ଫିଲ୍ମ ନୁହେଁ ସତ; ପଡ଼ିଆରେ ହାତୀ ଖେଳୁଛି ଫୁଟ୍ବଲ୍…
1 min read
ଫୁଟବଲ ଖେଳୁଛି ଜଙ୍ଗଲି ହାତୀ ।ଏକଥା ଅପଣଙ୍କୁ ଫିଲ୍ମର କାହାଣୀ ପରି ଲାଗୁଥିବ ।କାରଣ ଫିଲ୍ମ ରେ ହାତୀ ମଜା ମଜଲିସ୍ କରିବା ସହିତ ପିଲାଙ୍କ ସାଙ୍ଗରେ ଫୁଟ୍ବଲ୍ ଖେଳୁଥିବା ଦେଖିବାକୁ ପାଇଥିବେ। ଠିକ୍ ସେମିତି କିଛି ଦୃଶ୍ୟ ଦେଖିବାକୁ ମିଳିଛି କେନ୍ଦୁଝରର ବର୍ଦ୍ଧନା ଜଙ୍ଗଲରେ।
ବର୍ଦ୍ଧନା ଗ୍ରାମ ର କିଛି ପିଲା ପଡ଼ିଆରେ ଫୁଟବଲ ଖେଳୁଥିଲେ। ଠିକ୍ ସେତିକିବେଳେ ଏକ ଜଙ୍ଗଲି ଦନ୍ତା ହାତୀ ପଡିଆ ମଧ୍ୟକୁ ପ୍ରବେଶ କରିଥିଲା। ପିଲାମାନେ କିଭଳି ଫୁଟବଲ କୁ କିକ୍ ମାରୁଛନ୍ତି ତାଙ୍କୁ ଲକ୍ଷ କରି ଫୁଟବଲ ନିକଟରେ ପହଞ୍ଚିଥିଲା। ହାତୀକୁ ଦେଖି ପିଲାମାନେ ଭୟଭୀତ ହୋଇଯାଇଥିଲେ। ଫୁଟ୍ବଲ୍କୁ ଛାଡ଼ି ପଡ଼ିଆର ଗୋଟିଏ ପାର୍ଶ୍ୱକୁ ପଳାଇ ଆସିଥିଲା।ହାତୀଟି ଶାନ୍ତସିଷ୍ଟ ଖେଳାଳିଟିଏ ପରି ଫୁଟ୍ବଲ ପାଖକୁ ଆସିଥିଲା। ପ୍ରଥମେ ବଲ୍କୁ ଶୁଣ୍ଢରେ ଗଡ଼ାଇ ଥିଲା। କିଛି ବାଟ ସେମିତି ନେବା ପରେ ଗୋଡ଼ରେ ମାରିଥିଲା କିକ୍। ତା’ପରେ ଛୋଟ ପିଲାଟିଏ ପରି ଶୁଣ୍ଢ ହଲାଇ ହଲାଇ ପଡ଼ିଆର ଏ ମୁଣ୍ଡରୁ ସେ ମୁଣ୍ଡକୁ ଦୌଡ଼ିଥିଲା। ସେଠାରେ ପୁଣି ଥରେ ବଲ୍କୁ କିକ୍ ମାରିଥିଲା। ଆଉ ମଝିରେ ମଝିରେ ପିଲାମାନଙ୍କୁ ଅନାଉଥିଲା। ତା’ ଇସାରା ବୋଧହୁଏ ଖେଳିବା ପାଇଁ ନିମନ୍ତ୍ରଣ ହୋଇପାରେ। ହେଲେ ସୁରକ୍ଷା ଦୃଷ୍ଟିରୁ ପିଲାମାନେ ତା’ ସହିତ ଖେଳିବାକୁ ପଡ଼ିଆ ମଝିକୁ ଆସିନଥିଲା। ପ୍ରାୟ ୪୦ ମିନିଟ୍ ଧରି ପଡ଼ିରେ ଖେଳିଥିଲା ହାତୀ। ସଞ୍ଜ ନଇଁବା ପୂର୍ବରୁ ବଲ୍କୁ ପିଲାମାନଙ୍କ ଆଡ଼କୁ କିକ୍ ମାରି ଜଙ୍ଗଲ ଭିତରକୁ ପଳାଇ ଯାଇଥିଲା ଦନ୍ତା ହାତୀ।
ହାତୀ ର ଫୁଟବଲ ଖେଳ କୁ ପିଲାମାନେ ମନଭୋରି ଉପଭୋଗ କରି ହାତୀ ମେରାସାଥି ଗୀତ ଗାଇଥିଲେ। ତେବେ ଦନ୍ତା ହାତୀର ସେ ଦୃଶ୍ୟ ସତେ ଯେମିତି ତାଜା କରିଛି ହାତୀ କୁ ନେଇ ନିର୍ମାଣ ହୋଇଥିବା ଫିଲ୍ମ ଗୁଡିକୁ ।ଫିଲ୍ମରେ ହାତୀ କିପରି ସାଥୀ ବନିଥାଏ ତାହା ଦେଖିବାକୁ ମିଳିଥାଏ । ଆଉ ଆଜିର ଏ ଦୃଶ୍ୟ ତାଜା କରିଛି ସେହି ଫିଲ୍ମ ଗୁଡ଼ିକୁ।
