ସଫେଇ କର୍ମଚାରୀ ଦର୍ପଣୀ ଙ୍କୁ ପ୍ରଶଂସା କରୁଛି ପୁରା ରାଜଧାନୀ ।
1 min read
ହାର ମାନିଲା ଲୋଭ, ଜିତିଗଲା ମାନବିକତା। ଦାମୀ ମୋବାଇଲ ପାଇବି ଫେରେଇଲେ BMC କର୍ମଚାରୀ । ରାଜଧାନୀ ଭୁବନେଶ୍ବରରୁ ଆସିଛି ସଫେଇ କର୍ମଚାରୀଙ୍କ ମହାନତା। ଭୁବନେଶ୍ୱର ନୀଳାଦ୍ରି ବିହାରର ଦର୍ପଣି ନାୟକ । BMC ସଫେଇ କର୍ମଚାରୀ ଭାବରେ କାମ କରନ୍ତି। ସବୁଦିନ ଭଳି ସକାଳୁ ହାତରେ ଝାଡୁ ଧରି ବାହାରିଲେ ୱାର୍ଡ ସଫେଇ ପାଇଁ । ଭୋର ସମୟରେ ଡ୍ୟୁଟି ନୀଳାଦ୍ରି ବିହାର କେନ୍ଦ୍ରୀୟ ବିଦ୍ୟାଳୟ ନିକଟରେ ପଡ଼ିଥିଲା। ଝାଡୁ କରୁଥିବା ସମୟରେ ହଠାତ ଗୋଟେ ଦାମୀ ଭ୍ୟାନିଟି ପଡିଥିବାର ଦେଖିଥିଲେ। ପରେ ଦର୍ପଣୀ ସଧାରଣ ଭେନିଟ ଭାବି ଘରକୁ ନେଇଆସିଥିଲେ ।
ଘରେ ଭେନିଟି ଖୋଲି ଦେଖିଲାବେଳକୁ ଦାମୀ ମୋବାଇଲ ସହ ଟଙ୍କା ମଧ୍ୟ ଅଛି । ତେଣୁ ସେ ଟିକିଏ ବିଳମ୍ବ ନକରି ତୁରନ୍ତ ସୁପରଭାଇଜରଙ୍କୁ ଜଣେଇ ଥିଲେ । ସୁପର ଭାଇଜର କିଶୋର ଚନ୍ଦ୍ର ନାୟକ ମୋବାଇଲ ରୁ ସୀମ ବାହାର କରି ନିଜ ମୋବାଇଲ ପକେଇ ଥିଲେ । ରିଚାର୍ଜ ନଥିବାରୁ ରିଚାର୍ଜ କରିଥିଲେ । ପରେ କଲ୍ ଆସିବା ପରେ ହଜିଥିବ ମୋବାଇଲ ବିଷୟରେ ଜାଣିବାକୁ ପାଇଥିଲେ। ଏକ ଘରୋଇ ହସ୍ପିଟାଲରେ କାମ କରୁଥିବା ଜଣେ ଯୁବତୀଙ୍କ ସେ ମୋବାଇଲ ଥିଲା।
ପରେ ଯୁବତୀ ନୀଳାଦ୍ରି ବିହାର ହନୁମାନ ମନ୍ଦିର ପାଖରେ ପହଞ୍ଚିଥିଲେ । ପ୍ରମାଣ ଦେଖାଇବା ପରେ ପାଇଥିବା ଜିନିଷକୁ ଯୁବତୀଙ୍କୁ ଫେରାଇଥିଲେ ଦର୍ପଣୀ। ଦର୍ପଣୀଙ୍କ ଏହି ମହନୀୟତା ପାଇଁ ତାଙ୍କୁ ସବୁ ମହଲରେ ପ୍ରଶଂସା କରାଯାଇଛି । ଅଳିଆ ସଫା କରୁଥିବା ଦର୍ପଣୀଙ୍କ ଏଭଳି କାର୍ଯ୍ୟକୁ ଭୁରି ଭୁରି ପ୍ରଶଂସା କରୁଛନ୍ତି ରାଜଧାନୀବାସୀ ।
