କାହିଁକି ନାଁ ବଦଳାଇ ଦେଇଥିଲେ ବିଗ୍-ବି? ଏହା ପଛରେ ଥିଲା ବଡ଼ କାରଣ ..
1 min readବଲିଉଡ୍ ମେଗାଷ୍ଟାର ଅମିତାଭ ବଚ୍ଚନ। ସେ ଆଜି ତାଙ୍କର ୮୨ ତମ ଜନ୍ମଦିନ ପାଳନ କରୁଛନ୍ତି। ଅମିତାଭଙ୍କ ଜନ୍ମଦିନରେ ଫ୍ୟାନ୍ସମାନେ ତାଙ୍କୁ ଅଭିନନ୍ଦନ ଜଣାଇଛନ୍ତି। ତେବେ, ତାଙ୍କ ଜନ୍ମଦିନ ଅବସରରେ ଆସନ୍ତୁ ଜାଣିବା ତାଙ୍କ ବିଷୟରେ କିଛି ଅଜଣା କଥା…
ଅମିତାଭଙ୍କୁ ଲୋକେ ସ୍ନେହର ବିଗ୍ ବି ବୋଲି ଡାକନ୍ତି। ତେବେ, ତାଙ୍କର ପ୍ରକୃତ ନାମ ଅଧିକାଂଶ ଲୋକେ ଜାଣି ନଥିବେ।ଅମିତାଭ ବଚ୍ଚନଙ୍କ ପିତା ଉତ୍ତରପ୍ରଦେଶର ଥିଲେ। ସେ କାୟସ୍ତା ପରିବାରର ଥିଲେ ଏବଂ ମା’ ଶିଖ ପରିବାରରୁ ଆସିଥିଲେ। ଅମିତାଭ ବଚ୍ଚନଙ୍କ ପ୍ରକୃତ ନାମ ଥିଲା ଇନକିଲାବ ଶ୍ରୀବାସ୍ତବ, ଯାହା ପରେ ପରିବର୍ତ୍ତନ କରାଯାଇଥିଲା। ଅମିତାଭ ତାଙ୍କର ସରନେମ୍ ଶ୍ରୀବାସ୍ତବ ବଦଳାଇ ବଚ୍ଚନ କରିଥିଲେ। କୌନ ବନେଗା କରୋଡପତିରେ ସେ କହିଥିଲେ, ବଚ୍ଚନ ସରନେମ୍ ହେଉଛି ତାଙ୍କ ପିତା ହରିବଂଶ ରାୟ ବଚ୍ଚନଙ୍କ ଉପହାର। ଅମିତାଭ କହିଛନ୍ତି, ମୋ ବାପା ଜାତି ଦ୍ୱାରା ବାନ୍ଧି ହେବାକୁ ଚାହୁଁ ନ ଥିଲେ। ସେ ମୁକ୍ତ ହେବାକୁ ଚାହୁଁଥିଲେ। ସେ ଜଣେ କବି ଥିବାରୁ ସେ ବଚ୍ଚନ ସରନେମ୍ ରଖିଲେ। ସ୍କୁଲରେ ମଧ୍ୟ ଏହି ସରନେମ୍ ରହିଲା। ସେବେଠାରୁ ବଚ୍ଚନ ସରନେମ୍ ଆରମ୍ଭ ହେଲା। ମୁଁ ସୌଭାଗ୍ୟବାନ ଯେ,ଏପରି ପରିବାରରେ ଜନ୍ମ ହୋଇଥିଲି।ବିଗ୍-ବି (film Saat Hindustani) ଫିଲ୍ମରୁ ତାଙ୍କ କ୍ୟାରିଅର୍ ଆରମ୍ଭ କରିଥିଲେ। ଯାହା ପରେ ଅମିତାଭ କେବେ ପଛକୁ ଫେରି ଚାହିଁ ନଥିଲେ । ପ୍ରାୟ 5 ଦଶନ୍ଧି ଧରି ବଲିଉଡରେ ସକ୍ରିୟ ରହିଛନ୍ତି। ଅମିତାଭ ବଚ୍ଚନଙ୍କୁ ଶେଷ ଥର ପାଇଁ କଲକି ୨୮୯୮ ଖ୍ରୀଷ୍ଟାବ୍ଦରେ ଦେଖିବାକୁ ମିଳିଥିଲା। ଏବେ ଅମିତାଭଙ୍କୁ ତାମିଲ ଚଳଚ୍ଚିତ୍ର ଭେଟ୍ଟାୟାନରେ ଦେଖିବାକୁ ମିଳିବ।