ଅଧାରେ ରହିଗଲା ସ୍ବପ୍ନ; ଆରପାରିରେ ଲୋକ ଗାୟିକା ଶାରଦା ସିହ୍ନା
1 min read
ଜୀବନ ଯୁଦ୍ଧରେ ହାରିଗଲେ ପ୍ରସିଦ୍ଧ ଲୋକଗୀତ ଗାୟିକା ଶାରଦା ସିହ୍ନା । ଦିଲ୍ଲୀ ଏମ୍ସରେ ଚିକିତ୍ସାଧିନ ଅବସ୍ଥାରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି ଶାରଦା । ଅଚାନକ ତାଙ୍କର ସ୍ୱାସ୍ଥ୍ୟାବସ୍ଥା ବିଗିଡ଼ିବାରୁ ତାଙ୍କୁ ଭେଣ୍ଟିଭେଟରରେ ରଖାଯାଇଥିଲା । ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ହୋଇଥିଲା। ଅଧାରେ ରହିଗଲା ଗାୟିକାଙ୍କ ସ୍ବପ୍ନ | ପରଲୋକ ହେବାର କିଛି ଦିନ ପୂର୍ବରୁ, ଏକ ବାର୍ତ୍ତାଳାପ ବେଳେ ସେ ଶୀଘ୍ର କାଶୀ ଆସିବାକୁ ଇଚ୍ଛା ପ୍ରକାଶ କରିଥିଲେ। କହିଥିଲେ ଯେ ବାବା କାଶୀ ବିଶ୍ୱନାଥ ଧାମରେ ଯୋଗଦେବାକୁ ଇଚ୍ଛା କରୁଛନ୍ତି । ଶାରଦାଙ୍କ ବିୟୋଗରେ ତାଙ୍କର ଅଗଣିତ ପ୍ରଶଂସକଙ୍କ ମଧ୍ୟରେ ଗଭୀର ନିରାଶା ଖେଳିଯାଇଛି । ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି।
ସେ କହିଥିଲେ, ରାମଲଲାଙ୍କୁ ଦେଖିବା ପାଇଁ ମୋତେ ଦରବାରକୁ ଯିବାକୁ ପଡିବ । ମୋତେ ତାଙ୍କ ପାଦତଳେ ପ୍ରଣାମ କରିବାକୁ ପଡିବ, ଦେଖିବା ଏହି ଇଚ୍ଛା କେବେ ପୂରଣ ହେବ |
ସୂଚନା ଅନୁଯାୟୀ, ଗତ ୪ ତାରିଖରେ ଗାୟିକାଙ୍କର ସ୍ୱାସ୍ଥ୍ୟାବସ୍ଥା ବିଗିଡ଼ିବା ନେଇ ଖବର ଆସିଥିଲା । ଗତ କିଛିଦିନ ଧରି ସେ ଦିଲ୍ଲୀ ଏମ୍ସରେ ଚିକିତ୍ସିତ ହେଉଥିଲେ । ସୋସିଆଲ ମିଡିଆରେ ଲାଇଭ୍ ଆସି ଗାୟିକାଙ୍କର ପୁଅ ଅଂଶୁମାନ ମା’ଙ୍କ ସ୍ୱାସ୍ଥ୍ୟାବସ୍ଥା ନେଇ ଅପଡେଟ୍ ଦେଇଥିଲେ । ଖବର ପାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶାରଦା ସିହ୍ନାଙ୍କ ପୁଅ ଅଂଶୁମାନଙ୍କ ସହ କଥା ହୋଇ ସ୍ବାସ୍ଥ୍ୟାବସ୍ଥା ପଚାରି ବୁଝିଥିଲେ। ନିକଟରେ ସ୍ଵାମୀ ବ୍ରଜକିଶୋର ସିହ୍ନାଙ୍କର ବ୍ରେନ ହାମରେଜରେ ପରଲୋକ ଘଟିବା ପରଠାରୁ ଶାରଦା ବହୁତ ଚିନ୍ତିତ ରହୁଥିଲେ ।
ଲୋକ ଗାୟିକା ଶାରଦା ସିହ୍ନାଙ୍କ ଶେଷ ରୀତିନୀତି ପାଟନାରେ କରାଯିବ। ଗାୟିକା ଗତକାଲି ଅର୍ଥାତ୍ ମଙ୍ଗଳବାର ରାତିରେ ଦିଲ୍ଲୀ ଏମ୍ସରେ ନିଶ୍ୱାସ ତ୍ୟାଗ କରିଥିଲେ। ବୁଧବାର ତାଙ୍କ ମୃତଦେହକୁ ଇନ୍ଦିରା ଗାନ୍ଧୀ ବିମାନବନ୍ଦରରୁ ପାଟନାକୁ ନିଆଯାଉଛି।
ବିହାରରେ ଲୋକ ସଙ୍ଗୀତ ଓ ସଂସ୍କୃତିରେ ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ପଦ୍ମଭୂଷଣ ସମ୍ମାନରେ ସମ୍ମାନୀତ କରାଯାଇଥିଲା। ଭୋଜପୁରରେ ପାରମ୍ପରିକ ବିବାହ ଓ ଛଟ୍ ଗୀତ ପାଇଁ ସେ ପ୍ରସିଦ୍ଧିଲାଭ କରିଥିଲେ । ନିକଟରେ ଓଟିଟି ସିରିଜ୍ ରେ ମଧ୍ୟ ମହାରାଣୀ ସିଜିନ୍ ୨ରେ କଣ୍ଠଦାନ କରିଥିଲେ। ଭୋଜପୁରୀ ଏବଂ ମୈଥିଲୀ ଫୋକ୍ ମ୍ୟୁଜିକ୍ ରେ ସେ ଖୁବ୍ ପ୍ରସିଦ୍ଧ ଥିଲେ। ତାଙ୍କ ବିୟୋଗରେ ସବୁଠି ଶୋକର ଛାୟା ଖେଳିଯାଇଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ବିୟୋଗରେ ଦୁଃଖ ପ୍ରକାଶ କରିଛନ୍ତି।
୧୯୫୨ ଅକ୍ଟୋବର ୧ ତାରିଖରେ ବିହାରର ସୁପୋଲ ଜିଲ୍ଲାରେ ଜନ୍ମଗ୍ରହଣ କରିଥିଲେ ଶାରଦା । ବିହାରରେ ଲୋକ ସଙ୍ଗୀତ ଓ ସଂସ୍କୃତିରେ ଉଲ୍ଲେଖନୀୟ ଅବଦାନ | ୨୦୧୮ରେ ଗାୟିକା ଶାରଦା ସିହ୍ନାଙ୍କୁ ପଦ୍ମଭୂଷଣ ସମ୍ମାନରେ ସମ୍ମାନିତ କରାଯାଇଥିଲା। ଭୋଜପୁରରେ ପାରମ୍ପରିକ ବିବାହ ଓ ଛଟ୍ ଗୀତ ପାଇଁ ସେ ପ୍ରସିଦ୍ଧିଲାଭ କରିଥିଲେ । ନିକଟରେ ଓଟିଟି ସିରିଜ୍ ରେ ମଧ୍ୟ ମହାରାଣୀ ସିଜିନ୍ ୨ରେ କଣ୍ଠଦାନ କରିଥିଲେ। ଭୋଜପୁରୀ ଏବଂ ମୈଥିଲୀ ଫୋକ୍ ମ୍ୟୁଜିକ୍ ରେ ସେ ଖୁବ୍ ପ୍ରସିଦ୍ଧ ଥିଲେ। ତାଙ୍କ ବିୟୋଗରେ ସବୁଠି ଶୋକର ଛାୟା ଖେଳିଯାଇଛି।
