ଚନ୍ଦ୍ରବାବୁ ନାଇଡୁଙ୍କ ସାନ ଭାଇ ରାମମୂର୍ତ୍ତିଙ୍କ ପରଲୋକ ,୭୨ ବର୍ଷ ରେ ହୋଇଛି ଦେହାନ୍ତ ..
1 min read
ମୁଖ୍ୟମନ୍ତ୍ରୀଙ୍କ ଉପରେ ଛିଡି ପଡିଲା ଦୁଃଖର ପାହାଡ଼ ।ଚାଲିଗଲେ ମୁଖ୍ୟମନ୍ତ୍ରୀଙ୍କ ର ସାନଭାଇ । ଆନ୍ଧ୍ର ପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ସାନ ଭାଇ ତଥା ପୂର୍ବତନ ଟିଡିପି ବିଧାୟକ ରାମମୂର୍ତ୍ତି ନାଇଡୁଙ୍କ ନିଧନ ହୋଇଛି । ମୃତ୍ୟୁ ବେଳକୁ ତାଙ୍କୁ ୭୨ ବର୍ଷ ହୋଇଥିଲା । ହାଇଦ୍ରାବାଦର ଏକ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଦୀର୍ଘ ଦିନ ଧରି ହୃଦରୋଗରେ ପୀଡ଼ିତ ଥିବା ରାମମୂର୍ତ୍ତିଙ୍କୁ ୩ ଦିନ ପୂର୍ବରୁ ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା ।ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା ।ଆଜି ତାଙ୍କର ମୃତ୍ୟୁ ହୋଇଥିବା ଜଣାପଡିଛି ।
ମିଳିଥିବା ସୂଚନା ଅନୁସାରେ ରାମମୂର୍ତ୍ତି ନାଇଡୁଙ୍କ ଶେଷକୃତ୍ୟ ତାଙ୍କ ଗାଁ ନାରାଭାରିପାଲ୍ଲେରେ ନଭେମ୍ବର ୧୭ (ରବିବାର)ରେ ହେବ । ରାମମୂର୍ତ୍ତି ନାଇଡୁ ୧୯୯୪ରେ ଚନ୍ଦ୍ରଗିରି ବିଧାନସଭା ଆସନରୁ ଟିଡିପି ଟିକେଟ୍ରେ ଲଢ଼ି ନିର୍ବାଚିତ ହୋଇଥିଲେ । ସେ ତେଲୁଗୁ ଫିଲ୍ମ ପ୍ରଯୋଜକ ଏବଂ ଅଭିନେତା ନାରା ରୋହିତଙ୍କ ବାପା । ରାମମୂର୍ତ୍ତି ନାଇଡୁଙ୍କ ପରଲୋକରେ ବହୁ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି ।
