ଧୋନୀଙ୍କ ଝିଅ ପାଇଁ ସ୍ୱତନ୍ତ୍ର ଉପହାର ପଠାଇଲେ ଲିଓନେଲ୍ ମେସି ,ଜାଣନ୍ତୁ କଣ ଥିଲା ଗିଫ୍ଟ ବକ୍ସରେ …..
1 min read
ନୂଆଦିଲ୍ଲୀ : ଧୋନୀଙ୍କ ଝିଅକୁ ସ୍ୱତନ୍ତ୍ର ଉପହାର ପଠାଇଲେ ମେସି । ଯାହାକୁ ସେୟାର କରଛନ୍ତି ଯାହାକୁ ସେୟାର କରଛନ୍ତି ନିଜେ ଧୋନୀଙ୍କ ଝିଅ ଜିଭା । ଫିଫା ବିଶ୍ୱକପ ୨୦୨୨ ଜିତି ଆର୍ଜେଣ୍ଟିନା ଇତିହାସ ସୃଷ୍ଟି କରିଛି । ପେନାଲ୍ଟି ସୁଟଆଉଟରେ ଡିଫେଣ୍ଡିଂ ଚାମ୍ପିଅନ ଫ୍ରାନ୍ସକୁ ୪-୨ରେ ପରାସ୍ତ କରିବା ପରେ ଲିଓନେଲ ମେସିଙ୍କ ନେତୃତ୍ୱାଧୀନ ଆର୍ଜେଂଟିନା ଟ୍ରଫି ଉଠାଇଥିଲା । ଭାରତରେ ମଧ୍ୟ ଆର୍ଜେଂଟିନାର ବିଜୟ ଉତ୍ସବ ପାଳନ କରାଯାଇଥିଲା ।
ଭାରତକୁ ବିଶ୍ୱ ଚାମ୍ପିଅନ କରିଥିବା ମହେନ୍ଦ୍ର ସିଂ ଧୋନୀଙ୍କ ଝିଅ ଜିଭା ମଧ୍ୟ ମେସିଙ୍କ ପ୍ରଶଂସକ ଅଟନ୍ତି । ଜିଭା ମଧ୍ୟ ମେସି ଏବଂ ଆର୍ଜେଂଟିନାର ବିଜୟ ଉତ୍ସବ ପାଳନ କରିଥିଲେ । ଧୋନୀଙ୍କ ସ୍ତ୍ରୀ ସାକ୍ଷୀ ତାଙ୍କ ଇନଷ୍ଟାଗ୍ରାମରେ ଝିଅ ଜିଭାଙ୍କ ଫଟୋ ଶେୟାର କରିଛନ୍ତି । ଏହି ଫଟୋରେ ଜିଭା ଆର୍ଜେଂଟିନା ଜର୍ସି ପିନ୍ଧିଛନ୍ତି । କେବଳ ଏତିକି ନୁହେଁ, ତାଙ୍କ ଜର୍ସିରେ ଆର୍ଜେଂଟିନ ଅଧିନାୟକ ଲିଓନେଲ ମେସିଙ୍କ ଅଟୋଗ୍ରାଫ ମଧ୍ୟ ରହିଛି । ଜିଭା ଏହାକୁ ଦେଖାଇ ଖୁସିରେ ଆତ୍ମହରା ହୋଇପଡିଛନ୍ତି ।
ଖ୍ରୀଷ୍ଟମାସ ଦିନ ଜିଭାଙ୍କୁ ମେସି ନିଜ ଅଟୋଗ୍ରାଫ୍ ଥିବା ଜର୍ସି ପଠାଇଛନ୍ତି । ଧୋନୀ ମଧ୍ୟ ଫୁଟବଲର ଜଣେ ବଡ଼ ପ୍ରଶଂସକ । ସେ ସ୍କୁଲ ସମୟରେ ଜଣେ ଦଳର ଗୋଲକିପର ଥିଲେ । ତାଙ୍କର ଗୋଲକିପିଂ କୌଶଳ ଦେଖି ସେ କ୍ରିକେଟରେ ଉଇକେଟ୍ କିପିଂ ପାଇଁ ମନୋନୀତ ହୋଇଥିଲେ ।
