ମିଳିଲାନି ଭିସା ! ପାକିସ୍ତାନୀ ଯୁବତୀକୁ ଅନଲାଇନରେ ବିବାହ କଲେ ବିଜେପି ନେତାଙ୍କ ପୁଅ..
1 min read
ଅନଲାଇନରେ ବିବାହ କଲେ ପାକିସ୍ତାନୀ ଝିଅ ଭାରତ ପୁଅ । ଭାରତ ଓ ପାକିସ୍ତାନ ମଧ୍ୟରେ ବିବାଦ ଲାଗି ରହିଥିବା ବେଳେ ନିଆରା ଢଙ୍ଗରେ ବିବାହ କରିଛନ୍ତି ଉତ୍ତର ପ୍ରଦେଶର ଯୁବକ । ଯାହାକୁ ନେଇ ଏବେ ସବୁଠି ଚର୍ଚ୍ଚା । ଉତ୍ତର ପ୍ରଦେଶର ଜଣେ ବିଜେପି ନେତାଙ୍କ ପୁଅ ଅନଲାଇନ୍ ମାଧ୍ୟମରେ ଜଣେ ପାକିସ୍ତାନୀ ଝିଅକୁ ବିବାହ କରିଛନ୍ତି।
ଭାରତୀୟ ଜନତା ପାର୍ଟି (ବିଜେପି)ର କର୍ପୋରେଟର ତହସିନ ସାହିଦ ତାଙ୍କ ବଡ଼ ପୁଅ ମହମ୍ମଦ ଅବ୍ବାସ ହାଇଦରଙ୍କ ବିବାହ ଲାହୋରର ବାସିନ୍ଦା ଆନ୍ଦ୍ରଲୀପ ଜାହରାଙ୍କ ସହ କରାଇଥିଲେ। ଦୁଇ ପଡ଼ୋଶୀ ଦେଶ ମଧ୍ୟରେ ଚାଲିଥିବା ରାଜନୈତିକ ଉତ୍ତେଜନା କାରଣରୁ ବର ଭିସା ପାଇଁ ଆବେଦନ କରିଥିଲେ ମଧ୍ୟ ତାହା ପାଇପାରିନଥିଲେ। କନ୍ୟାର ମା’ ରାଣା ୟାସ୍ମିନ ଜୈଦି ଅସୁସ୍ଥ ହୋଇ ପାକିସ୍ତାନର ଆଇସିୟୁରେ ଭର୍ତ୍ତି ହେବା ପରେ ପରିସ୍ଥିତି ଆହୁରି ବିଗିଡି ଯାଇଥିଲା। ଏହି ପରିସ୍ଥିତିକୁ ଦୃଷ୍ଟିରେ ରଖି ସାହିଦ ବିବାହ ସମାରୋହ ଅନଲାଇନରେ କରିବାକୁ ନିଷ୍ପତ୍ତି ନେଇଥିଲେ।
ଶୁକ୍ରବାର ରାତିରେ ସାହିଦ ଏକ ଇମାମବାରାରେ ‘ବାରାତି’ଙ୍କ ସହ ଏକାଠି ହୋଇ ଅନଲାଇନ୍ ‘ନିକାହ’ରେ ଭାଗ ନେଇଥିଲେ। ଏହି ସମାରୋହରେ ଲାହୋରର କନ୍ୟା ପରିବାର ଭାଗ ନେଇଥିଲେ।
ସିଆ ଧାର୍ମିକ ନେତା ମୌଲାନା ମହଫୁଜୁଲ ହାସନ ଖାନ କହିଛନ୍ତି ଯେ ଇସଲାମରେ ମହିଳାଙ୍କ ସହମତି ‘ନିକାହ’ ପାଇଁ ଜରୁରୀ ଏବଂ ସେ ଏହା ମୌଲାନାଙ୍କୁ ଜଣାଇଥାନ୍ତି। ସେ କହିଛନ୍ତି ଯେ ଅନଲାଇନ୍ ନିକାହ ସେତେବେଳେ ସମ୍ଭବ, ଯେତେବେଳେ ଉଭୟ ପକ୍ଷର ମୌଲାନାମାନେ ଏକାଠି ସମାରୋହ ପରିଚାଳନା କରିପାରିବେ। ହାଇଦର ଆଶା ବ୍ୟକ୍ତ କରିଛନ୍ତି ଯେ ତାଙ୍କ ପତ୍ନୀଙ୍କୁ ଭାରତୀୟ ଭିସା ମିଳିବ।
