ସିଆଚିନରେ ପହଁଚି ଯବାନଙ୍କୁ ଭେଟିଲେ, ମନୋବଳ ବଢ଼ାଇଲେ ମହାମହିମ …
1 min readବିଶ୍ୱର ସର୍ବୋଚ୍ଚ ଯୁଦ୍ଧକ୍ଷେତ୍ର ସିଆଚିନରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ମହାମହିମ ଆଜି ଲଦାଖର ସିଆଚେନ୍ ବେସ୍ କ୍ୟାମ୍ପ ପରିଦର୍ଶନ କରିଛନ୍ତି। ସିଆଚେନ୍ ବେସ୍ କ୍ୟାମ୍ପ ରେ ପହଞ୍ଚି ଗ୍ଲାସିଅରରେ ମୁତୟନ ଥିବା ସୈନିକ ଏବଂ ଅଧିକାରୀଙ୍କ ସହ କଥାବାର୍ତ୍ତା କରିଥିଲେ। ରାଷ୍ଟ୍ରପତି ମୁର୍ମୁ ତାଙ୍କ ଭାଷଣରେ ଦେଶକୁ ସୁରକ୍ଷା ଦେବାରେ ସୈନିକମାନଙ୍କ ସାହସିକତା ଏବଂ ସେବାକୁ ପ୍ରଶଂସା କରିଥିଲେ। ସେଠାରେ ମୁତୟନ ହୋଇଥିବା ସୈନିକଙ୍କ ପରିବାର ଏବଂ ସମ୍ପର୍କୀୟଙ୍କୁ ମଧ୍ୟ ସେ କୃତଜ୍ଞତା ଜଣାଇଛନ୍ତି।
ଯୁଦ୍ଧ ହିରୋମାନଙ୍କ ପାଇଁ ଆୟୋଜିତ କାର୍ଯ୍ୟକ୍ରମରେ ସେ ସିଆଚେନ୍ ବେସ୍ ୱାର୍ ମେମୋରିଆଲରେ ଶହୀଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ପୂର୍ବତନ ରାଷ୍ଟ୍ରପତି ଏ ପି ଜେ ଅବଦୁଲ କଲାମ ଏବଂ ପୂର୍ବତନ ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ପରେ ରାଷ୍ଟ୍ରପତି ଦ୍ରୌପାଦୀ ମୁର୍ମୁ ସିଆଚେନ୍ ଗ୍ଲାସିଅର୍ ପରିଦର୍ଶନ କରିଥିବା ତୃତୀୟ ରାଷ୍ଟ୍ରପତି ହୋଇଛନ୍ତି । କରାକୋରାମ ରେଞ୍ଜରେ ଅବସ୍ଥିତ ସିଆଚେନ୍ ଗ୍ଲାସିଅର୍ ହେଉଛି ବିଶ୍ୱର ସର୍ବୋଚ୍ଚ ସାମରିକ ଦଖଲ ହୋଇଥିବା ଅଞ୍ଚଳ ଏବଂ ଅପରେସନ୍ ମେଘଦୂତ ଅଧୀନରେ ଏପ୍ରିଲ୍ ୧୯୮୪ ଠାରୁ ଭାରତୀୟ ସେନା ଦ୍ୱାରା ଏହା ସୁରକ୍ଷିତ ହୋଇ ରହିଆସିଛି।