ମୋଦି ସରକାରଙ୍କ ଐତିହାସିକ ନିଷ୍ପତ୍ତି,ଲଣ୍ତନରୁ ଭାରତ ଫେରିଲା ୧୦୨ ଟନ୍ ସୁନା..
1 min read
ମୋଦି ସରକାର ନେଇଛନ୍ତି ଏକ ଐତିହାସିକ ନିଷ୍ପତ୍ତି । ଭାରତୀୟ ରିଜର୍ଭ ବ୍ୟାଙ୍କ୍ ଲଣ୍ତନ ସ୍ଥିତ ବ୍ୟାଙ୍କ୍ ଅଫ୍ ଇଂଲଣ୍ଡରୁ 102 ଟନ୍ ସୁନା ଦେଶକୁ ସୁରକ୍ଷିତ ସ୍ଥାନକୁ ଆଣିବା ନେଇ ଘୋଷଣା କରିଛି। ଗତ ଦୁଇ ବର୍ଷ ମଧ୍ୟରେ ଆରବିଆଇ ବ୍ରିଟେନରୁ ଭାରତକୁ ମୋଟ 214 ଟନ୍ ସୁନା ସ୍ଥାନାନ୍ତର କରିସାରିଛି । ଏହି ପଦକ୍ଷେପର ମୂଳ ଉଦ୍ଦେଶ୍ୟ ହେଉଛି ସୁନାର ସୁରକ୍ଷା ବୃଦ୍ଧି ଏବଂ ବିଦେଶୀ ସଂରକ୍ଷଣ ଖର୍ଚ୍ଚ ହ୍ରାସ କରିବା । ଆରବିଆଇର ଏହି ପଦକ୍ଷେପ ଭାରତର ଆର୍ଥିକ ସୁରକ୍ଷା ଏବଂ ସ୍ଥିରତା ପ୍ରତି ନିଜର ପ୍ରତିବଦ୍ଧତାକୁ ଦର୍ଶାଉଛି। ସୁନାର ଏକ ବଡ ଅଂଶ ବର୍ତ୍ତମାନ ଦେଶରେ ରହିବ, ଯାହା ସୁରକ୍ଷା ବୃଦ୍ଧି କରିବ ଏବଂ ବିଦେଶୀ ସଂରକ୍ଷଣ ଖର୍ଚ୍ଚ ହ୍ରାସ କରିବ । ସୁନା ଏକ ସୁରକ୍ଷିତ ସମ୍ପତ୍ତି, ଯାହା ଆଗାମୀ ସମୟରେ ଦେଶର ଆର୍ଥିକ ସ୍ଥିରତା ପାଇଁ ଲାଭଦାୟକ ପ୍ରମାଣିତ ହେବ ।
ଏକ ରିପୋର୍ଟ ଅନୁଯାୟୀ, ବିଶ୍ୱରେ ବୃଦ୍ଧି ପାଉଥିବା ଭୌଗୋଳିକ ତିକ୍ତତାକୁ ଦୃଷ୍ଟିରେ ରଖି ଆରବିଆଇ ଏବଂ ଭାରତ ସରକାର ଦେଶରେ ସୁନାକୁ ସୁରକ୍ଷିତ ରଖିବାକୁ ନିଷ୍ପତ୍ତି ନେଇଛନ୍ତି। ରୁଷ-ୟୁକ୍ରେନ ଯୁଦ୍ଧ, ଇସ୍ରାଏଲ-ହାମାସ ବିବାଦ ଏବଂ ମଧ୍ୟ ପୂର୍ବରେ ଚାଲିଥିବା ପରିସ୍ଥିତି ଯୋଗୁଁ ଭାରତ ସରକାର ଏବଂ ଆରବିଆଇ ସେମାନଙ୍କର ଗୁରୁତ୍ୱପୂର୍ଣ୍ଣ ସମ୍ପତ୍ତିକୁ ଘରୋଇ ସୁରକ୍ଷା କ୍ଷେତ୍ରରେ ରଖିବାକୁ ଚାହୁଁଛନ୍ତି। ସୁନା ଏକ ସୁରକ୍ଷିତ ସମ୍ପତ୍ତି ଭାବରେ ବିବେଚନା କରାଯାଏ, ଯାହା ଅର୍ଥନୈତିକ ଅସ୍ଥିରତା ସମୟରେ ମଧ୍ୟ ସ୍ଥିର ରହିଥାଏ । 324 ଟନ୍ ସୁନା ଏବେ ବି ବିଦେଶୀ ଦେଶମାନଙ୍କ ଅଧୀନରେ ଅଛି, ସେପ୍ଟେମ୍ବର ଶେଷ ପର୍ଯ୍ୟନ୍ତ ଆରବିଆଇରେ ମୋଟ 855 ଟନ୍ ସୁନା ଅଛି, ସେଥିମଧ୍ୟରୁ 510.5 ଟନ୍ ସୁନା ଭାରତରେ ସୁରକ୍ଷିତ ସ୍ଥାନରେ ରଖାଯାଇଛି । ଅବଶିଷ୍ଟ 324 ଟନ୍ ସୁନା ବ୍ୟାଙ୍କ ଅଫ୍ ଇଂଲଣ୍ଡ ଏବଂ ବ୍ୟାଙ୍କ ଅଫ୍ ଇଣ୍ଟରନ୍ୟାସନାଲ ସେଟଲମେଣ୍ଟ (ବିଏସ୍) ର ଅଧୀନରେ ଅଛି।ସେପ୍ଟେମ୍ବର 2022 ଠାରୁ, 214 ଟନ୍ ସୁନା ଦେଶକୁ ଅଣାଯାଇଛି, କାରଣ ଆରବିଆଇ ଏବଂ ସରକାର ସମଗ୍ର ବିଶ୍ୱରେ ବଢୁଥିବା ରାଜନୈତିକ ତିକ୍ତତା ମଧ୍ୟରେ ସେମାନଙ୍କ ହୋଲ୍ଡିଂକୁ ସୁରକ୍ଷିତ ରଖିବାକୁ ଚେଷ୍ଟା କରୁଛନ୍ତି।
