ବନ୍ଧୁକ ମୁନରେ ଗହଣା ଦୋକାନୀଙ୍କୁ ଲୁଟ୍ , ଛଡାଇ ନେଲେ ୨୫ ଲକ୍ଷର ଗହଣା ବ୍ୟାଗ୍ ।
1 min read
ବନ୍ଧୁକ ମୁନରେ ଗହଣା ଦୋକାନୀଙ୍କୁ ଲୁଟ୍ , ଛଡାଇ ନେଲେ ୨୫ ଲକ୍ଷର ଗହଣା ବ୍ୟାଗ୍ । ଚମ୍ପୁଆ ଥାନା ଅର୍ନ୍ତଗତ ଉର୍ତ୍ତୀ ଛକ ନିକଟରେ ଜୁଏଲାରୀ ଦୋକାନୀ ଙ୍କ ନିକଟରୁ ପ୍ରାୟ ୨୫ଲକ୍ଷ ଟଙ୍କାର ଗହଣା ଅଳଙ୍କାର ଲୁଟ ହୋଇଥିବା ଜଣାପଡିଛି।
ଉର୍ତ୍ତୀ ଛକରେ ଗହଣା ଦୋକାନ କରିଥିବା ଓମ୍ ଜୁଏଲାରୀ ଦୋକାନୀ ହିରଣ୍ୟ ମୟୀ ସାହୁ ଗତ ରାତି ପ୍ରାୟ ୮ଟା ବେଳେ ଦୋକାନ ବନ୍ଦ କରି ଦୋକାନ ର ଗହଣା ଅଳଙ୍କାର ଏକ ବ୍ୟାଗ୍ ରେ ଧରି ସାନ ପୁଅ ସହିତ ଘରକୁ ଯାଉଥିବା ବେଳେ ଉର୍ତ୍ତୀ ବଡନଇ ରାସ୍ତା ରେ ଦୋକାନ ଠାରୁ ମାତ୍ର ୧୦୦ ମିଟର ଦୂରରେ ଆଗରୁ ଛକି ବସିଥିବା ୬ ଜଣ ଦୁବୃର୍ତ୍ତ ତାଙ୍କୁ ଅଟକାଇଥିଲେ।
ବନ୍ଧୁକ ଭୁଜାଲି ଦେଖାଇ ମାଡ଼ ମାରିବା ସହ ଅଳଙ୍କାର ବ୍ୟାଗ୍ ଲୁଟି ନେଇ ଦୁଇଟି ବାଇକ୍ ରେ କରଞ୍ଜିଆ ରାସ୍ତା ରେ ଫେରାର ହୋଇଯାଇଥିବା ଜଣାପଡିଛି।ଲୁଟ ପରେ ସେ ଛକକୁ ଯାଇ ଲୋକଙ୍କୁ ଲୁଟ ସମ୍ପର୍କରେ ସୂଚନା ଦେବାପରେ ଗ୍ରାମ ବାସୀ ଲୁଟେରା ଙ୍କୁ ପିଛା କରିଥିଲେ ସୁଦ୍ଧା ତାଙ୍କର ଟେର ପାଇନଥିଲେ।ପରେ ଖବର ପାଇ ଚମ୍ପୁଆ ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରଂଭ କରିଥିବା ଜଣାପଡିଛି।
