ତିରୁପତିରେ ହେଲା ମହାଶାନ୍ତି ହୋମ , ହୋମ ଯଜ୍ଞ କରି ମାଗିଲେ କ୍ଷମା …
1 min readତିରୁପତି ବାଲାଜୀ ମନ୍ଦିରରେ ଲଡୁରେ ପଶୁ ଚର୍ବି ମିଶ୍ରଣକୁ ନେଇ ତେଜୁଛି ବିବାଦ । ଏହି ଖବର ଭକ୍ତଙ୍କ ଭାବାବେଗକୁ କୁଠାରଘାତ କରିବା ଥିବା ବେଳେ ଘୃଣ୍ୟକାର୍ଯ୍ୟ ପଛରେ ଥିବା ଲୋକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି । ଏହାକୁ ନେଇ ରାଜନୀତି ମଧ୍ୟ ତୀବ୍ର ହେବାରେ ଲାଗିଛି। ଏହାରି ଭିତରେ ମହାଶାନ୍ତି ହୋମ ଆୟୋଜନ କରିଛି ତିରୁମାମଲା ତିରୁପତି ଦେବସ୍ଥାନମ୍।ମନ୍ଦିରରେ ଏକ ଶୁଦ୍ଧିକରଣ ରୀତିନୀତି କରାଯାଇଥିଲା। ମନ୍ତ୍ର ଜପ କରାଯିବା ସହ ଭଗବାନ ଭେଙ୍କଟେଶ୍ଵର ସ୍ଵାମୀଙ୍କ ଠାରୁ କ୍ଷମା ପ୍ରାର୍ଥନା କରାଯାଇଛି ।
ମନ୍ଦିର ପକ୍ଷରୁ ମିଳିଥିୂବା ସୂଚନା ଅନୁସାରେ, ତିରୁପତି ମନ୍ଦିରର ଶୁଦ୍ଧିକରଣ ପୂଜା 4 ଘଣ୍ଟା ଧରି କରାଯାଇଥିଲା । ପ୍ରସାଦ ଭାବରେ ଦିଆଯାଇଥିବା ଲଡୁରେ ପଶୁ ଚର୍ବି ମିଳିଥିବା ନେଇ ବିବାଦ ପରେ ତିରୁମାଲା ତିରୁପତି ଦେବସ୍ଥାନମ୍ ଏହି ମହା ଶାନ୍ତି ହୋମର ଆୟୋଜନ କରିଥିଲେ। ମନ୍ଦିର ପୁରୋହିତମାନଙ୍କ ସହିତ ଟିଟିଡି ଅଧିକାରୀମାନେ ମଧ୍ୟ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ତିରୁମାଲା ମନ୍ଦିରର ଶୁଦ୍ଧତା ପାଇଁ ଶାନ୍ତି ହୋମ ପୂଜା ସକାଳ 6 ଟାରୁ 10 ଟା ପର୍ଯ୍ୟନ୍ତ ଚାଲିଥିଲା।
ଟିଟିଡି ଅନୁଯାୟୀ, ଏହି ରୀତିନୀତିର ଉଦ୍ଦେଶ୍ୟ ଥିଲା ତିରୁପତିଙ୍କ ପ୍ରସାଦରେ ପଶୁ ଚର୍ବି ମିଶ୍ରଣ ଭଳି ଅଶୁଦ୍ଧ କୁ ଶୁଦ୍ଧ କରିବା । ନିକଟରେ ଆନ୍ଧ୍ରପ୍ରଦେଶ ସରକାର ଏହି ଲଡ଼ୁ ବିବାଦ ସାମ୍ନାକୁ ଆସିବା ପରେ ତିନୋଟି ପ୍ରମୁଖ ନିଷ୍ପତ୍ତି ନେଇଥିଲେ, ଯେଉଁଥିରେ ପରମ୍ପରା ଅନୁଯାୟୀ ମନ୍ଦିରକୁ ଶୁଦ୍ଧ କରାଯିବ ବୋଲି କୁହାଯାଇଥିଲା। ଏହା ସହିତ ଆଇଜିପି ସ୍ତରରେ ସମଗ୍ର ଘଟଣାର ଅନୁସନ୍ଧାନ କରିବାକୁ ନିର୍ଦ୍ଦେଶ ଦିଆଯାଇଥିଲା। ବର୍ତ୍ତମାନ କେବଳ ସେହି ଲୋକମାନେ ମନ୍ଦିରର ପରିଚାଳନା କମିଟିରେ ରହିବେ, ଯେଉଁମାନେ ଈଶ୍ୱରଙ୍କ ଉପରେ ବିଶ୍ୱାସ କରନ୍ତି। ଏହା ବ୍ୟତୀତ ସମସ୍ତ ମନ୍ଦିର ପାଇଁ SOP ପ୍ରସ୍ତୁତ କରାଯିବ, ଯାହାକୁ ସମସ୍ତ ମନ୍ଦିର ବାଧ୍ୟତାମୂଳକ ଭାବେ ପାଳନ କରିବେ।