ଓଡ଼ିଶାର ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ନବୀନ ପଟ୍ଟନାୟକ : ଅତନୁ ସବ୍ୟସାଚୀ ନାୟକ…
1 min read
ଓଡ଼ିଶାର ଲୋକେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଭୁଲି ପାରି ନାହାନ୍ତି। ଓଡ଼ିଶାର ପରବର୍ତ୍ତୀ ମୁଖ୍ୟମନ୍ତ୍ରୀ ହେବେ ନବୀନ ପଟ୍ଟନାୟକ। କେନ୍ଦ୍ରାପଡ଼ା ମହାକାଳପଡ଼ାରେ ଆୟୋଜିତ ଏକ ଦଳୀୟ ସଭାରେ ଏଭଳି କହିଛନ୍ତି ବିଜେଡି ନେତା ତଥା ପୂର୍ବତନ ମନ୍ତ୍ରୀ ଅତନୁ ସବ୍ୟସାଚୀ ନାୟକ। ସେ କହିଛନ୍ତି, ‘ବିଜୁ ଜନତା ଦଳ କର୍ମୀ ଓ ନେତାଙ୍କୁ ଭରସା ମୁଁ ଦେଉଛି, ନବୀନ ପଟ୍ଟନାୟକ ପୁଣି ଥରେ ମୁଖ୍ୟମନ୍ତ୍ରୀ ହେବେ। ଓଡ଼ିଶାର ଲୋକେ ନବୀନବାବୁଙ୍କୁ ମୁଖ୍ୟମନ୍ତ୍ରୀ କରିବାକୁ ପ୍ରସ୍ତୁତ ହେଲେଣି। ନବୀନ ବାବୁ ମୁଖ୍ୟମନ୍ତ୍ରୀ ନାହାନ୍ତି ଏକଥା ଏବେ ମଧ୍ୟ କେତେକ ବିଶ୍ଵାସ କରି ପାରୁନାହାନ୍ତି। ନବୀନ ବାବୁଙ୍କୁ ଲୋକେ ଭୁଲି ପାରୁନାହାନ୍ତି’।
ଏହାସହ ପୁନର୍ବାର ନବୀନଙ୍କୁ ମୁଖ୍ୟମନ୍ତ୍ରୀ କରିବାକୁ ନେଇ ଫର୍ମୁଲା ଦେଇଛନ୍ତି ଅତନୁ। ଆମର ୫୧ ଓ କଂଗ୍ରେସର ୧୪ ଏବଂ ସ୍ୱାଧୀନର ୩ ବିଧାୟକଙ୍କ ସମର୍ଥନ ଆମ ସହିତ ଅଛି। ଆଉ ମାତ୍ର ୮-୧୦ଜଣ ବିଧାୟକ ଦରକାର ବୋଲି ସେ କହିଛନ୍ତି। ପରାଜୟ ପରେ ପ୍ରଥମ ଥର ପାଇଁ ମହାକାଳପଡ଼ାରେ ସାଧାରଣ ସଭା କରି ଏଭଳି କହିଛନ୍ତି ଅତନୁ।
