖୋଜି ୭ ଜଣ ଛାତ୍ରଙ୍କୁ ବାନ୍ଧିଥିଲା ପୋଲିସ । ସେମାନଙ୍କ ନିକଟରୁ ୧୧ ଟି ଫୋନ ମଧ୍ୟ ଜବତ୍ କରିଛି ପୋଲିସ୍ ।
ପୋଲିସ ହାତରେ ଲାଗିଥିବା ଭାଇରାଲ ଭିଡିଓ –
ରାସ୍ତା ଉପରେ ବଡ ପାଟି କରି ପୀଡିତା ଅଙ୍କିତା ଆଉ ୫-୭ ଯୁବକ ଯୁକ୍ତିତର୍କ ଲାଗିଥିଲେ । ରେଷ୍ଟୁରାଣ୍ଟରୁ ଫେରିବା ବେଳେ ୩ଟି ଗାଡିରେ ଆସିଥିବା ୧୦ରୁ ୧୨ ଯୁବକ ସେମାନଙ୍କୁ ବାଟରେ ଅଟକାଇ ଝଗଡା କରିଥିବା ଅଭିଯୋଗ ହୋଇଥିଲା।ସେହି ସମୟର ଭିଡିଓ ପୋଲିସ ହାତରେ ବାଜିଛି । ଅଙ୍କିତା ଆଉ କିଛି ଯୁବକ ଯୁକ୍ତି ତର୍କ ଲାଗୁଥିବା ସମୟରେ ମେଜର ସେମାନଙ୍କୁ ବୁଝାଇ ଅଙ୍କିତାଙ୍କୁ ଗାଡି ଭୀତରକୁ ଆଣିବାକୁ ଚେଷ୍ଟା କରିଥିଲେ । ଆଉ ମେଜରଙ୍କୁ ମଧ୍ୟ ସେଠି କିଛି ଯୂବକ ଧକ୍କା ମାରୁଥିବାର ନଜର ଆସିଥିଲା । ଏହା ପୂର୍ବରୁ ଅଙ୍କିତା ଏକ ପପ୍ରେ ନାଚୁଥିବାର ଭିଡିଓ ମଧ୍ୟ ସାମ୍ନାକୁ ଆସିଥିଲା ।
