କୀର୍ତ୍ତି ସୁରେଶଙ୍କୁ ମିଳିଗଲା ସାତଜନ୍ମର ସାଥୀ, ଡିସେମ୍ବର ରେ କରିବେ ବିବାହ…
1 min read
କନିଆଁ ସାଜିବେ ସାଉଥ ହସିନା କୀର୍ତ୍ତି ସୁରେଶ । ଅଭିନେତ୍ରୀଙ୍କୁ ମିଳିଗଲା ସାତ ଜନ୍ମର ସାଥି । ଏଥର ସତ ସତିକା କନିଆଁ ସାଜିବେ କିର୍ତ୍ତୀ ସୁରେଶ । ରିଲ ରିଏଲ ରେ ସିନ୍ଦୁର ପିନ୍ଧିବେ ଅଭିନେତ୍ରୀ ।ଅନେକ ଥର ତାଙ୍କୁ କନିଆଁ ବେଶରେ ଦେଖିଥିବେ ଦର୍ଶକ ।ବେଦିରେ ବସି ମିଛି ମିଛିକା ବିବାହ କରିବାର ହେଲେ ଏଥର ସେ ସତ ସତିକା ବଧୁ ସାଜି ଆରମ୍ଭ କରିବାକୁ ଯାଉଛନ୍ତି ନୂଆ ଇନିଂସ ।
ଦୀର୍ଘ ଦିନର ପ୍ରେମିକ ଅଣ୍ଟୋନି ଥାଟିଲଙ୍କ ସହ ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି । ଡିସେମ୍ବର ଦ୍ୱିତୀୟ ସପ୍ତାହରେ କିର୍ତ୍ତୀଙ୍କ ହାତଗଣ୍ଠି ପଡ଼ିବା ନେଇ ସୂଚନା ମିଳିଛି। ଏନେଇ ଅଭିନେତ୍ରୀ ଖୁବ୍ ଶୀଘ୍ର ଘୋଷଣା କରିପାରନ୍ତି।କହିବାକୁ ଗଲେ ଆଣ୍ଟୋନି ଦୁବାଇର ଜଣେ ବ୍ୟବସାୟୀ। ଆଣ୍ଟୋନି ଏବଂ କିର୍ତ୍ତୀ ସୁରେଶ ପିଲାଦିନର ବନ୍ଧୁ। ଉଭୟ ଗୋଟିଏ ବିଦ୍ୟାଳୟରେ ପଢୁଥିଲେ। ଉଭୟ ଦୀର୍ଘ ୧୫ ବର୍ଷ ହେବ ରିଲେସନସିପରେ ଥିଲେ। ଗୋଆରେ ସେମାନଙ୍କ ବିବାହ ହେବା ନେଇ ଚର୍ଚ୍ଚା ହେଉଛି।
କିର୍ତ୍ତୀ ସୁରେଶ ୨୦୦୦ରେ ଶିଶୁ କଳାକାର ଜରିଆରେ ଅଭିନୟ ଜଗତରେ ଡେବ୍ୟୁ କରିଥିଲେ । ଏହାପରେ ମାଲୟାଲମ ସିନେମା ଗୀତାଞ୍ଜଳିରେ ମୁଖ୍ୟ ଭୂମିକାରେ ଅଭିନୟ କରି ଯାତ୍ରା ଆରମ୍ଭ କରିଥିଲେ।
