ସଲମାନଙ୍କ ଏହି ହିଟ୍ ଗୀତ ଗାଇବା ପାଇଁ ଶାରଦା ସିହ୍ନାଙ୍କୁ ମିଳିଥିଲା ମାତ୍ର ୭୬ ଟଙ୍କା ।
1 min read
ଲୋକପ୍ରିୟ କଣ୍ଠଶିଳ୍ପୀ ତଥା ପଦ୍ମ ଭୂଷଣ ବିଜେତା ଶାରଦା ସିହ୍ନା ଆଉ ନାହାନ୍ତି। ୭୨ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି। ଲୋକଗୀତ ଗାୟିବା ଭାବେ ଖ୍ୟାତି ଅର୍ଜନ କରିଥିବା ଶାରଦା କର୍କଟ ରୋଗରେ ପୀଡ଼ିତ ଥିଲେ।
ତେବେ ଶାରଦାଙ୍କ କ୍ୟାରିୟର ବିଷୟରେ କହିବାକୁ ଗଲେ । ସେ ଏଭଳି କିଛି ହିଟ୍ ଗୀତ ବଲିଉଡ୍ କୁ ଦେଇ ଯାଇଛନ୍ତି । ଯାହାର ଛାପ ସବୁଦିନ ପାଇଁ ରହିବ । ସଲମାନଙ୍କ ମେନେ ପ୍ୟାର କିୟାର ‘କହେ ତୋସେ ସଜନା’ ଭଳି ସୁପରହିଟ୍ ଗୀତ ଗାଇଛନ୍ତି ଶାରଦା । କିନ୍ତୁ ସବୁଠୁ ବଡ ଆଶ୍ଚର୍ଯ୍ୟର କଥା ଏଥିପାଇଁ ସେ ମାତ୍ର ୭୬ ଟଙ୍କା ପାରିଶ୍ରମିକ ନେଇଥିଲେ । ସେହିଭଳି ହମ ଆପକେ ହେ କନ୍ର ବିଦାଇ ଗୀତ ‘ବାବୁଲ’ ଗାଇ ମଧ୍ୟ ସେ ଖୂବ୍ ଖ୍ୟାତି ଅର୍ଜନ କରିଥିଲେ । ବିହାରର କୋକିଳା କୁହାଯାଉଥିବା ଶାରଦା ଛଟ୍ ପୂଜାର ଗୀତ ଗାଇବା ପାଇଁ ଫେମସ୍ । କିନ୍ତୁ ବର୍ତ୍ତମାନ ଛଟ୍ ପୁଜା ସମୟରେ ହିଁ ତାଙ୍କ ନିଧନ ପ୍ରଶଂସକମାନଙ୍କୁ ଖୁବ୍ ଦୁଖିତ କରିଛି ।
ତେବେ ସଲମାନଙ୍କ ଏହି ମେନେ ପ୍ୟାର କିୟା ଫିଲ୍ମ ବକ୍ସ ଅଫିସରେ ୧ କୋଟି କମାଇଥିଲା । ଆଉ ସେହି ସମୟରେ ସଲମାନଙ୍କୁ ୩୦ ହଜାର ପାରିଶ୍ରମିକ ମିଳିଥିବା ବେଳେ ହିରୋଇନ୍ ଭାଗ୍ୟଶ୍ରୀଙ୍କୁ ୧ ଲକ୍ଷ ଟଙ୍କା ମିଳିଥିଲା । ମାତ୍ର ଏହି ଫିଲ୍ମର ହିଟ୍ ଗୀତ ‘କହେ ତୋସେ ସଜନା ତୋହରି ସଜନିଆ’ ଗାଇଥିବା ଶାରଦାଙ୍କୁ ୭୬ ଟଙ୍କା ମିଳିଥିଲା । ତେବେ ଏହାପରେ ଶାରଦା କିଛି ବିରତି ପରେ ୱେବସିରିଜ୍ ମହାରାଣୀର ଗୀତ ନିମୋହିୟା ଗାଇ ଥିଲେ । ତାଙ୍କ ଶେଷ ଗୀତ ଛଟ ଗୀତ ‘ଦୁଖବା ମିଟାଇ ଛଠୀ ମଇୟା ’ ଥିଲା ।
