ଭାରତୀୟ ସେନାକୁ ନେଇ ବିବାଦୀୟ ବୟାନ ଦେଇଥିଲେ ପଲ୍ଲବୀ ! ଭାଇରାଲ ହେଉଛି ପୁରୁଣା ଭିଡ଼ିଓ

ଭାଇରାଲ ହେଉଛି ସାଇ ପଲ୍ଲବୀଙ୍କର ପୁରୁଣା ଭିଡ଼ିଓ | ଯେଉଁଥିପାଇଁ ଲୋକଙ୍କ ସମାଲୋଚନର ସମ୍ମୁଖୀନ ହେବାକୁ ପଡିଛି | ସେ ଭିଡିଓରେ ଭାରତୀୟ ସେନା ଉପରେ ବିବାଦୀୟ ବିବୃତ୍ତି ଦେଉଛନ୍ତି। ସେ କହିଛନ୍ତି ଯେ ଭାରତୀୟ ସେନା ପାକିସ୍ତାନରେ ଆତଙ୍କବାଦୀ ଗୋଷ୍ଠୀ ଭାବରେ ଦେଖାଯାଉଛି। ସେ ଦୁଇ ଦେଶ ମଧ୍ୟରେ ହୋଇଥିବା ସବୁଠାରୁ ବଡ ବିବାଦ ପ୍ରତି ଧ୍ୟାନ ଦେଉଛନ୍ତି। ଭାଇରାଲ ଭିଡିଓରେ ଅଭିନେତ୍ରୀ କହିଥିଲେ, ଭାରତୀୟ ସେନାକୁ ପାକିସ୍ତାନରେ ଆତଙ୍କବାଦୀ ଗୋଷ୍ଠୀ ଭାବରେ ଦେଖାଯାଉଛି। କିନ୍ତୁ ଆମେ ମଧ୍ଯ ପାକିସ୍ତାନକୁ ଆତଙ୍କବାଦୀ ଭାବୁଛୁ ଏବଂ ସବୁ ଦେଖିବାର ଶୈଳୀ ଉପରେ ନିର୍ଭର କରେ। ତେବେ ସେ ହିଂସା ଭାବକୁ ପସନ୍ଦ କରନ୍ତି ନାହଁ ବୋଲି ମଧ୍ଯ କହିଛନ୍ତି।

ସୂଚନା ଅନୁଯାୟୀ, ଏହି ଭିଡ଼ିଓଟି ଏକ ଇଣ୍ଟରଭ୍ୟୁର | ଏହି ଇଣ୍ଟରଭ୍ୟୁରଟି ୨୦୨୨ ମସିହାର। ଏହା ଉପରେ ଲୋକମାନେ ମଧ୍ଯ ମତ ଦେଇଛନ୍ତି। ଏକ ୟୁଜର୍ସ ନିଜ ଅସନ୍ତୋଷ ବ୍ୟକ୍ତ କରି କହିଛନ୍ତି, ‘ଇତିହାସ ରୁ ପଲ୍ଲବୀ ଫେରି ଆସିଛନ୍ତି। ତେବେ କାଶ୍ମୀରୀ ରେ ହୋଇଥିବା ହିନ୍ଦୁମାନଙ୍କ ହତ୍ୟାକାଣ୍ଡକୁ କଣ ପଶୁ ମାନଙ୍କର ବେପାର ସହିତ ତୁଳନା କରାଯିବ କି। ବର୍ତ୍ତମାନ ସେ ମାତା ସୀତାଙ୍କ ଭୂମିକାରେ ଅଭିନୟ କରୁଛନ୍ତି ଆଉ ଯଦି ଏମିତି ହୁଏ, ତେବେ ତାଙ୍କର ପି.ଆର ଟିମ୍ ହିଁ ତାଙ୍କର ଦର୍ଶକ ହୋଇରହିବେ।

ତେବେ ସାଇ ପଲ୍ଲବୀଙ୍କୁ ରଣବୀର କପୁରଙ୍କ ସହ ‘ରାମାୟଣ’ରେ ମୁଖ୍ୟ ଭୂମିକାରେ ଦେଖିବାକୁ ମିଳିବ। ସେମାନଙ୍କୁ ପ୍ରଥମ ଥର ପାଇଁ ଏକାଠି ଦେଖାଯିବ | ‘କେଜିଏଫ୍’ ତାରକା ୟଶ ଏହି ଚଳଚ୍ଚିତ୍ରରେ ରାବଣ ଭୂମିକାରେ ଅଭିନୟ କରୁଛନ୍ତି। ଏହି ୩ ଜଣଙ୍କ କ୍ୟାରିଅରରେ ଏହା ଏକ ବଡ଼ ଚଳଚ୍ଚିତ୍ର ହେବାକୁ ଯାଉଛି | ସନି ଦେଓଲ ପ୍ରଭୁ ହନୁମାନଙ୍କ ଭୂମିକାରେ ଅଭିନୟ କରୁଥିବା ଜଣାଯାଇଛି। ସାଇ ପଲ୍ଲଭି ଫିଲ୍ମ ‘ରାମାୟଣ’ ସହିତ ବଲିଉଡରେ ଡେବ୍ୟୁ କରିବେ। ରାଜକୁମାର ପେରିୟାସାମୀଙ୍କ ନିର୍ଦ୍ଦେଶିତ ତାମିଲ ଚଳଚ୍ଚିତ୍ର ‘ଅମରାନ’ର ମୁକ୍ତିଲାଭ ପାଇଁ ଏହି ଅଭିନେତ୍ରୀ ମଧ୍ୟ ପ୍ରସ୍ତୁତ ଅଛନ୍ତି। ଏହି ଚଳଚ୍ଚିତ୍ରଟି କମଲ ହାସନଙ୍କ ଦ୍ୱାରା ନିର୍ମିତ, ଯେଉଁଥିରେ ସିଭାକର୍ତ୍ତିକେୟାନଙ୍କର ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି |