କିଡନାପର ସାଜିଲା ରୋବୋଟ୍,12 ରୋବୋଟ୍କୁ କଲା ଅପହରଣ..
1 min read
କିଡନାପର ସାଜିଲା ରୋବୋଟ୍ ।କରିଲା 12ଟି ବଡ଼ ରୋବୋଟ୍କୁ ଅପହରଣ।ଯାହାର ଏକ ଭିଡିଓ ଏବେ ସୋସିଆଲ ମିଡିଆରେ ଘୂରି ବୁଲୁଛି । ଚୀନର ଏକ ଶୋ’ରୁମରେ ଏରବାଇ ନାମକ ଛୋଟ ରୋବୋଟ୍ 12ଟି ବଡ଼ ରୋବୋଟ୍କୁ ଅପହରଣ କରି ନେଇଯାଉଥିବା ଭିଡିଓ ସାମ୍ନାକୁ ଆସିଛି । ଚୀନର ହାଙ୍ଗଝୌ ସହରରେ ଏଆଇ (କୃତ୍ରିମ ବୁଦ୍ଧିମତ୍ତା) ସମ୍ପନ୍ନ ଏକ ରୋବର୍ଟ ସାଙ୍ଘାଇ ରୋବଟିକ୍ସ କମ୍ପାନୀର ଏକ ଶୋ’ ରୁମ୍ରୁ ୧୨ଟି ବଡ ରୋବଟ୍କୁ ଅପହରଣ କରିନେଇଛି।
ରୋବଟ୍କୁ ଅପହରଣ କରିନେବାର ଦୃଶ୍ୟ ସିସିଟିଭିରେ ରେକର୍ଡ ହୋଇଛି। ଏହି ଘଟଣା ଏବେ ଚର୍ଚ୍ଚାର ବିଷୟ ହୋଇଛି। ସିସିଟିଭିରେ ଦେଖାଯାଇଛି ଏଆଇ ସମ୍ପନ୍ନ ରୋବଟ୍ ଏରବାଇ ଅନ୍ୟ ରୋବଟ୍ ସହିତ କଥାବାର୍ତ୍ତା ହେଉଛି। କଥାବାର୍ତ୍ତା ସମୟରେ ଅନ୍ୟ ରୋବଟ୍ଗୁଡିକୁ ସେମାନଙ୍କ କାର୍ଯ୍ୟସ୍ଥଳୀ ଛାଡି ଚାଲିଯିବାକୁ ପ୍ରବର୍ତ୍ତାଉଛି। ଏଆଇ ର କଥାରେ ପ୍ରଭାବିତ ହୋଇ ରୋବଟ୍ଗୁଡିକ ଶୋ’ ରୁମ୍ ଛାଡି ତା ପଛେପଛେ ଚାଲିଯାଇଥିଲେ।
ନଭେମ୍ବର 11ରେ ହାଙ୍ଗଜୋର ଛୋଟ ରୋବୋଟ୍ ସାଙ୍ଘାଇ କମ୍ପାନୀର ରୋବୋଟ୍କୁ ଅପହରଣ କରିଥିବା କୁହାଯାଉଛି । ହାଙ୍ଗଜୋ ରୋବୋଟ୍ ନିର୍ମାତା ନିଶ୍ଚିତ କରିଛି ଯେ ଭାଇରାଲ ଭିଡିଓରେ ଦେଖାଯାଇଥିବା ‘ଛୋଟ କିଡନାପର୍’ ସେମାନଙ୍କ କମ୍ପାନୀ ଏକ ରୋବୋଟ୍ (Erbai) ମଧ୍ୟରୁ ଗୋଟିଏ । ଏହା ମଧ୍ୟ ପ୍ରକୃତ ଅପହରଣ ବୋଲି କମ୍ପାନୀ କହିଛି । ଏହି ଅପହରଣ କମ୍ପାନୀର ପରୀକ୍ଷଣର ଏକ ଅଂଶ ବୋଲି କମ୍ପାନୀ କହୁଥିବା ବେଳେ ଅନେକ ସୋସିଆଲ ମିଡିଆ ୟୁଜର ଏହାକୁ ଭୟଙ୍କର ବୋଲି କହିଛନ୍ତି ।
