ଅଯୋଧ୍ୟାର ମାଙ୍କଡ଼’ଙ୍କ ପାଇଁ ୧କୋଟି ଦାନ କଲେ ଅକ୍ଷୟ କୁମାର…
1 min read
ଆଲୋକର ପର୍ବ ଦୀପାବଳି ଅବସରରେ ସଜେଇ ହେଲାଣି ରାମ ଜନ୍ମଭୂମି ଅଯୋଧ୍ୟା। ଏଥର ଅଯୋଧ୍ୟାର ଦୀପାବଳି ଆହୁରି ସ୍ବତନ୍ତ୍ର ହେବାକୁ ଯାଉଛି। କାରଣ ରାମଚନ୍ଦ୍ରଙ୍କ ପ୍ରାଣ ପ୍ରତିଷ୍ଠା ପରେ ଏହା ହେଉଛି ପ୍ରଥମ ଦୀପାବଳି। ଏଥିପାଇଁ ଆଲୋକ ଓ ଦୀପରେ ନବବଧୁଟିଏ ପରି ସଜେଇ ହେବାକୁ ପ୍ରସ୍ତୁତ ହେଉଛି ଶ୍ରୀରାମଙ୍କ ଜନ୍ମଭୂମି। ଦୀର୍ଘ ୫୦୦ ବର୍ଷର ପ୍ରତୀକ୍ଷା ପରେ ପ୍ରଥମ ଥର ପାଇଁ ଭଗବାନ ରାମ ଅଯୋଧ୍ୟାରେ ନବନିର୍ମିତ ଶ୍ରୀରାମ ଜନ୍ମଭୂମି ମନ୍ଦିରରେ ଦୀପାବଳି ପାଳନ କରିବେ । ଲକ୍ଷ ଲକ୍ଷ ଦୀପ ଜଳା ଯାଇ ଏକ ସ୍ୱତନ୍ତ୍ର ଆଲୋକର ପର୍ବ ପାଳନ କରାଯିବ । ତେବେ ବଲିଉଡ ଅଭିନେତା
ରାମ ମନ୍ଦିରର ମାଙ୍କଡ଼ଙ୍କ ପାଇଁ ଏକ କୋଟି ଟଙ୍କା ଦାନ କରିଛନ୍ତି । ଯାହା ଫଳରେ ସେମାନେ ପ୍ରତ୍ୟେକ ଦିନ ଖାଦ୍ୟ ପାଇପାରିବେ । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ରାମ ମନ୍ଦିରରେ ଲକ୍ଷ ଲକ୍ଷ ମାଙ୍କଡ଼ ଅଛନ୍ତି । ଏକ ଜାତୀୟ ଗଣମାଧ୍ୟ ରିପୋର୍ଟ ଅନୁସାରେ, ଅକ୍ଷୟ କୁମାର ମାଙ୍କଡମାନଙ୍କୁ ଖାଇବାକୁ ଦେଇଛନ୍ତି । ଏହି ଉତ୍ତମ ପଦକ୍ଷେପ ଅଜାନେୟା ସେବା ଟ୍ରଷ୍ଟ ଦ୍ୱାରା ଜଗତଗୁରୁ ସ୍ୱାମୀ ରାଘବଚାର୍ଯ୍ୟ ଜୀ ମହାରାଜଙ୍କ ନେତୃତ୍ୱରେ ପରିଚାଳିତ ହେଉଛି। ଯେତେବେଳେ ସେ ଅଭିନେତାଙ୍କ ନିକଟରେ ପହଞ୍ଚି ତାଙ୍କୁ ଏ ବିଷୟରେ ଜଣାଇଥିଲେ ସେତେବେଳେ ଅକ୍ଷୟ କୁମାର 1 କୋଟି ଟଙ୍କା ଦେବାକୁ ରାଜି ହୋଇଯାଇଥିଲେ । ଅକ୍ଷୟ କୁମାର କହିଥିଲେ ସେ ଅଯୋଧ୍ୟା ମନ୍ଦିରର ମାଙ୍କଡ଼ାଙ୍କୁ ଖାଦ୍ୟ ଯୋଗାଇବା ପାଇଁ ସମସ୍ତ ପ୍ରକାରର ସାହାଯ୍ୟ କରିବେ ।
