ଇଣ୍ଡିଆ ବନାମ ସାଉଥ୍ ଆଫ୍ରିକା ; ସଞ୍ଜୁ-ତିଲକଙ୍କ ବିସ୍ଫୋରକ ଶତକ ଉଡାଇଲା ଦର୍ଶକଙ୍କ ହୋସ୍ ।
1 min read
ଶେଷ T-20 ରେ ଧୁଆଁ ଉଡାଇଲେ ସଞ୍ଜୁ-ତିଲକ । ଦକ୍ଷିଣ ଆଫ୍ରିକା ଶେଷ ତଥା ୪ର୍ଥ ଟି-୨୦ରେ ଭାରତୀୟ ବ୍ୟାଟରଙ୍କ ବିସ୍ଫୋରକ ବ୍ୟାଟିଂ ଭାରତକୁ ବିଜୟ ଦେଇଛି। ଜୋହାନ୍ସବର୍ଗରେ କାଲି ଛାଇଥିଲା ଭାରତୀୟଙ୍କ ଯାଦୁ । କାଲି ଲକି ପଡିଆରେ ବାଜି ପଲଟାଇଥିଲା ଭାରତୀୟ ଟିମ୍ । ଭାରତୀୟ ବ୍ୟାଟରଙ୍କ ବ୍ୟାଟରୁ ବାହାରିଛି ବଡ଼ବଡ଼ ଛକା। ସଞ୍ଜୁ ସାମସନ ଓ ତିଲକ ହାସଲ କରିଛନ୍ତି ବିସ୍ଫୋରକ ଶତକ।
ପ୍ରଥମେ ବ୍ୟାଟିଂକରି ଭରତ ୨୦ ଓଭରରେ ଗୋଟିଏ ୱିକେଟ ହରାଇ ୨୮୩ ରନ କରିଥିଲା । ଭାରତ ପକ୍ଷରୁ ଓପନର ସଞ୍ଜୁ ସାମସନ ୫୬ ବଲରୁ ୬ ଚୌକା, ୯ ଛକା ସହ ୧୦୯ ରନ କରିଥିଲେ । ସେହିପରି ଗତ ମ୍ୟାଚରେ ଶତକ ମାରଥିବା ତିଲକ ବର୍ମା ପୁଣି ଏକ ଶତକ ମାରିଥିଲେ । ୪୭ ବଲରୁ ୯ ଚୌକା, ୧୦ ଛକା ସହ ୧୨୦ ରନ କରିଥିଲେ ତିଲକ। ଫଳରେ ଦକ୍ଷିଣ ଆଫିକ୍ରାକୁ ୨୮୪ ରନରେ ବିଜୟ ଲକ୍ଷ ଦେଇଥିଲା ଟିମ ଇଣ୍ଡିଆ। ମାତ୍ର ୧୮ ଓଭର ୨ ଟି ବଲରେ ୧୪୮ ରନ କରି ଅଲଆଉଟ ହୋଇଯାଇଥିଲା ଘରୋଇ ଦଳ ।
ଦକ୍ଷିଣ ଆଫ୍ରିକା ବିପକ୍ଷ ଟି-୨୦ ସିରିଜରେ ୨-୧ରେ ଆଗରେ ଥିବା ଭାରତୀୟ ଟିମର ଅଧିନାୟକ ସୂର୍ଯ୍ୟ କୁମାର ଯାଦବ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲେ। ଆରମ୍ଭରୁ ଅଭିଷେକ ଶର୍ମା ଓ ସଞ୍ଜୁ ସାମାସନ ବଡ଼ବଡ଼ ଶଟ ଖେଳିବା ଆରମ୍ଭ କରିଥିଲେ। ପ୍ରଥମ ଓଭରରେ ଅଭିଷେକ ଶର୍ମା କ୍ୟାଚ୍ ଦେଇଥିଲେ ହେଁ ଏହାକୁ ରେଜା ହେଣ୍ଡ୍ରିକ୍ସ ହାତ ଛଡ଼ା କରିଥିଲେ।
