ନିଖୋଜ୍ ହେଲେ ମହିଳା କ୍ରିକେଟର ରାଜଶ୍ରୀ ସ୍ୱାଇଁ ! ଥାନାରେ ଏତଲା ଦେଲେ କୋଚ୍
1 min read
କଟକ : ପତା ମିଳୁନି ମହିଳା କ୍ରିକେଟର ରାଜଶ୍ରୀ ସ୍ୱାଇଁଙ୍କର । ମହିଳା ସିନିୟର ଦଳର ଖେଳାଳି ରାଜଶ୍ରୀ ୧୧ ତାରିଖରୁ କୁଆଡେ ନିଖୋଜ ହୋଇାଯାଇଛନ୍ତି । ଏନେଇ ତାଙ୍କ କୋଚ୍ କଟକ ମଙ୍ଗଳାବାଗ୍ ଥାନାରେ ଏତଲା ଦେଇଛନ୍ତି ।
ସୂଚନାଯୋଗ୍ୟ ଯେ ନିକଟରେ ଏକ ୱାନଡେ ମ୍ୟାଚ୍ ଖେଳିବା ପାଇଁ ୨୫ ଜଣିଆ ଟିମ୍ ଘୋଷଣା କରାଯାଇଥିଲା। ରାଜଶ୍ରୀ ସେହି ଟିମ୍ରେ ଚୟନ ହୋଇଥିଲେ । ତେବେ ଟିମ୍ ସହ ରାଜଶ୍ରୀ କଟକ ବଜ୍ରକବାଟିରେ ଥିବା ଏକ ହୋଟେଲରେ ରହି ପ୍ରଶିକ୍ଷଣ ଶିବିରକୁ ଯାଉଥିଲେ । ଥାନାରେ ହୋଇଥିବା ଅଭିଯୋଗ ଅନୁଯାୟୀ ଗତ ୧୧ ତାରିଖରେ ରାଜଶ୍ରୀ ହୋଟେଲରୁ ବାହରି ଯାଇଥିଲେ କିନ୍ତୁ ପ୍ରଶିକ୍ଷଣ ଶିବିରରେ ପହଞ୍ଚିନଥିଲେ । ଦୀର୍ଘ ସମୟଧରି ରାଜଶ୍ରୀ ପ୍ରଶିକ୍ଷଣ ଶିବିରରେ ନପହଞ୍ଚିବାରୁ କୋଚ୍ ତାଙ୍କୁ ଫୋନ କରିଥିଲେ । ହେଲେ ତାଙ୍କ ଫୋନ ଲାଗିନଥିଲା । ଏହାପରେ କୋଚ୍ ଏବଂ ଟିମ୍ର କିଛି ପିଲା ମିଶି ରାଜଶ୍ରୀଙ୍କୁ ଖୋଜିବାକୁ ଚେଷ୍ଟା କରିଥିଲେ । ତାଙ୍କୁ ନପାଇବା ପରେ କୋଚ୍ ମଙ୍ଗଳାବାଗ୍ ଥାନାରେ ଏତଲା ଦେଇଥିଲେ ।
ରାଜଶ୍ରୀଙ୍କ କୋଚ୍ ଏତଲାରେ ଦର୍ଶାଇଛନ୍ତି ଯେ, ପଣ୍ଡୁଚେରୀରେ ଏକ ୱାନଡେ ମ୍ୟାଚ୍ ଖେଳିବା ପାଇଁ ଚୂଡ଼ାନ୍ତ ତାଲିକା ଘୋଷଣା କରାଯାଇଥିଲା। ଚୂଡ଼ାନ୍ତ ତାଲିକାରେ ରାଜଶ୍ରୀଙ୍କ ନାଁ ନଥିଲା। ଏଥିପାଇଁ ସେ ମାନସିକ ଚାପରେ ଥିଲେ। ଅନ୍ୟପକ୍ଷରେ ରାଜଶ୍ରୀଙ୍କ ବାଇକ୍ ଓ ହେଲମେଟ୍ ଆଠଗଡ଼ ଓରନ୍ଦା ଜଙ୍ଗଲରୁ ମିଳିଛି।
ଏନେଇ ରାଜଶ୍ରୀଙ୍କ ବାପା ମାଁ ତାଙ୍କ ଫଟୋ ନେଇ କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରାଙ୍କୁ ଗୁହାରି କରିବାକୁ ଯାଇଥିଲେ । ହେଲେ କ୍ରିଡା ମନ୍ତ୍ରୀ ସେଠାରେ ନଥିବାରୁ ସେମାନେ ନିରାଶ ହୋଇ ଫେରିଥିଲେ । ତେବେ ରାଜଶ୍ରୀଙ୍କ ଘର ପୁରୀ ଜିଲ୍ଲା ରାମଚଣ୍ଡୀ ଥାନା ଭୂଆଁରେ ବୋଲି ଜଣାପଡିଛି । ଝିଅ ନିଖୋଜ ହେବା ପରଠୁ ରାଜଶ୍ରୀଙ୍କ ମାଁ କାନ୍ଦି କାନ୍ଦି କେବଳ ଗୋଟାଏ କଥା କହୁଛନ୍ତି ଯେ ମୋ ଝିଅକୁ ମାରି କେଉଁଠି ଲୁଚାଯାଇଛି । ସେ ଭଳ ଖେଳୁଥିଲା କିନ୍ତୁ ତା ନାଁ ଚୂଡାନ୍ତ ତାଲିକାରେ ନଥିଲା । ଝିଅ ପ୍ରତି ଚୟନ ପକ୍ରିୟାରେ ଅନ୍ୟାୟ ହୋଇଛି ତାପରେ ତାକୁ ମାରି କେଉଁଠି ଲୁଚାଇ ଦିଆଯାଇଛି ବୋଲି କହିଛନ୍ତି ରାଜଶ୍ରୀଙ୍କ ମାଁ । ଅନ୍ୟପଟେ ଜଙ୍ଗଲରୁ ରାଜଶ୍ରୀଙ୍କ ସ୍କୁଟି ଏବଂ ହେଲମେଟ୍କୁ ଠାବ କରୁଛି କଟକ ପୋଲିସ । ତେବେ କୁଆଡେ ଗଲେ ରାଜଶ୍ରୀ ? କିଏ ମାରିଦେଇଛି ନା ସେ ନିଜେ କିଛି କରିଦେଇଛନ୍ତି ! ତାହ ବର୍ତ୍ତମାନ ସୁଦ୍ଧା ସନ୍ଦେହ ଘେରରେ ।
