ମଝି ସମୁଦ୍ରରେ ନାବିକଙ୍କୁ ହେଲା ହାର୍ଟ ଆଟାକ୍,ଦେବଦୁତ ସାଜି ନୌସେନା ଓ ତଟରକ୍ଷା ବାହିନୀ ବଞ୍ଚାଇଲେ ଜୀବନ..
1 min read
ସମୁଦ୍ର ମଝିରେ ନାବିକଙ୍କୁ ହେଲା ହାର୍ଟ ଆଟାକ୍। ହଠାତ ଅଟକି ଗଲା ନିଶ୍ୱାସ । ଅକାତ କାତ ପାଣି ଭିତରେ ନାବିକଙ୍କ ଜୀବନ ବଞ୍ଚେଇବା ଅସମ୍ଭଵ ହୋଇପଡୁଥିଲା ଠିକ ସେହି ସମୟରେ ଦେବଦୂତ ସାଜିଲା ଭାରତୀୟ ନୌସେନା ଓ ତଟରକ୍ଷା ବାହିନୀ ଟିମ୍। ଉଭୟ ଟିମ୍ର ରେସକ୍ୟୁ ଅପରେସନ ଯୋଗୁ ୫୨ ବର୍ଷୀୟ ନାବିକଙ୍କ ଜୀବନ ରକ୍ଷା ହୋଇପାରିଛି।
ଲାଇବେରିଆ ପତାକା ଉଡ଼ୁଥିବା ଏକ ଜାହାଜ ଭାରତୀୟ ତଟରୁ ପ୍ରାୟ ୩୫୦ ମାଇଲ ଦୂରରେ ସମୁଦ୍ର ମଝିରେ ଥିଲା। ଉକ୍ତ ସମୟରେ ହଠାତ୍ ନାବିକଙ୍କୁ ହାର୍ଟଆଟାକ୍ ହେଲା। ସେ ଜାହାଜରେ ଯନ୍ତ୍ରଣାରେ ଛଟପଟ ହେଉଥିବା ବେଳେ କର୍ମଚାରୀମାନେ ନିରୂପାୟ ହୋଇ ଯାଇଥିଲେ। ଏହି ସୂଚନା ପାଇବା ମାତ୍ରେ ଭାରତୀୟ ନୌସେନା ଓ ତଟରକ୍ଷା ବାହିନୀ ପକ୍ଷରୁ ମିଳିତ ରେସକ୍ୟୁ ଅପରେସନ ଆରମ୍ଭ ହୋଇଥିଲା।
ଏହାପରେ ତୁରନ୍ତ ଉଭୟ ଟିମ୍ ସଦସ୍ୟ ଏକ ହେଲିକପ୍ଟର ସହାୟତାରେ ସମୁଦ୍ର ମଝିରୁ ଉକ୍ତ ନାବିବକଙ୍କୁ ଉଦ୍ଧାର କରିଥିଲେ। ଏହାପରେ ତୁରନ୍ତ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ସେଠାରେ ତାଙ୍କ ଅବସ୍ଥା ସ୍ଥିର ଥିବା ଜଣାଯାଇଛି। ଉକ୍ତ ନାବିକଙ୍କୁ ସିଭିଅର ହାର୍ଟ ଆଟାକ୍ ଆସିଥିବା ବେଳେ ଆଉ କିଛି ସମୟ ବିଳମ୍ବ ହୋଇଥିଲେ କିଛି ଅଘଟଣ ଘଟିଥାନ୍ତା ବୋଲି କହିଛନ୍ତି ଡାକ୍ତର।ଘଟଣା ପରେ ସମୁଦ୍ର ମଝିରୁ ଦେବଦୂତ ସାଜି ଜୀବନ ବଞ୍ଚାଇଥିବା ଉଭୟ ଭାରତୀୟ ନୌସେନା ଓ ତଟରକ୍ଷା ବାହିନୀ ନିକଟକୁ ଶୁଭେଚ୍ଛାର ସୁଅ ଛୁଟୁଛି।
