ଡିବିରି ଧୂଆଁରେ ଟ୍ରମ୍ପ ଙ୍କୁ ନିଆରା ଶୁଭେଚ୍ଛା ଜଣାଇଲେ ଓଡିଆ ପୁଅ ।

କଟକ : ଡିବିରି ଧୂଆଁରେ ଟ୍ରମ୍ପ ଙ୍କୁ ନିଆରା ଶୁଭେଚ୍ଛା । ଆମେରିକାର ୪୭ ତମ ରାଷ୍ଟ୍ରପତି ଭାବେ ଦାୟିତ୍ଵ ଗ୍ରହଣ କରିବାକୁ ଯାଉଛନ୍ତି ଡୋନାଲ୍ଡ ଟ୍ରମ୍ପ । ଏହି ଐତିହାସିକ ବିଜୟ ପରେ ସାରା ବିଶ୍ବରୁ ଛୁଟୁଛି ଶୁଭେଚ୍ଛାର ସୁଅ । ଏହି କ୍ରମରେ ଡିବିରି ଧୂଆଁ ରେ ଟ୍ରମ୍ପ ଙ୍କୁ ଶୁଭେଚ୍ଛା ଜଣାଇଛନ୍ତି କଟକ ଝାଞ୍ଜିରୀ ମଙ୍ଗଳା ଅଞ୍ଚଳର ସ୍ମୋକ୍ ଆର୍ଟିଷ୍ଟ୍ ଦୀପକ କୁମାର ବିଶ୍ଵାଳ ।

ଦୀପକ୍ ଙ୍କୁ ଏହି ଆର୍ଟ କରିବା ପାଇଁ ମାତ୍ର ୩୦ ମିନିଟ୍ ସମୟ ଲାଗିଥିଲା । ତେବେ ପୂର୍ବରୁ ଟ୍ରମ୍ପ ଯେତେବେଳେ ଆମେରିକାର ରାଷ୍ଟ୍ରପତି ଥିଲେ ସେ ସମୟରେ ଭାରତ ଓ ଆମେରିକା ମଧ୍ୟରେ ଏକ ଭଲ ସମ୍ପର୍କ ଗଢ଼ି ଉଠିଥିଲା । ଆଉ ଏବେ ଟ୍ରମ୍ପ ଙ୍କ ଦ୍ଵିତୀୟ ପାଳିରେ ସେଇ ସମ୍ପର୍କ ବଜାୟ ରଖିବା ବାର୍ତ୍ତା ନେଇ ଏହି ପେଣ୍ଟିଂ କରିଥିବା କଥା କହିଛନ୍ତି ଦୀପକ୍ ।

Advertisement

କେବଳ ସେତିକି ନୁହେଁ ଯଦି ସୁଯୋଗ ମିଳେ ତେବେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ତାଙ୍କର ଏହି ପେଣ୍ଟିଂ ଭେଟିଦେବେ ବୋଲି ଆଶା ରଖିଛନ୍ତି ଦୀପକ୍ ।