ବିବାଦ ରେ KGF ଷ୍ଟାରଙ୍କ ୩୦୦ କୋଟିର ଫିଲ୍ମ
1 min read
ଅଡୁଆରେ କେଜିଏଫ ଷ୍ଟାର | ବିବାଦରେ ଫସିଲା ରକିଙ୍କର ୩00 କୋଟିର ଫିଲ୍ମ | ସୁଟିଂ ସେଟ ପାଇଁ ସବୁ ନାଟ | ଚାଲିଛି ଫିଲ୍ମ ‘ଟକ୍ସିକ’ ର ସୁଟିଂ | ପୁଣିଥରେ ପରଦାରେ ନିଆଁ ଲଗାଇବାକୁ ପ୍ରସ୍ତୁତ ହେଲେଣି ସାଉଥ ଇଣ୍ଡଷ୍ଟ୍ରିର ଷ୍ଟାର ୟଶ | କେଜିଏଫ ଫିଲ୍ମର ୨ଟି ଭାଗ ସଫଳତା ପରେ ଏବେ ୟଶଙ୍କ ଭାଗରେ ରହିଛି ୩ଟି ବଡ ବଡ ପ୍ରୋଜେକ୍ଟ ଏବଂ ଏହି ଫିଲ୍ମ ଜରିଆରେ ସେ ଖୁବଶୀଘ୍ର କମବ୍ୟାକ କରିବାକୁ ଯାଉଛନ୍ତି |
ତେବେ ବର୍ତ୍ତମାନ ତାଙ୍କ ଫିଲ୍ମ ଟକ୍ସିକ ବଡ ପରଦାରେ ଆସିବାକୁ ପ୍ରସ୍ତୁତ ହେଉଛି | ଗିତୁ ମୋହନ ଦାସଙ୍କ ଦ୍ୱାରା ନିର୍ମିତ ଏହି ଫିଲ୍ମର ସୁଟିଂ ଆରମ୍ଭ ମଧ୍ୟ ହୋଇଯାଇଛି | ତେବେ ସବୁ ଠିକ ଭାବରେ ଚାଲିଥିବା ବେଳେ ହଠାତ ଏବେ ବିବାଦ ଘେରକୁ ଆସିଯାଇଛନ୍ତି ୟଶ | ତେବେ କିଛି ଦିନ ଆଗରୁ ‘ଟକ୍ସିକ’ ଫିଲ୍ମର ଏକ ସିନ ସୁଟିଂ ପାଇଁ ୨0 ଏକର ଜମିରେ ଏକ ଗ୍ରାଣ୍ଡ ସେଟ ତିଆରି ହୋଇଥିଲା | ଏଥିଯୋଗୁଁ ସେଠାରେ ଥିବା ଅନେକ ଗଛକୁ କଟାଯାଇଥିଲା | ଯାହାକି ବେଆଇନ ଅଟେ | ତେବେ ମିଳିଥିବା ରିପୋର୍ଟ ଅନୁସାରେ ଏହି ଘଟଣା ଜଣାପଡିବା ପରେ ଯେଉଁଠାରେ ସୁଟିଂ ହେଉଥିଲା ସେଠାରେ ଅଧିକାରୀମାନେ ପହଞ୍ଚି ଯାଞ୍ଚ କରିବା ସହ ବେଆଇନ ଗଛ କାଟିବା ଅଭିଯୋଗରେ ‘ଟକ୍ସିକ’ ଫିଲ୍ମ ସୁଟିଂ ଏବେ ବନ୍ଦ ହୋଇଯାଇଛି |
ରିପୋର୍ଟରୁ ଜଣାପଡିଛି ଯେ ଚଳଚିତ୍ରର ସେଟ ନିର୍ମାଣରେ ବିନା ଅନୁମତିରେ କିଛି ଗଛ କଟାଯାଇଛି | କର୍ଣ୍ଣାଟକର ଜଙ୍ଗଲ ମନ୍ତ୍ରୀ ତଦନ୍ତ ପାଇଁ ନିର୍ଦ୍ଦେଶ ଦେବା ସହ ଏଥିରେ ସମ୍ପୃକ୍ତ ଥିବା ବ୍ୟକ୍ତିଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି | ତେବେ ସୂତ୍ରରୁ ଜଣାପଡିଛି ଯେ, ସେଟ ନିର୍ମାଣ ପାଇଁ ବିଭିନ୍ନ ସ୍ଥାନରେ ବିଭିନ୍ନ ସରକାରୀ ଓ ବେସରକାରୀ ସଂସ୍ଥାକୁ ଏଚଏମଡି ଦ୍ୱାରା ବିକ୍ରି ହୋଇଥିବା ଏକ ଜଙ୍ଗଲ ଅଞ୍ଚଳରେ ଅଛି | କୁହାଯାଏ ଏହା ନିୟମ ଉଲଂଘନ କରି ବିକ୍ରି କରଯାଇଥାଏ ପାରେ | ତେବେ ବିନା ଅନୁମତିରେ ଗଛ କାଟିବା ନେଇ ଅଭିଯୋଗ ହୋଇଛି |
