ମହାରାଷ୍ଟ୍ରରେ ବିଜେପି ମ୍ୟାଜିକ , ପାର୍ଟି ଅଫିସରେ ଛଣା ଗଲା ଜିଲାପି…

ଫଳାଫଳ ପ୍ରକାଶ ପାଇବା ପର୍ବରୁ ବିଜେପି ଅଫିସରେ ଉତ୍ସବ । ଖୁସିରେ ବିଜେପି କାର୍ଯ୍ୟଳୟ ଭିତରେ ଛଣାଯାଉଛି ଜିଲାପି। ଏମିତି ଦୃଶ୍ୟ ମହାରାଷ୍ଟ୍ର ବିଧାନସଭା ନିର୍ବାଚନରେ ଦେଖିବାକୁ ମିଳିଛି ।ଯାହା ଏକ ଭିଡିଓ ଫଟୋ ଭାଇରାଲ ହେବାରେ ଲାଗିଛି । ଧିରେ ଧିରେ ଦୁଇ ରାଜ୍ୟରେ ବିଧାନସଭା ନିର୍ବାଚନର ଫଳାଫଳ ସ୍ପଷ୍ଟ ହେବାରେ ଲାଗିଛି । ପ୍ରାରମ୍ଭିକ ଧାରା ଅନୁଯାୟୀ ମହାରାଷ୍ଟ୍ରରେ ବିଜେପି ସମସ୍ତ ଦଳକୁ ପଛରେ ପକାଇ ଆଗରେ ରହିଛି, ଯାହାକୁ ନେଇ କର୍ମକର୍ତ୍ତାଙ୍କ ମଧ୍ୟରେ ଖୁସିର ମାହୋଲ । ଅନ୍ୟପଟେ ଦିଲ୍ଲୀ ବିଜେପି କାର୍ଯ୍ୟାଳୟରେ ଏକ ଉତ୍ସବର ଆରମ୍ଭ ପାଇ ପ୍ରସ୍ତୁତି ଚାଲିଛି । ଦିଲ୍ଲୀର ବିଜେପି ମୁଖ୍ୟାଳୟରେ ଜିଲ୍ଲା ଉତ୍ସବ ଆରମ୍ଭ ହୋଇଛି। ଏହାର ଭିଡିଓ ମଧ୍ୟ ସାମ୍ନାକୁ ଆସିଛି। ଭିଡିଓରେ ଦିଲ୍ଲୀ ବିଜେପି ମୁଖ୍ୟ କାର୍ଯ୍ୟାଳୟ ଭିତରେ ଜଣେ ବ୍ୟକ୍ତି ଜିଲାପି ଛାଣୁଥିବାର ଦେଖିବାକୁ ମିଳୁଛି ।

କହିରଖୁ ଯେ, ଭୋଟ ଗଣତିର ଟ୍ରେଣ୍ଡ ଅନୁଯାୟୀ ମହାରାଷ୍ଟ୍ରରେ ବଡ଼ ବିଜୟ ଅଭିମୁଖେ ବଢ଼ି ଚାଲିଛି ମହାୟୁତି। ଏଠାରେ ୨୮୮ଟି ଆସନରୁ କେବଳ ବିଜେପି ୧୩୫ଟି ଆସନରେ ଆଗୁଆ ରହିଛି। ମହାୟୁତି ମୋଟ ୨୧୫ଟି ଆସନରେ ଆଗୁଆ ଥିବା ମିଡିଆ ରିପୋର୍ଟରୁ ଜଣାପଡିଛି।ସେହିପରି ଝାଡ଼ଖଣ୍ଡରେ ଚାଲିଛି ଜୋରଦାର ଫାଇଟ୍‌। ଏଠାରେ ବିଜେପିକୁ ଝଟ୍‌କା ଲାଗିଛି। ଧୀରେ ଧୀରେ ଇଣ୍ଡିଆ ମେଣ୍ଟ ଆଗକୁ ବଢ଼ି ଚାଲଇଛି। ଇଣ୍ଡିଆ ମେଣ୍ଟ ୫୦ଟି ଆସନରେ ଲିଡ୍‌ କରୁଥିବା ବେଳେ ଏନ୍‌ଡିଏ ୨୯ଟି ଆସନରେ ଅଟକି ରହିଛି।