ଚିନ୍ନାସ୍ୱାମୀରେ ଟିମ୍ ଇଣ୍ଡିଆର ନୈରାଶଜନକ ରେକର୍ଡ ; ୪୬ ରନ୍ରେ ଅଲ ଆଉଟ୍ ,ଭାଙ୍ଗିଲା ଫ୍ୟାନ୍ସଙ୍କ ହୃଦୟ ….
1 min readବେଙ୍ଗାଲୁରର ଏମ୍ ଚିନ୍ନାସ୍ୱାମୀରେ ଭାରତ-ନ୍ୟୁଜିଲ୍ୟାଣ୍ଡ ପ୍ରଥମ ଟେଷ୍ଟ ମ୍ୟାଚ୍ ରେ ଭାରତର ନୈରାଶ୍ୟଜନକ ରେକର୍ଡ । ଟେଷ୍ଟ କ୍ରିକେଟ ଇତିହାସରେ ପ୍ରଥମ ଥର ପାଇଁ ଗୋଟିଏ ଇନିଂସରେ ୫୦ ରନ୍ ବି କରିପାରିନି ଭାରତ। ମାତ୍ର ୪୬ରନ୍ ରେ ହେଲା ଅଲଆଉଟ୍ । ପରିସ୍ଥିତି ଏପରି ଥିଲା ଯେ ଟିମ୍ ଇଣ୍ଡିଆର କେବଳ ଦୁଇଜଣ ବ୍ୟାଟ୍ସମ୍ୟାନ୍ ଯଥା ଯଶସ୍ୱୀ ଜୟସ୍ୱାଲ ଏବଂ ଋଷଭ ପନ୍ତ ଦୁଇ ଅଙ୍କରେ ପହଞ୍ଚିଥିବା ବେଳେ ଅଧା ଖେଳାଳି ଖାତା ମଧ୍ୟ ଖୋଲିପାରିଲେ ନାହିଁ । ବିରାଟ କୋହଲି, କେ.ଏଲ୍ ରାହୁଲ, ସରଫରାଜ ଖାନ, ରବିନ୍ଦ୍ର ଜାଡେଜା ଏବଂ ଆର ଅଶ୍ୱିନଙ୍କ ଆକାଉଣ୍ଟ ମଧ୍ୟ ଖୋଲାଯାଇ ନଥିଲା। ୨୦ ରନ୍ ସ୍କୋର କରି ଋଷଭ ପନ୍ତ ଦଳର ଅଗ୍ରଣୀ ରନ୍ ସ୍କୋରର ଥିଲେ।
ସେହିପରି ଅନ୍ୟମାନଙ୍କ ମଧ୍ୟରେ ରୋହିତ ଶର୍ମା ୨, କୁଳଦୀପ ଯାଦବ ୨, ଯଶପ୍ରୀତ ବୁମରା ୧ ଏବଂ ମହମ୍ମଦ ସିରାଜ ୪ ରନ୍ (ଅପରାଜିତ) କରିଥିଲେ।
ଟିମ୍ ଇଣ୍ଡିଆର ସବୁଠାରୁ ଛୋଟ ସ୍କୋର ।
୪୬ ରନ୍ ହେଉଛି ନିଜ ଘରୋଇ ମାଟିରେ ଟିମ୍ ଇଣ୍ଡିଆର ସର୍ବନିମ୍ନ ସ୍କୋର । ଏହାପୂର୍ବରୁ ୧୯୭୯ ମସିହାରେ ୱେଷ୍ଟଇଣ୍ଡିଜ୍ ବିପକ୍ଷରେ ଭାରତୀୟ ଦଳ ୭୫ ରନ୍ ସଂଗ୍ରହ କରିଥିଲା। ଟେଷ୍ଟ କ୍ରିକେଟରେ ଟିମ୍ ଇଣ୍ଡିଆର ଏହା ହେଉଛି ତୃତୀୟ ସର୍ବନିମ୍ନ ସ୍କୋର । ୨୦୨୦ ରେ, ଟିମ୍ ଇଣ୍ଡିଆ ଅଷ୍ଟ୍ରେଲିଆ ବିପକ୍ଷରେ ୩୬ ରନ୍ ପାଇଁ ବାନ୍ଧି ହୋଇଯାଇଥିଲା ଏବଂ ବର୍ତ୍ତମାନ ଏହି ଦଳ ନିଜ ଘରେ ୫୦ ରନରେ ପହଞ୍ଚି ପାରି ନାହିଁ।