ବାଦଶାହଙ୍କ ନାଇଟ୍ କ୍ଲବ ବାହାରେ ବିସ୍ଫୋରଣ
1 min read
ଭୋରୁ ଭୋରୁ ନାଇଟ କ୍ଲବ ବାହାରେ ବିସ୍ପୋରଣ | ୨ ଟି ନାଇଟ କ୍ଲବ ବାହାରେ ହୋଇଥିଲା ବିସ୍ଫୋରଣ | ସ୍ୱଦେଶୀ ବୋମା ବ୍ୟବହାର କରି ଏହି ବିସ୍ଫୋରଣର କରାଯାଇଥିବା କୁହାଯାଉଛି। ଏହି ବିସ୍ଫୋରଣ ପରେ ଲୋକଙ୍କ ମନରେ ଆତଙ୍କ ଖେଳିଯାଇଛି | ଘଟଣା ଖବର ପାଇବା ପରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି | ତେବେ ଏହି ୨ଟି ନାଇଟ କ୍ଳବ ରାପର ବାଦଶାହଙ୍କର ବୋଲି ଜଣାପଡିଛି |
ସୂଚନା ଅନୁଯାୟୀ, ଚଣ୍ଡିଗଡର ସେକ୍ଟର ୨୬ରେ ଆଜି ଭୋର ପ୍ରାୟ ୪ଟା ବେଳେ ବାଦଶାହଙ୍କ ଦୁଇଟି ନାଇଟ୍ କ୍ଲବ ବାହାରେ ବିସ୍ଫୋରଣ ହୋଇଛି। ପୋଲିସ ତଦନ୍ତରୁ ଜଣାପଡିଛି ଯେ, ଦୁଇଜଣ ଅଜ୍ଞାତ ବାଇକ୍ ଆରୋହୀ ସକାଳେ ଚଣ୍ଡିଗଡ଼ର ଦୁଇଟି ନାଇଟ୍ କ୍ଲବ୍ ନିକଟରେ ବୋମା ମାଡ଼ କରିଛନ୍ତି। ସ୍ୱଦେଶୀ ବୋମା ବ୍ୟବହାର କରି ଏହି ବିସ୍ଫୋରଣର କରାଯାଇଥିବା କୁହାଯାଉଛି।
ତେବେ ବିସ୍ଫୋରଣ ଯୋଗୁ ନାଇଟ୍ କ୍ଲବର କବାଟ ଓ ଝରକା ଭାଙ୍ଗି ନଷ୍ଟ ହୋଇଯାଇଛି। ଏଥିରେ କେହି ମୃତାହତ ହୋଇନଥିବା ସୂଚନା ରହିଛି | ତେବେ ବର୍ତ୍ତମାନ ଚଣ୍ଡିଗଡ଼ ପୁଲିସର ଫୋରେନସିକ୍ ଟିମ୍ ତଦନ୍ତ ଆରମ୍ଭ କରିଛି | ତେବେ କିଏ ଏବଂ କାହିଁକି ଏହା କରିଛି ତାହା ଏପର୍ଯ୍ୟନ୍ତ ସ୍ପଷ୍ଟ ଜଣାପଡିନାହିଁ |
