BJP କୁ ଖୋଲା ଚାଲେଞ୍ଜ ଦେଲେ ରୋହିତ ପୂଜାରୀ , କହିଲେ ଯିଏ ମିଛ କହୁଥିବା ତା ବଂଶ ନିଶ୍ଚିତ ବୁଡିବ ।
1 min read
ସମ୍ବଲପୁର ; ରୋହିତଙ୍କ ଖୋଲା ଚ୍ୟାଲେଞ୍ଜ, ମିଛ କହିଥିଲେ ମୋ ବଂଶ ବୁଡିବ ନହେଲେ ତାଙ୍କ ବଂଶ ବୁଡିବ ।
ଗତ ସାଧାରଣ ନିର୍ବାଚନରେ ସମ୍ବଲପୁର ବିଧାନସଭା ଆସନରୁ ବିଧାୟକ ପ୍ରାର୍ଥୀ ଭାବରେ ନିର୍ବାଚନ ଲଢ଼ି ପରାଜୟ ହେବା ନେଇ ବିଜେପି ଦଳର ନିର୍ବାଚନ ସମୟରେ କରିଥିବା ଅପପ୍ରଚାରକୁ ଦାୟି କରିଛନ୍ତି ରୋହିତ ପୂଜାରୀ ।
ବିଜେଡି ଜିଲ୍ଲା ସଭାପତି ତଥା ପୁର୍ବତନ ମନ୍ତ୍ରୀ ରୋହିତ ପୁଜାରୀ ଏକ କାର୍ଯ୍ୟକ୍ରମରେ ଯୋଗଦାନ କରିବା ଅବସରରେ ନିଜ ବକ୍ତବ୍ୟରେ ତାଙ୍କ ପରାଜୟ ପାଇଁ ସିଧା ସଳଖ ବିଜେପିକୁ ଦାୟୀ କରି କଡା ଟାର୍ଗେଟ କରିଛନ୍ତି । ସେ କହିଛନ୍ତି ଯେ ତାଙ୍କୁ ନିର୍ବାଚନରେ ହରାଇବା ପାଇଁ ବିଜେପି ଘୃଣ୍ୟ ଚକ୍ରାନ୍ତ କରି ସମ୍ବଲପୁର ଠାରେ ରୋହିତ ପୂଜାରୀ ମୁସଲମାନ ମାନଙ୍କ ପାଇଁ ମସଜିଦ ନିର୍ମାଣ କରିବେ ବୋଳି ଅପପ୍ରଚାରକୁ ବହୁଳ ଭାବରେ ଲୋକଙ୍କ ମଧ୍ୟରେ ପ୍ରଚାର କରାଯାଇଥିଲା । ମୁଁ ବ୍ରାହ୍ମଣ କୂଳରେ ଜନ୍ମ ମୋର ପୂର୍ବ ପୁରୁଷ ମନ୍ଦିର ସେବା କରିଆସିଛନ୍ତି । ଯେ ଏପରି ମିଛ କହି ପାରୁଛି ସେ ପକୃତରେ ହିନ୍ଦୁ ନୁହେଁ । ଯେ ପ୍ରକୃତ ହିନ୍ଦୁ ସେ କେବେ ମିଛ କହେ ନାହିଁ ।
ହିନ୍ଦୁ ଧର୍ମରେ ବିଶ୍ୱାସ ରଖୁଥିବା ଲୋକ ଏପରି ଅପପ୍ରଚାର କରିବା ଅନୁଚିତ । ଏହାସହ ଯେଉଁ ମାନେ ମୋର ନାଁରେ ଅପପ୍ରଚାର କରିଛନ୍ତି ତାଙ୍କୁ ମୁଁ ଖୋଲା ଚ୍ୟାଲେଞ୍ଜ କରୁଛି ସେମାନେ ଆସନ୍ତୁ ବ୍ରହ୍ମପୁରା ଓ ସମଲେଶ୍ଵରୀ ମନ୍ଦିର ଠାରେ ଶପଥ କରିବା ମୁଁ ଯଦି ମସଜିଦ ତିଆରି କରିବା କଥା କହିଥିବି ତାହେଲେ ମୋର ବଂଶ ନିପାତ ହୋଇଯିବ ନହେଲେ ମୋର ବିରୁଦ୍ଧରେ ଅପପ୍ରଚାର କରିଥିବା ଲୋକଙ୍କ ବଂଶ ନିପାତ ହୋଇଯିବ ବୋଲି ରୋହିତ କହିଥିଲେ । ତେବେ ଏକ ଖୋଲା ଦଳୀୟ ସଭାରେ ରୋହିତ ଙ୍କ ଏଭଳି ମନ୍ତବ୍ୟକୁ ନେଇ ଜିଲ୍ଲାର ରାଜନୀତି ପୁଣି ସରଗରମ ହୋଇଉଠିଛି ।
