ରତନଙ୍କ ଅତି ଘନିଷ୍ଠ ହର୍ଷ ଗୋଏଙ୍କା ପ୍ରଥମେ ଦେଇଥିଲେ ତାଙ୍କ ମୃତ୍ୟୁ ଖବର ।
1 min read
ପରଲୋକରେ ଭାରତର କିମ୍ବଦନ୍ତୀ ଉଦ୍ୟୋଗପତି ରତନ ଟାଟା । । ଅକ୍ଟୋବର ୯ ସନ୍ଧ୍ୟାରେ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ସେ ତାଙ୍କର ଶେଷ ନିଶ୍ବାସ ତ୍ୟାଗ କରିଛନ୍ତି । ଭାରତର କିମ୍ବଦନ୍ତୀ ଉଦ୍ୟୋଗପତି ରତନ ଟାଟା । ତାଙ୍କ ନିଧନରେ ଭାରତ ଖାଲି ଜଣେ ଭେଟେରାନ, ବିଜ୍ଞ ତଥା ଜଣେ ହୃଦୟବାନ୍ ଉଦ୍ୟୋଗପତିକୁ ହରାଇନି ବରଂ ଜଣେ ଶ୍ରେଷ୍ଠ ଜୀବନ୍ତ ଉଦାହରଣ, ଯାହା ଆଜି ଇତିହାସ ପାଲଟିଛି । ଜଣେ ଉଦ୍ୟୋଗପତି ଯାହାକୁ ଆଜି ସାରା ଦେଶ ଝୁରୁଛି ।
ଜଣେ ଲିଜେଣ୍ଡ ବା ମହାମହିମଙ୍କ ବିୟୋଗରେ ବୁଡିଛି ପୁରା ଅଖଣ୍ଡ ଭାରତ । ଏହାରି ଭିତରେ ଭାରତର ନାମିଦାମୀ ଶିଳ୍ପପତୀ ମାନେ ମଧ୍ୟ ଲୋତକ ଝରାଇଛନ୍ତି ।
ତେବେ କଣ ଆପଣ ଜାଣିଛନ୍ତି କି ରତନଙ୍କ ମୃତ୍ୟୁ ଖବର ସର୍ବପ୍ରଥମେ କିଏ ଦେଇଥିଲେ ?
ଗଣମାଧ୍ୟମର ରିପୋର୍ଟ ଅନୁଯାୟୀ, ଶିଳ୍ପପତି ହର୍ଷ ଗୋଏଙ୍କା ପ୍ରଥମେ ରତନ ଟାଟାଙ୍କ ଦେହାନ୍ତ ବିଷୟରେ ଦେଶକୁ ସୂଚନା ଦେଇଥିଲେ। ସେ ତାଙ୍କ ଏକ୍ସ ହ୍ୟାଣ୍ଡେଲରେ ଲେଖିଛନ୍ତି ଯେ ଆଜି ଘଣ୍ଟା ଟିକ୍ ବନ୍ଦ ହୋଇଗଲା । ବ୍ୟବସାୟର ଟାଇଟାନ୍ ଆଉ ନାହିଁ । ରତନ ଟାଟା ସଚ୍ଚୋଟତା, ନୈତିକ ନେତୃତ୍ୱ ଏବଂ ଚାଣକ୍ୟଙ୍କ ପ୍ରତୀକ ଥିଲା । ଏହା ପରେ ଟାଟା ଗ୍ରୁପ୍ ଚେୟାରମ୍ୟାନ୍ ଚନ୍ଦ୍ରଶେଖର ଏକ୍ସ ହ୍ୟାଣ୍ଡେଲରେ ଏକ ଟ୍ୱିଟ୍ ଲେଖି ନିଶ୍ଚିତ କରିଛନ୍ତି। ସେ ଲେଖିଛନ୍ତି ଯେ ଆଜି ଟାଟା ଗ୍ରୁପ୍ ଏକ ବଡ଼ କ୍ଷତି କରିଛି । ଏକ ଭାରି ହୃଦୟ ସହିତ ଆମେ ରତନ ଟାଟାଙ୍କୁ ବିଦାୟ ଦେଉଛୁ । ରତନ ଟାଟା ଏହି ଦଳର ଅଧ୍ୟକ୍ଷଙ୍କ ଅପେକ୍ଷା ଅଧିକ ଥିଲେ। ସେ ମୋର ଗୁରୁ, ଗାଇଡ୍ ଏବଂ ବନ୍ଧୁ ଥିଲେ । ଏହା ପରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ଶିଳ୍ପପତି ମୁକେଶ ଅମ୍ବାନୀ ଡାକ୍ତରଖାନାରେ ପହଞ୍ଚିଥିଲେ। ପ୍ରଧାନମନ୍ତ୍ରୀ ମୋଦୀ ଟ୍ୱିଟ୍ କରି ରତନ ଟାଟାଙ୍କ ଦେହାନ୍ତରେ ଦୁଃଖ ପ୍ରକାଶ କରିଛନ୍ତି। ମୁଖ୍ୟମନ୍ତ୍ରୀ ସିନ୍ଦେ ଗଣମାଧ୍ୟମ ସହ କଥା ହୋଇ ତାଙ୍କ ଅନ୍ତିମ ସଂସ୍କାର ବିଷୟରେ ସୂଚନା ଦେଇଛନ୍ତି।
