ଏ ବର୍ଷ ବାଲିଯାତ୍ରାରେ ଲୋକେ ଦେଖିବେ ଅନନ୍ତ ଦୁନିଆ ର ଚତ୍ମକାର ଦୃଶ୍ୟ ।
1 min read
କଟକ : ଚଳିତ ବର୍ଷ ଐତିହାସିକ ହେବ କଟକ ବାଲିଯାତ୍ରା । ସମସ୍ତେ ଦେଖିବେ ଅନନ୍ତ ଦୁନିଆର ଚତ୍ମକାର ଦୃଶ୍ୟ । ସିଙ୍ଗାପୁରର ମଜା ଏବେ କଟକ ବାଲିଯାତ୍ରାରେ । ଓଡ଼ିଶାର ଐତିହ୍ୟ, ପରମ୍ପରା ଓ ସଂସ୍କୃତିକୁ ବହନ କରୁଥିବା ବାଲିଯାତ୍ରା ବିଶ୍ବ ସ୍ତରୀୟ ହେବାକୁ ଦାବି ହେଉଛି । ସୁସ୍ଵାଦ ଖାଦ୍ୟପେୟ, ହେଉ ଅବା ଘର କରଣା ଜିନିଷ, କିମ୍ବା କୌଣସି ଦୋଳି ହେଉ ଖୁବ୍ ମଜା ଉଠାନ୍ତି ଦର୍ଶକ ।
ଗତବର୍ଷ ବାଲିଯାତ୍ରାର ମୂଖ୍ୟ ଆକର୍ଷଣ ସାଜିଥିଲା ”ଟର୍ନେଲ ଆକ୍ୟୁରୀୟମ” । ଯାହାକୁ ଦର୍ଶକ ମାନେ ଖୁବ୍ ପସନ୍ଦ କରିଥଲେ । ତେବେ ଚଳିତ ବର୍ଷ ବାଲିଯାତ୍ରା ପଡ଼ିଆରେ ଅନୁଭବ ହେବ ହଲିଉଡ ସିନେମା “ଅବତାର”ରେ ପ୍ରଦର୍ଶିତ କାଳ୍ପନିକ ଦୁନିଆର ଅନୁଭୁତି । କାଚର ଚୌହଦି ମଧ୍ୟରେ ଆଲୋକର କରାମତି ଏବଂ ବିଭିନ୍ନ ଆକୃତିର ପ୍ରତିକୃତି ସୃଷ୍ଟି କରିବ ଭିନ୍ନ ଏକ ପରିବେଶ । ଦର୍ଶକମାନେ କାଚ କାନ୍ଥ ଭିତରେ ବୁଲିବୁଲି ଏକ ନୂଆ ଦୁନିଆକୁ ଦେଖିବେ ।
କଟକ-ଇନ୍-କଟକ ଏବଂ ଓରମାସ୍ ମଝିରେ ଥିବା ଖୋଲା ସ୍ଥାନରେ “ଇନ୍ଫିନିଟି ୱାଲଡ” କୁ କରାଯିବ ସ୍ଥାନିତ । ଏ ନେଇ ପ୍ରସ୍ତୁତି ଜୋରଦାର ଚାଲିଛି । ସାମିଲ୍ ହୋଇଛନ୍ତି ୩୦ ରୁ ଉର୍ଦ୍ଧ୍ବ କାରିଗର । ଏ ବର୍ଷ ବାଲିଯାତ୍ରାର ମୁଖ୍ୟ ଆକର୍ଷଣ “ଇନ୍ଫିନିଟି ୱାଲଡ” ରହିବ ବୋଲି ଆୟୋଜକ ଅଭିଷେକ ଜେନା କହିଛନ୍ତି ।
