‘ଅଲ୍ଲୀବାବ ଦାସ୍ତାନ ଇ କବୁଲ’ ଶୋରେ ନୂଆ ମୋଡ : ଶିଜାନ୍ଙ୍କ ରିପ୍ଲେସ୍ କରିବେ ଏହି ଆକ୍ଟର
1 min read
ମୁମ୍ବାଇ : ଟିଭି ଆକ୍ଟ୍ରେସ୍ ତୁନିଶା ଶର୍ମାଙ୍କ ମୃତ୍ୟୁ ମାମଲାରେ କୋ-ଆକ୍ଟର ଶିଜାନ ଖାନ ବର୍ତ୍ତମାନ ପୋଲିସ ହେପାଜତରେ ଅଛନ୍ତି । କାରଣ ତୁନିଶାଙ୍କ ମୃତ୍ୟୁ ପାଇଁ ତାଙ୍କ ମାଁ ଶିଜାନଙ୍କ ଉପରେ ଆରୋପ ଲଗାଇଥିଲେ । ମୁମ୍ବାଇ ପୋଲିସ ଶିଜାନଙ୍କୁ ଜେରା କରିବା ପରେ ଗିରଫ୍ କରିଥିଲା । ତେବେ ଆଜି ଶିଜାନଙ୍କ ଓକିଲ ବେଲ ପାଇଁ କୋର୍ଟରେ ଆବେଦନ କରିଥିଲେ । ଯାହାକୁ ବର୍ତ୍ତମାନ କୋର୍ଟ ଖାରଜ୍ କରିଦେଇଛି ।
ସୂଚନାଯୋଗ୍ୟ ଯେ ତୁନିଶା ଓ ଶିଜାନ ଦୁହେଁ ଟିଭି ଶୋ ଅଲ୍ଲୀବାବ ଦାସ୍ତାନ ଇ କବୁଲରେ ଲିଡ୍ରୋଲରେ କାମ କରୁଥିଲେ । ନିକଟରେ ତୁନିଶାଙ୍କ ମୃତ୍ୟୁ ପରେ ଶିଜାନ ମଧ୍ୟ ଗିରଫ୍ ହୋଇଥିଲେ । ଏନେଇ ସିରିଏଲଟିକୁ ଅଧାରୁ ବନ୍ଧ କରାଯାଇଥିବା ବେଳେ । ବର୍ତ୍ତମାନ ଏହି ସିରିଏଲକୁ ନେଇ ଆସୁଛି ଏକ ବଡ ଅଫଡେଟ୍ । ଶିଜାନଙ୍କ ପରିବର୍ତ୍ତେ ଶେ।ରେ ନଜର ଆସିବେ ଅଭିନେତା ଅଭିଷେକ୍ ନିଗମ୍ ।
ଇଟାଇମ୍ସର ଖବର ଅନୁଯାୟୀ ଶୋ ଅଲ୍ଲୀବାବା ର ସୁଟିଂ ଦୀର୍ଘ ସମୟ ଧରି ଅଟକି ରହିଥିଲା । ଯାହାକୁ ନେଇ ପ୍ରଶଂସକମାନେ ମଧ୍ୟ ଅସନ୍ତୁଷ୍ଟି ପ୍ରକାଶ କରିଥିଲେ । କିନ୍ତୁ ବର୍ତ୍ତମାନ ପ୍ରଶଂସକଙ୍କ ପାଇଁ ଏହି ବଡ ଖବର ଶୁଣାଇଛନ୍ତି ଶୋର ନିର୍ଦ୍ଦେଶକ । ନିକଟରେ ଅଭିଷେକ ଏହି ଶୋ ପାଇଁ ଏଗ୍ରିମେଣ୍ଟ ସାଇନ୍ କରିଥିଲେ । ଯାହାର ଫଟୋ ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେଉଛି ।ଏବେ ଶୋରେ ନୂଆ ଟୁଇଷ୍ଟ ଦେଖିବେ ଦର୍ଶକ । ଶୋରେ ଏହା ଦର୍ଶାଯିବ ଯେ ଶିଜାନ ଅର୍ଥାତ୍ ଅଲ୍ଲୀ ଗୁରୁତର ଆହତ ହୋଇଛନ୍ତି । ଏହାପରେ ତାଙ୍କ ମୁହଁର ପରିବର୍ତ୍ତନ କରାଯାଇ ବା ପାରମ୍ପରିକ ଚିକିତ୍ସା କରାଯାଇ ଚେହେରାଟିକୁ ବଦଳାଇଦିଆଯାଉଛି । ଏହାପରଠୁ ଶୋରେ ଅଲ୍ଲୀ ଭାବରେ ନଜର ଆସିବେ ଅଭିଷେକ୍ ।
ତେବେ ପ୍ରଶଂସକମାନଙ୍କ ସୂଚନା ନିମନ୍ତେ ଆମେ କହିଦେବାକୁ ଚାହୁଁଛୁ ଯେ ,ଅମୀର ଖାନଙ୍କ ଫିଲ୍ମ ତାରେ ଜମିନପରରେ ନଜର ଆସିଥିବା ଶିଶୁ କଳାକର ସିଦ୍ଧାର୍ଥ ନିଗମଙ୍କ ବଡ ଭାଇ ଅଭିଷେକ୍ ପୂର୍ବରୁ ଅନେକ ମ୍ୟୁଜିକ୍ ଭିଡିଓରେ କାମ କରିସାରିଛନ୍ତି । ଏହା ସହ ସେ ତୁନିଶାଙ୍କ ସହ ମଧ୍ୟ ଗୋଟିଏ ମ୍ୟୁଜିକ୍ ଭିଡିଓରେ ନଜର ଆସିଥିଲେ । ଅଭିଷେକ୍ ସୋନି ଟିଭିର ପପୁଲାର ଶୋ ‘ହିରୋ’ ଗାୟବ ମୋଡ୍ ଅନ ସହ,ଅକବର୍ , ମେରେ ସାଇ , ଅଶୋକା ରେ ମଧ୍ୟ ଅଭିନୟ କରିଛନ୍ତି । ସେହିଭଳି ବଲିଉଡ୍ର ପାନିପଥ୍ , ଟୁମ୍ବିନ୍ ଭଳି ଫିଲ୍ମରେ ମଧ୍ୟ ଅଭିଷେକ୍ ନିଜର ଅଭିନୟ ଦେଖାଇସାରିଛନ୍ତି ।
