ରୋହିତଙ୍କୁ ଖୁସି ଖବର ଦେଲେ ରୀତିକା
1 min read
ପୁଣି ଥରେ ବାପା ହେଲେ ରୋହିତ ଶର୍ମା | ଟିମ ଇଣ୍ଡିଆର ଅଧିନାୟକ ରୋହିତ ଶର୍ମା ତାଙ୍କ ଘରକୁ ଏକ ପୁତ୍ର ସନ୍ତାନକୁ ସ୍ୱାଗତ କରିଛନ୍ତି | ତେବେ ଗତକାଲି ରୋହିତଙ୍କ ପତ୍ନୀ ରୀତିକା ତାଙ୍କ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି | ପୂର୍ବରୁ ରୋହିତ ଶର୍ମାଙ୍କର ଏକ ଝିଅ ରହିଛି | ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ ପାଇଁ ରୋହିତ ଶର୍ମାଙ୍କୁ ବାଦ ଦେଇ ଟିମ ଇଣ୍ଡିଆର କ୍ରିକେଟର ମାନେ ଅଷ୍ଟ୍ରେଲିଆରେ ପହଞ୍ଚି ସାରିଲେଣି | ତେବେ ରୋହିତ ଏପର୍ଯ୍ୟନ୍ତ ପହଞ୍ଚି ନଥିବା ଜଣାପଡିଛି | ତେବେ ଖୁବଶୀଘ୍ର ଆଗାମୀ ମ୍ୟାଚରେ ସାମିଲ ହେବେ ବୋଲି ଜଣାପଡିଛି |
ତେବେ ରୀତିକାଙ୍କ ପ୍ରେଗ୍ନେନ୍ସି କୁ ନେଇ ସୋସିଆଲ ମିଡିଆରେ କୌଣସି ସୂଚନା ମିଳିନଥିବା ବେଳେ ଏନେଇ ଷ୍ଟାର କପଲ ମଧ୍ୟ ସୋସିଆଲ ମିଡ଼ିଆ ହ୍ୟାଣ୍ଡେଲରେ କୌଣସି ସୂଚନା ଦେଇନଥିଲେ | ତେବେ ରୋହିତ ଶର୍ମା ଏପର୍ଯ୍ୟନ୍ତ ଅଷ୍ଟ୍ରେଲିଆ ଗସ୍ତରେ ସାମିଲ ନ ହେବାରୁ ସୁନୀଲ ଗାଭାସ୍କର ସମାଲୋଚନା କରିଥିଲେ |
ମାତ୍ର ଅଷ୍ଟ୍ରେଲିଆର ପୂର୍ବ କ୍ରିକେଟର ଗାଭାସ୍କରଙ୍କ ସହ ସହମତ ହୋଇନଥିଲେ | ଯଦି ରୋହିତ ଶର୍ମାଙ୍କୁ ଘରେ ରହିବାକୁ ପଡୁଛି ତେବେ ତାହା କିଛି ଆବଶ୍ୟକତା ରହିଛି | କାରଣ ତାଙ୍କ ପତ୍ନୀଙ୍କର ଏବେ ପ୍ରସବ ସମୟ ପାଖେଇ ଆସିଲାଣି | ତେବେ ଏହି ଖବର ଆସିବା ପରେ ବିଭିନ୍ନ ଆଡ଼ୁ ଶୁଭେଚ୍ଛାର ସୁଅ ଛୁଟିଛି। ତେବେ ରୋହିତ କିମ୍ବା ରିତିକା ଏ ସମ୍ପର୍କରେ କୌଣସି ସରକାରୀ ସୂଚନା ଦେଇନାହାନ୍ତି।
ତେବେ ଅଷ୍ଟ୍ରେଲିଆ ଗସ୍ତ ପୂର୍ବରୁ ଭାରତୀୟ କ୍ରିକେଟର ଅଧିନାୟକଙ୍କ ଘରକୁ ଖୁସି ଖବର ଆସିଛି | ନଭେମ୍ବର ୨୨ ରୁ ପ୍ରଥମ ଟେଷ୍ଟ ମ୍ୟାଚ ଆରମ୍ଭ ହେବାକୁ ଯାଉଛି | ତେବେ ରୋହିତ ଏହି ମ୍ୟାଚ ଖେଳିବେ କି ନାହିଁ ସେନେଇ ଏବେ ଚର୍ଚ୍ଚା ଚାଲିଛି |
