ଅଣୁଶକ୍ତି ନଗରରେ ହାରିଗଲେ ସ୍ୱରା ଭାସ୍କରଙ୍କ ସ୍ୱାମୀ ଫହାଦ ଅହମ୍ମଦ ଜିତିଲେ ସନା ମଲିକ…
1 min read
ହାରିଗଲେ ବଲିଉଡ ଅଭିନେତ୍ରୀ ସ୍ୱରା ଭାସ୍କରଙ୍କ ସ୍ୱାମୀ ।ତାଙ୍କ ପ୍ରତିଦ୍ବନ୍ଦ୍ବୀ ସନା ମଲିକ ତାଙ୍କୁ ଅଣୁଶକ୍ତି ନଗର ବିଧାନସଭା ଆସନରୁ ପରାସ୍ତ କରିଛନ୍ତି। ଅଣୁଶକ୍ତି ନଗର ଆସନ ପାଇଁ ଚାଲିଥିବା ଗଣନା ଶେଷ ହୋଇଥିବା ବେଳେ ଫହାଦ ପଛରେ ରହିଯାଇଛନ୍ତି | ଏହି ଆସନରୁ ଏନସିପି ନେତା ନବାବ ମଲିକଙ୍କ ଝିଅ, ଫହାଦ ଅହମ୍ମଦଙ୍କୁ ପରାଜୟର ସ୍ୱାଦ ଚଖାଇଛନ୍ତି ।
ଅଣୁଶକ୍ତିନଗର ବହୁତ୍ ଆଗରୁ ନବାବ ମଲିକଙ୍କ ଗଡ଼ ଭାବରେ ପରିଚିତ। ନବାବ ମଲିକ 2019, 2014 ଏବଂ 2009 ମସିହାରେ ଅଣୁଶକ୍ତିନଗର ଆସନରୁ ଜିତିଥିଲେ। ଏଥର ନବାବ ମଲିକଙ୍କ ଝିଅ ସାନା ମଲିକଙ୍କୁ ଏହି ଆସନରୁ ପାର୍ଥୀ ଭାବରେ ଲଢ଼ୁଛନ୍ତି। ଫହାଦ ଅହମ୍ମଦ ଦୀର୍ଘ ଦିନ ଧରି ସମାଜବାଦୀ ପାର୍ଟିର ମହାରାଷ୍ଟ୍ର ୟୁନିଟର ଯୁବ ବାହିନୀର ସଭାପତି ରହିଛନ୍ତି। ସେ ଉତ୍ତରପ୍ରଦେଶର ଅଲିଗଡ ମୁସଲିମ ବିଶ୍ୱବିଦ୍ୟାଳୟରୁ ଏବଂ ପରେ ମୁମ୍ବାଇର ଟାଟା ଇନଷ୍ଟିଚ୍ୟୁଟ ଅଫ ସୋସିଆଲ ସାଇନ୍ସରୁ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ। ଅଧ୍ୟୟନ ସମୟରେ ଫାହାଦ୍ ଛାତ୍ର ରାଜନୀତିରେ ମଧ୍ୟ ସକ୍ରିୟ ଅଛନ୍ତି। ଫହାଦ ଅହମ୍ମଦ ଫେବୃଆରୀ ୧୬, ୨୦୨୩ରେ ବଲିଉଡ ଅଭିନେତ୍ରୀ ସ୍ୱରା ଭାସ୍କରଙ୍କୁ ବିବାହ କରିଥିଲେ। ଏହା ପରେ, ସେହି ବର୍ଷ ଅକ୍ଟୋବର ମାସରେ, ଫାହାଦ୍ ସମାଜବାଦି ପାର୍ଟି ଛାଡି ଏନସିପିରେ ଯୋଗଦେଇଥିଲେ। ଏହାପରେ ଦଳ ତାଙ୍କୁ ନିର୍ବାଚନରେ ଟିକେଟ ଦେଇଥିଲା ।
